ⵢⴻⵙⵙⴻⵍⵡⴰⵢ ⴰⵙⵙ-ⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⵉ ⴷ-ⵢⴻⵡⵡⵉⵏ ⵖⴻⴼ ⵢⵉⵙⴻⵏⴼⴰⵔⴻⵏ ⵉⵕⴻⵙⵙⴰⵏⴻⵏ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ (hydrocarbures), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ. ⵜⵉⵖⵉⵎⵉⵜ-ⴰⴳⵉ ⵜⴻⵡⵡⵉ-ⴷ ⴷⴰⵖⴻⵏ ⵖⴻⴼ ⵓⵙⴻⵏⴼⴰⵔ ⵏ ⵓⵎⵓⵍⵍⵉ ⵏ ⵓⴼⴰⵔⵉⵙ ⵏ ⵢⵉⴱⴻⵕⵕⴰⵏⴻⵏ (engrais) ⵏ ⵍⴼⵓⵙⴼⴰⵜ, ⴷ ⵓⵙⴻⵏⴼⴰⵔ ⵏ ⵍⴼⵓⵙⴼⴰⵜ ⵢⴻⴷⴷⵓⴽⴽⵍⴻⵏ ⵉ ⵓⴼⴰⵔⵉⵙ ⵏ "ⴰⵎⵓⵏⵢⴰⴽ" ⴷ "ⵢⵓⵔⵢⴰ", ⵔⵏⵉ-ⴷ ⴼⴻⵍⵍ-ⴰⵙⴻⵏ ⵢⵉⴱⴻⵕⵕⴰⵏⴻⵏ ⵏ ⵍⴼⵓⵙⴼⴰⵜ ⴷ ⵓⵥⵓⵜ (azotés).
ⴷⴻⴳ ⵓⵏⵏⴰⵔ-ⴰⴳⵉ, ⴰⵙⴻⵏⴼⴰⵔ ⵏ ⵍⴼⵓⵙⴼⴰⵜ ⵢⴻⴷⴷⵓⴽⴽⵍⴻⵏ ⴰⴷ ⵢⴻⴽⵛⴻⵎ ⵓⵏⵏⴰⵔ ⵏ ⵓⴼⴰⵔⵉⵙ ⴷⴻⴳ ⵓⴽⵔⴰⴷⵢⵓⵔ ⴰⵎⴻⵏⵣⵡⴰⵔⵓ ⵏ ⵓⵙⴻⴳⴳⴰⵙ ⵏ 2027, ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⴷ ⵓⵙⵎⴻⴷ ⵏ ⵓⵎⴰⵀⵉⵍ ⵏ ⵓⵙⵏⴻⵔⵏⵉ ⵏ ⵓⵙⴰⴳⴻⵏ ⵏ ⵄⴻⵏⵏⴰⴱⴰ ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⴰⴷ ⵢⴻⵙⵙⵓⴼⴼⴻⵖ ⵜⴰⵄⴻⴱⴱⴰ ⵜⴰⵎⴻⵏⵣⵡⵓⵜ ⵏ ⵍⴼⵓⵙⴼⴰⵜ ⴷⴻⴳ ⵜⴰⵍⵍⵉⵜ-ⵏⵏⵉ ⴽⴰⵏ.
ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵓⵙⵔⵉⵎ ⵏ ⵓⵙⴻⵏⴼⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵣⵣⴰⵢⴻⵔ – ⵜⴰⵎⴻⵏⵖⴰⵙⵜ, ⴰⵏⵉⴷⴰ ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ ⴱⴷⵓⵏ ⵢⵉⵎⴰⵀⵉⵍⴻⵏ ⴷⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⵜⴻⴷⴷⵓⵏ, ⵙ ⴽⵔⴰⴷ (03) ⵏ ⵍⵡⴻⵕⵛⴰⵜ ⵉⵎⴻⵇⵇⵔⴰⵏⴻⵏ:
- ⵍⵡⴻⵕⵛⴰ ⵜⴰⵎⴻⵏⵣⵡⵓⵜ: ⵡⴰⵔⴳⵍⴰ – ⵄⵉⵏ ⵚⴰⵍⴰⵀ.
- ⵍⵡⴻⵕⵛⴰ ⵜⵉⵙ ⵙⵏⴰⵜ: ⵄⵉⵏ ⵚⴰⵍⴰⵀ – ⵜⴰⵎⴻⵏⵖⴰⵙⵜ.
- ⵍⵡⴻⵕⵛⴰ ⵜⵉⵙ ⴽⵔⴰⴷⴻⵜ: ⵜⴰⵎⴻⵏⵖⴰⵙⵜ – ⵄⵉⵏ ⵚⴰⵍⴰⵀ.
ⴷⵔⴰⵏ-ⴷ ⴷⴻⴳ ⵜⵖⵉⵎⵉⵜ-ⴰⴳⵉ ⵎⴰⵙⵙ: ⵙⵉⴼⵉ ⵖⵔⵉⴱ (ⴰⵏⴻⵖⵍⴰⴼ ⴰⵎⴻⵣⵡⴰⵔⵓ), ⵉⴱⵔⴰⵀⵉⵎ ⵎⴻⵔⴰⴷ (ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⴰⵙⴻⵏⴰⵡⵜ ⵜⴰⵎⴰⵜⵓⵜ ⵏ ⵢⵉⵎⴻⵥⵍⴰ ⵏ ⵓⵡⴰⵏⴰⴽ ⴷ ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ), ⵎⵓⵀⴰⵎⴻⴷ ⴰⵔⴽⴰⴱ (ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ), ⵄⴻⴱⴷⴻⵍⴽⴰⵔⵉⵎ ⴱⵡⴰⵍⵣⴻⵔⴷ (ⴰⵏⴻⵖⵍⴰⴼ ⵏ ⵜⴻⴷⵔⵉⵎⵜ), ⵎⵓⵀⴰⵎⴻⴷ ⵍⴻⵎⵉⵏ ⵍⴻⴱⴱⵓ (ⴰⵎⵙⴻⴳⵍⴰⵡⴰⵢ ⵏ ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ), ⴷ ⵏⵓⵓⵔⴻⴷⴷⵉⵏⴻ ⴷⴰⵓⵓⴷⵉ (ⴰⵙⴻⵍⵡⴰⵢ ⴰⵎⴹⴻⴱⴱⴻⵔ ⴰⵎⴰⵜⵓ ⵏ ⵜⵙⵏⵓⵔⴻⴼⵜ ⵏ ⵙⵓⵏⴰⵜⵔⴰⵛⵀ).
ⴰⵔⵏⵓ ⵖⴻⵔ
