ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (ⴰⵒⵏ), ⵎⴰⵙⵙ ⴱⵔⴰⵀⵉⵎ ⴱⵓⵓⴳⵀⴰⵍⵉ, ⴰⵙⵙ-ⴰ ⵏ ⵜⵜⵍⴰⵜⴰ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵜⴻⴳⵔⵓⵎⵎⴰ ⵜⴰⴱⴰⵔⵍⴰⵎⴰⵏⵉⵜ ⵏ ⵜⴷⵓⴽⵍⵉ "ⴰⵣⴻⵔⴱⵉⴶⴰⵏ - ⵍⴻⵣⵣⴰⵢⴻⵔ", ⵙ ⵜⵎⵓⵖⵍⵉ ⵏ ⵎⴰⵙⵙ ⵛⵀⴰⵀⵉⵏ ⵉⵙⵎⴰⵉⵍⵓⵠ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ-ⴰⴳⵉ, ⵙⵏⴻⴽⴷⴻⵏ ⴰⴷⴷⴰⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⴷ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⴰⵣⴻⵔⴱⵉⴶⴰⵏ. ⵙⴻⵃⵔⴻⵙⴻⵏ ⵖⴻⴼ "ⵡⴰⵣⴰⵍ ⵏ ⵓⵙⴻⴶⵀⴻⴷ-ⵏⵙⴻⵏ, ⵍⴰⴷⵖⴰ ⴷⴻⴳ ⵓⵙⵡⵉⵔ ⴰⴱⴰⵔⵍⴰⵎⴰⵏ, ⵉ ⵏⴼⴰⵄ ⵏ ⵢⵉⵙⴰⵔⴰⵎⴻⵏ ⵉⵎⴻⵣⴷⴰⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵜⵉⴷⵓⴽⴽⵍⵉⵏ", ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴷⴰⵖⴻⵏ, ⵙⵉⵏ ⵏ ⵢⵉⴽⵓⴱⴰⵔ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ, ⵙⴻⵃⵔⴻⵙⴻⵏ ⵖⴻⴼ "ⵡⴰⵣⴰⵍ ⵏ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⴷ ⵓⵎⵛⴻⵡⵡⴻⵔ ⴷⴻⴳ ⵢⵉⵎⵣⴰⵔⴰⴳⴻⵏ ⵏ ⵜⵎⴻⵏⵏⴰⵟ ⴷ ⵡⵉⴷ ⵉⴳⵔⴰⵖⵍⴰⵏⴻⵏ".
ⴷⴻⴳ ⵓⵏⵏⴰⵔ-ⴰⴳⵉ, ⵎⴰⵙⵙ ⵛⵀⴰⵀⵉⵏ ⵉⵙⵎⴰⵉⵍⵓⵠ ⵉⵙⵍⴻⵎ-ⴷ ⵙ "ⵍⴶⴻⵀⴷ ⵏ ⵡⴰⵙⵙⴰⵖⴻⵏ ⵏ ⵙⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ", ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⵖⴻⴼ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⵢⴻⵍⵍⴰⵏ ⴳⴰⵔ-ⴰⵙⴻⵏⵜ. ⵉⵙⵔⴻⵚ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⵜⴻⵙⵙⴻⴶⵀⴻⴷ ⴰⵎⵢⴻⵛⵛⴻⵔ-ⴰⴳⵉ ⵓ ⴰⴷ ⵜ-ⵜⴻⵙⵏⴻⴼⵍⵉ, ⵍⴰⴷⵖⴰ ⴷⴻⴳ ⵓⵏⵏⴰⵔ ⴰⴱⴰⵔⵍⴰⵎⴰⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
