ⵉⵄⴻⴳⴳⴰⵍⵉⵢⴻⵏ ⵏ ⵓⵙⵇⴰⵎⵓ ⴰⵖⴻⵍⵏⵉⵜ ⵏ ⵡⴻⴳⴷⵓⴷ (APN) ⵇⴻⴱⵍⴻⵏ ⴰⵙⵙ-ⴰ ⵏ ⵍⴻⵜⵏⵉ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵉⵙⵙⴻⵎ (criminalisation) ⵏ ⵓⵎⵒⴻⵔⵙⴻⵍ ⴰⴼⵔⴰⵏⵙⵉⵙ ⴷⵉ ⵍⴻⵣⵣⴰⵢⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵜⴰⵙⴻⴷⴷⴰⵏⵜ ⵉ ⵢⴻⵙⵙⴻⵍⵡⵉ ⵎⴰⵙⵙ ⴱⵔⴰⵒⵉⵎ ⴱⵓⵖⴰⵍⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ, ⵙ ⵜⵜⴻⴽⴽⵉ ⵏ ⵓⵏⴻⵖⵍⴰⴼ ⵏ ⵢⵉⵎⵓⵊⴰⵒⵉⴷⴻⵏ ⴷ ⵡⵉⴷ ⵉⵍⴰⵏ ⵢⵉⵣⴻⵔⴼⴰⵏ, ⵎⴰⵙⵙ ⴰⴱⴷⴻⵍⵎⴰⵍⴻⴽ ⵜⴰⵛⵔⵉⴼⴻⵜ.
ⵙⴻⵍⴷ ⵎⵉ ⵉ ⴷ-ⵢⴻⵍⵍⴰ ⵙⵙⴻⵍ, ⵎⴰⵙⵙ ⵜⴰⵛⵔⵉⴼⴻⵜ ⵉⵡⴻⴽⴽⴻⴷ-ⴷ ⴱⴻⵍⵍⵉ ⴰⵢⴰⴳⵉ ⴷ "ⴰⵙⵓⵔⵉⴼ ⴰⵎⴻⵇⵇⵔⴰⵏ ⴷⴻⴳ ⵓⴱⵔⵉⴷ ⵏ ⵓⵒⵔⴰⵣ ⵏ ⵜⴰⴽⵜⵉⵜ ⵜⴰⵖⴻⵍⵏⵉⵜ". ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⵉⵛⵓⴹⵉⵡⵉⵏ (crimes) ⵉ ⵜⴳⴰ ⴼⵔⴰⵏⵚⴰ ⴷⵉ ⵍⴻⵣⵣⴰⵢⴻⵔ "ⴰⴷ ⵇⵇⵉⵎⴻⵏⵜ ⴷ ⵏⴻⵄⵍⴰ ⵏ ⵓⵎⴻⵣⵔⵓⵢ".
ⵜⴰⵙⵇⴰⵎⵓⵜ ⵉ ⴷ-ⵉⵙⴱⴻⴷⴷⴻⵏ ⴳⴻⵔ ⵙⵏⴰⵜ ⵏ ⵜⵉⵅⵅⴰⵎⵉⵏ ⵏ ⵓⴱⴰⵔⵍⴰⵎⴰⵏ ⵜⴻⵙⵙⴻⴳⴳⴻⵎ ⵉⵎⴻⵙⵍⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⴱⴰⵏ ⵜⴰⵏⴰⵢⴰ ⵏ ⵓⵡⴰⵏⴰⴽ ⴰⵣⵣⴰⵢⵔⵉ ⴷⴻⴳ ⵜⴰⵎⵙⴰⵍⵜ ⵏ ⵜⴰⴽⵜⵉⵜ. ⴰⵢⴰⴳⵉ ⵢⴻⵙⵙⴰⴽⴰⵏ-ⴷ ⴱⴻⵍⵍⵉ ⴰⵙⵓⵜⴻⵔ ⵏ ⵓⵙⵜⴻⵄⵔⴻⴼ ⵓⵏⵚⵉⴱ ⵙ ⵜⵉⵛⵓⴹⵉⵡⵉⵏ ⵏ ⵓⵎⵒⴻⵔⵙⴻⵍ ⵢⴻⴼⴼⴻⵖ-ⴷ ⵙⴻⴳ ⵓⵏⵏⴰⵔ ⵏ ⵍⵒⴻⵔⵎⴰ ⵖⴻⵔ ⵓⵏⵏⴰⵔ ⵏ ⵍⵇⴰⵏⵓⵏ.
ⵜⴰⵛⵔⵉⴼⴻⵜ ⵢⴻⴱⴷⴻⵔ-ⴷ ⴷⴰⵖⴻⵏ ⴰⵢⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴱⴻⵍⵍⵉ "ⴰⵙⵓⵜⴻⵔ ⵏ ⵍⴻⵣⵣⴰⵢⴻⵔ ⵉ ⴼⵔⴰⵏⵚⴰ ⵉⵡⴰⴽⴽⴻⵏ ⴰⴷ ⵜⵙⵜⴻⵄⵔⴻⴼ ⵙ ⵜⵉⵛⵓⴹⵉⵡⵉⵏ-ⵉⵙ, ⴷ ⴰⵎⵓⵔ ⵙⴻⴳ ⵜⴰⵏⴰⵢⴰ ⵏ ⵜⵎⵓⵔⵜ, ⵖⴻⴼ ⵍⵊⴰⵍ ⵏ ⵓⵎⴻⵣⵔⵓⵢ ⴷ ⵜⵎⴰⵙⵉⵜ ⵏ ⵍⵒⵒⴻⵔⵎⴰ".
ⴰⵔⵏⵓ ⵖⴻⵔ
