ⵙⵙⴰⵡⵜⴻⵏⵜ ⵜⴻⴳⵔⴰⵡⵉⵏ ⵢⴻⵎⴷⵓⴽⵍⴻⵏ ⵏ ⵓⵙⴻⵔⴷⴰⵙ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵉⴹⴻⵍⵍⵉ ⵉⴹ ⵏ ⵍⵃⴻⴷⴷ, ⴷⴻⴼⴼⵉⵔ ⵏ ⵢⵉⵡⴻⵏ ⵏ ⵡⴻⴽⵎⵉⵏ ⴷⵉ ⵜⴻⵎⵏⴰⴹⵜ ⵏ ⴰⵔⴰⴽ ⴷⵉ ⵍⵡⵉⵍⴰⵢⴰ ⵏ ⵜⴰⵎⴰⵏⵖⴰⵙⴻⵜ ⴷⴻⴳ ⵓⴳⴻⵣⴷⵓ ⴰⵙⴻⵔⴷⴰⵙⴰⵏ ⵡⵉⵙ ⵙⴹⵉⵙ, ⴰⴷ ⴳⴻⵣⵎⴻⵏⵜ ⵖⴻⴼ 4 ⵏ ⵢⵉⵎⴻⵃⵕⴰⴱⴻⵏ ⵉⵎⴻⵙⴽⵓⵟⴰⵢ ⴷ ⵜⵔⵉⵔⵉⵜ ⵏ ⵍⴻⵙⵍⴰⵃ ⴷ ⵢⵉⴽⵓⴼⴰⵏ ⵏ ⵜⴻⴹⵕⴰⵙ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ, ⴰⵙⵙ-ⴰ ⵏ ⵍⴻⵜⵏⴰⵢⴻⵏ, ⵢⵉⵡⴻⵏ ⵏ ⵡⵓⵍⵖⵓ ⵏ ⵜⵏⴻⵖⵍⴰⴼⵜ ⵏ ⵓⵃⵓⴷⴷⵓ ⴰⵖⴻⵍⵏⴰⵡ.
ⵢⴻⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⴰ ⵙ ⵜⵉⵎⵎⴰⴷ-ⵉⵙ, ⴱⴻⵍⵍⵉ "ⴷⴻⴳ ⵓⵃⵔⵉⵛ ⵏ ⵟⵟⵔⴰⴷ ⵉ ⵉⵇⴻⴷⴷⴻⵛ ⵓⵙⴻⵔⴷⴰⵙ ⴰⵖⴻⵍⵏⴰⵡ ⴰⵖⴻⵔⴼⴰⵏ ⵖⴻⴼ ⵢⵉⵇⴻⵔⵔⴰ ⵏ ⵓⵃⵕⴰⴱ ⴷ ⵢⵉⵎⴻⵙⵏⵓⵣⵓⵢⴻⵏ ⵏ ⵢⵉⵎⴻⵅⴷⴰⵕⴻⵏ, ⴷ ⵓⴹⴼⴰⵕ ⵏ ⵜⵣⴻⵎⵎⴰⵔ ⵉ ⴷ-ⵢⴻⵜⵜⴽⴻⵎⵎⵉⵍⴻⵏ ⵉ ⵓⴹⵎⴰⵏ ⵏ ⵜⵍⵉⵙⴰ ⴷ ⵓⵇⴰⴱⴰⵃ ⵏ ⵓⵃⵕⴰⴱ ⴷ ⵜⵙⴻⵏⴳⴰⵔⵜ ⵢⴻⵜⵜⵡⴰⵙⵓⴷⴷⵙⴻⵏ ⵙ ⵡⴰⵏⴰⵡⴻⵏ-ⵉⵙ ⵎⴻⵕⵕⴰ, ⵙⵙⴰⵡⵜⴻⵏⵜ ⵉⴹⴻⵍⵍⵉ ⵉⴹ ⵏ 15 ⵎⴻⵖⵔⴻⵙ 2026 ⵜⴻⴳⵔⴰⵡⵉⵏ ⵢⴻⵎⴷⵓⴽⵍⴻⵏ ⵏ ⵓⵙⴻⵔⴷⴰⵙ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴷⴻⴼⴼⵉⵔ ⵏ ⵡⴻⴽⵎⵉⵏ ⴷⵉ ⵜⴻⵎⵏⴰⴹⵜ ⵏ ⴰⵔⴰⴽ ⴷⵉ ⵍⵡⵉⵍⴰⵢⴰ ⵏ ⵜⴰⵎⴰⵏⵖⴰⵙⴻⵜ ⴷⴻⴳ ⵓⴳⴻⵣⴷⵓ ⴰⵙⴻⵔⴷⴰⵙⴰⵏ ⵡⵉⵙ ⵙⴹⵉⵙ, ⴰⴷ ⴳⴻⵣⵎⴻⵏⵜ ⵖⴻⴼ ⴽⵓⵥ (04) ⵏ ⵢⵉⵎⴻⵃⵕⴰⴱⴻⵏ ⵉⵎⴻⵙⴽⵓⵟⴰⵢ, ⵔⵏⵓ ⵖⴻⵔ-ⵙ ⵜⵉⵔⵉⵔⵉⵜ ⵏ:
ⵢⵉⵡⴻⵏ (01) ⵏ ⵍⵎⴻⵙⴽⵓⴷ ⵏ ⵛⵕⴻⵄ ⵙⴻⴳ ⵡⴰⵏⴰⵡ ⵏ ⴽⴻⵍⴰⵞⵏⵉⴽⵓⴼ, ⵙⴻⵎⵎⵓⵙ (05) ⵏ ⵢⵉⴽⵓⴼⴰⵏ ⵏ ⵜⴻⴹⵕⴰⵙ, ⴰⴽⴽⴻⴷ ⵜⵓⵟⵟⴼⴰ ⵏ ⵙⵏⴰⵜ (02) ⵏ ⵜⴽⴻⵕⵕⵓⵙⵉⵏ (4x4), ⵞⵞⵓⵕⴻⵏⵜ ⴷ ⴰⵎⴹⴰⵏ ⴰⵎⴻⵇⵇⵔⴰⵏ ⵏ ⵢⵉⵙⵓⴼⴰⵔ ⵉⵃⴰⵣⵣⴻⵏ ⴰⵍⵍⴰⵢ ⵢⴻⵜⵜⵡⴰⵃⴻⵙⴱⴻⵏ ⵙ ⵡⴰⵣⴰⵍ ⵏ ⵓⵎⴻⵍⵢⵓⵏ ⴷ ⵙⴹⵉⵙ ⵏ ⵜⵡⵉⵏⴰⵙ ⵏ ⵢⵉⴳⵉⵎⴰⵏ (1.600.000) ⵏ ⵜⵉⵄⴻⵇⵇⴰⵛⵉⵏ ⵢⴻⵙⵙⴰⴽⴰⵔⴻⵏ, ⵔⵏⵓ ⵖⴻⵔ-ⵙ ⵙⵉⵏ (02) ⵏ ⵡⴰⵍⵍⴰⵍⴻⵏ ⵏ ⵜⴻⵢⵡⴰⵍⵜ ⵙⴻⴳ ⵡⴰⵏⴰⵡ ⵏ ⵜⵓⵔⴰⵢⴰ ⴷ ⴽⵓⵥ (04) ⵏ ⵜⵜⵉⵍⵉⴼⵓⵏⴰⵜ ⵉⵏⴻⴳⴳⴼⵓⵢⴻⵏ".
ⵢⴻⵔⵏⴰ-ⴷ ⵡⵓⵍⵖⵓ ⴱⴻⵍⵍⵉ "ⴰⴳⴻⵎⵎⵓⴹ ⵏ ⵜⴻⴳⵎⵉⵜ-ⴰ ⵢⴻⵜⵜⵏⴻⵔⵏⴰ ⵖⴻⵔ ⵡⴰⵟⴰⵙ ⵏ ⵜⵉⴳⴰⵡⵉⵏ ⵜⵉⵎⴻⵥⵍⵉⵢⵉⵏ ⵉ ⵜⵅⴻⴷⴷⵎⴻⵏⵜ ⵢⴰⵍ ⴰⵙⵙ ⵜⴻⴳⵔⴰⵡⵉⵏ ⵏ ⵓⵙⴻⵔⴷⴰⵙ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵢⵉⵎⴻⵥⵍⴰ ⵢⴻⵎⵅⴰⵍⵍⴰⴼⴻⵏ ⵏ ⵍⴰⵎⴰⵏ ⴷⴻⴳ ⵢⴰⵍ ⵜⴰⵎⴰ ⵏ ⵜⵎⵓⵔⵜ-ⵏⵏⴻⵖ ⵎⴳⴰⵍ ⵉⵎⵙⴻⵏⴳⴰⵔⴻⵏ-ⴰ, ⴰⵢⴻⵏ ⵉ ⵡⴰⴽⴽⴻⵏ ⴰⴷ ⴷ-ⴹⴻⵎⵏⴻⵏ ⵜⵉⵍⵉⵙⴰ-ⵏⵏⴻⵖ ⴷ ⵓⵃⴱⴰⵙ ⵏ ⵍⴻⵎⵄⴰⵡⴷⴰⵜ ⵎⴻⵕⵕⴰ ⵢⴻⴱⵖⴰⵏ ⴰⴷ ⵃⴰⵣⴻⵏⵜ ⵍⴰⵎⴰⵏ ⴷ ⵜⴻⵣⵎⴻⵔⵜ ⵏ ⵢⵉⵍⵎⴻⵥⵢⴻⵏ-ⵏⵏⴻⵖ".
ⴰⵔⵏⵓ ⵖⴻⵔ
