ⵙⵔⴻⵙⵏ ⵓⵙⵇⴰⵎⵓ ⵏ ⵜⵎⵓⵔⵜ ⴷ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵜⴻⵎⵏⴰⴹⵉⵏ ⴷ ⵜⵎⵉⵏⴰⴹⵉⵏ ⵏ ⵜⴻⵇⴷⵓⴷⴰ ⵜⴰⵜⵓⵏⵙⵉⵜ, ⴰⵙⵙ-ⴰ ⵏ ⵜⵜⵍⴰⵜⴰ ⴷⵉ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵣⴻⵎⵣ ⵖⴻⴼ ⵓⴱⵔⵓⵟⵓⴽⵓⵍ ⵏ ⵓⵎⵢⴰⵍⵍⴻⵍ ⴰⴱⴻⵔⵍⴰⵎⴰⵏⵉ. ⴰⵎ ⴰⴽⴽⴻⵏ ⴷⴰⵖⴻⵏ ⵉ ⴱⴻⵔⵔⵃⴻⵏ ⵖⴻⴼ ⵓⵙⴻⵍⵍⵉ ⵏ ⵡⴰⵙⴰⵢⴻⵙ (forum) ⵏ ⵓⵎⵢⴰⵍⵍⴻⵍ ⴰⴱⴻⵔⵍⴰⵎⴰⵏⵉ.
ⴰⵣⴻⵎⵣ ⵖⴻⴼ ⵓⴱⵔⵓⵟⵓⴽⵓⵍ-ⴰⴳⵉ ⵢⴻⵍⵍⴰ-ⴷ ⵙⵖⵓⵔ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵜⵎⵓⵔⵜ, ⵎⴰⵙⵙ ⵄⴻⵣⵣⵓⵣ ⵏⴰⵚⵔⵉ ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵜⴻⵎⵏⴰⴹⵉⵏ ⵏ ⵜⵓⵏⴻⵙ ⵎⴰⵙⵙ ⵄⵉⵎⴰⴷ ⴷⴷⴻⵔⴱⴰⵍⵉ, ⵙⴻⴳ ⴷⴻⴼⴼⵉⵔ ⵜⵉⵎⵉⵙⵉⵡⵍⵉⵏ ⵉ ⵜⴻⵏ-ⵢⴻⵣⴷⵢⴻⵏ.
ⴷⴻⴳ ⵜⵉⵣⵡⵉⵔⵉ ⵏ ⵜⵉⵎⵍⵉⵍⵉⵜ, ⴱⴻⴷⴷⴻⵏ ⵢⴰⵜ ⵜⴰⵎⴻⵔⵜ ⵏ ⵜⵙⵓⵙⵎⵉ ⵓ ⵖⵔⴰⵏ ⵜⴰⴼⴰⵜⵉⵃⴰ ⵉ ⵡⴰⴷⵓ ⵏ ⵓⵙⴻⵍⵡⴰⵢ ⴰⵇⴷⵉⵎ ⴰⵎⵊⴰⵀⵉⴷ ⵍⵢⴰⵎⵉⵏ ⵣⴻⵔⵡⴰⵍ, ⵉ ⵢⴻⴼⴼⵖⴻⵏ ⴷⴷⵓⵏⵉⵜ ⴰⵙⵙ ⵏ ⵙⵙⴻⴱⵜ ⵉⵣⵔⵉⵏ.
ⴰⵎⵜⴰⵡⴰ-ⴰⴳⵉ ⵢⴻⵜⵜⴻⴽⴽⴰ ⴷⴻⴳ ⵓⵙⴰⵜⴰⵍ ⵏ ⵓⵙⴻⵊⵀⴻⴷ ⵏ ⵓⵎⵢⴰⵍⵍⴻⵍ ⴷ ⵓⵎⵢⴰⴳ ⴷⵉ ⵡⴰⴽⴽ ⵢⵉⴳⵔⴰⵏ ⵏ ⵓⵣⵔⴻⴼ, ⵜⴰⴷⵉⴱⵍⵓⵎⴰⵙⵉⵜ ⴷ ⵜⴷⴻⴱⵍⵜ . ⵢⵉⵙⵡⵉ-ⵉⵙ ⴷ ⵓⵙⴻⵊⵀⴻⴷ ⵏ ⵓⵎⵢⴰⵍⵍⴻⵍⴻⴷ ⴰⵎⵓⴷⴷⵓⵙ, ⵉⵡⴰⴽⴽⴻⵏ ⴰⴷ ⵢⴻⵙⵙⴻⴽⵏ ⴰⵣⴰⵍ ⵏ ⵡⴰⵙⵙⴰⵖⴻⵏ ⵉⵎⵣⵔⵓⵢⴰⵏⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ.
ⵎⴰⵙⵙ ⵏⴰⵚⵔⵉ ⵢⴻⵙⵙⴻⴼⵔⴻⵔ-ⴷ ⵡⴰⴽⴽⴻⵏ ⴰⴱⵔⵓⵟⵓⴽⵓⵍ-ⴰⴳⵉ ⴰⴷ ⵢⴻⵍⴷⴻⴷ ⵜⵉⵡⵡⵓⵔⴰ ⵉ ⵓⵎⵢⴰⵍⵍⴻⵍⴻⴷ ⵍⵇⴰⵢⴻⵏ ⵉⴱⴻⵏⵏⴰⵏ ⵖⴻⴼ ⵓⵎⴻⴳⴷⵓ, ⵜⴼⵍⴻⵙⵜ ⴷ ⵓⵎⵢⴰⵡⴰⴹ. ⵢⴻⵛⴽⵓⵏⵜ ⴷⴰⵖⴻⵏ ⵢⵉⴱⵔⵉⴷⴻⵏ ⵏ ⵓⵎⵢⴰⵍⵍⴻⵍ ⵢⴻⵍⵍⴰⵏ, ⴰⵎ ⵜⴻⵙⵇⴰⵎⵓⵜ ⵏ ⵓⵅⴻⵎⵎⴻⵎ ⴷ ⵜⴻⵙⵇⴰⵎⵓⵜ ⵜⴰⵎⵢⴰⴳⵜ ⵜⴰⵎⴻⵇⵔⴰⵏⵜ, ⴰⴽⴽⴻⴷ ⵓⵎⵢⴰⵍⵍⴻⵍⴻⴷ ⴰⴷⴰⵎⵙⴰⵏ ⵉⴱⴻⵏⵏⴰⵏ ⵖⴻⴼ ⵓⴳⴰⵔ ⵏ 200 ⵏ ⵢⵉⵎⵜⴰⵡⴰⵏ.
ⴳⴰⵔ ⵢⵉⴱⵔⵉⴷⴻⵏ ⵏⵏⵉⴹⴻⵏ, ⵍⵍⴰⵏⵜ ⵜⴻⴳⵔⵓⵎⵎⵉⵡⵉⵏ ⵏ ⵜⵎⵉⴷⵉ ⴷ ⵜⴳⵎⴰⵜ ⵜⴰⴱⴻⵔⵍⴰⵎⴰⵏⵉⵜ, ⵉ ⵢⴻⵍⵍⴰⵏ ⴷ ⴰⵎⴽⴰⵏ ⵏ ⵡⴰⴷⵉⵡⴻⵏⵏⵉ ⴳⴰⵔ ⵙⵏⴰⵜ ⵏ ⵜⵇⴻⵔⵔⴰⵛⵉⵏ. ⵢⴻⵛⴽⵓⵏⵜ ⴷⴰⵖⴻⵏ ⵎⴰⵙⵙ ⵏⴰⵚⵔⵉ ⴰⵙⵡⵉⵔ ⵏ ⵓⵙⴻⴷⵍⴻⵍ ⴳⴰⵔ ⵓⴱⴻⵔⵍⴰⵎⴰⵏ ⴰⵣⵣⴰⵢⵔⵉ ⴷ ⵡⵉⵏ ⵏ ⵜⵓⵏⴻⵙ.
ⵙ ⵜⴰⵎⴰ-ⵏⵏⵉⴹⴻⵏ, ⵎⴰⵙⵙ ⴷⴷⴻⵔⴱⴰⵍⵉ ⵢⴻⵏⵏⴰ-ⴷ ⵡⴰⴽⴽⴻⵏ ⴰⴱⵔⵓⵟⵓⴽⵓⵍ-ⴰⴳⵉ ⴷ "ⴰⵙⵓⵔⵉⴼ ⴰⵙⵜⵔⴰⵜⵉⵊⵉ" ⵉ ⵓⵙⴻⵊⵀⴻⴷ ⵏ ⵓⵎⵢⴰⵍⵍⴻⵍ ⴰⴱⴻⵔⵍⴰⵎⴰⵏⵉ, ⴰⴷⴰⵎⵙⴰⵏ ⴷ ⵓⵙⴻⵔⵜⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵎⴰⵜⵡⵉⵏ. ⵢⴻⵙⵙⴻⴷⴷⴻⴷ ⵡⴰⴽⴽⴻⵏ ⵜⴰⵎⴰⴽⴰ ⵉ ⴷ-ⵉⵜⵜⴻⴷⴷⵓⵏ ⵜⴻⵃⵡⴰⵊ ⴰⵙⴻⵎⵖⴻⵔ ⵏ ⵓⵎⵢⴰⵍⵍⴻⵍⴻⴷ-ⴰⴳⵉ ⴷ ⵓⵙⴻⴷⵍⴻⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⴻⵔⵍⴰⵎⴰⵏⵉⵜ.
ⴷⴻⴳ ⵜⴰⴳⴳⴰⵔⴰ, ⴱⴻⵔⵔⵃⴻⵏ ⵖⴻⴼ ⵓⵙⴻⵍⵍⵉ ⵏ ⵡⴰⵙⴰⵢⴻⵙ ⵏ ⵓⵎⵢⴰⵍⵍⴻⵍ ⴰⴱⴻⵔⵍⴰⵎⴰⵏⵉ, ⴰⵔⴰ ⵢⵉⵍⵉⵏ ⴷ ⴰⴱⵔⵉⴷ ⵏ ⵓⵎⵢⴰⵡⴰⴹ, ⵓⵙⴻⴷⵍⴻⵍ ⴷ ⵓⵎⵛⴰⵡⴰⵕ ⴳⴰⵔ ⵙⵏⴰⵜ ⵏ ⵜⵇⴻⵔⵔⴰⵛⵉⵏ.
ⴰⵔⵏⵓ ⵖⴻⵔ
