ⵜⴱⴻⵔⵔⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴷⴻⴳ ⵓⴷⵢⴰⵏ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵢⴻⵍⴷⵉ ⵓⴱⵔⵉⴷ ⵏ ⵓⵊⴻⵔⵔⴻⴷ ⵎⵔⴰⵡ (ⴷⵉⵔⴻⵛⵜ) ⴷⴻⴳ ⵜⴰⴷⵢⴰⵏⵜ ⵏ ⵓⵏⴻⴱⴷⵓ "ⵙⵓⵎⵎⴻⵔ ⵛⴰⵎⵃ 2026", ⵉ ⵍⵎⴻⵏⴼⴰⵄ ⵏ ⵢⵉⴳⴻⵔⴷⴰⵏ ⵏ ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⵉ ⵢⴻⵣⴷⴰⵏ ⴷⴻⴳ ⴱⴻⵔⵔⴰ ⵢⴻⵔⵏⴰ ⵍⵍⴰⵏ ⵜⵓⵔⴰ ⴷⴻⴳ ⵉⵎⵓⵔⴰⵙ ⴷⴻⴳ ⵜⵎⵓⵔⵜ. ⴰⵢⴰⴳⵉ ⴰⴷ ⵢⴻⴱⴷⵓ ⴰⵣⴻⴽⴽⴰ ⵏ ⵍⴰⵔⴻⴱⵄⴰ ⴷⴻⴳ ⵜⵙⵓⴷⴰ ⵏ ⵓⵙⵙⴻⴳⵎⵉ ⵉ ⴷ-ⵢⴻⵜⵜⵡⴰⵅⵜⴰⵔⴻⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⵜⴰⵔⵔⴰⵢⵜ-ⴰⴳⵉ ⵜⴻⵜⵜⴻⴽⴽⵉ ⵉ ⵢⵉⵏⴻⵍⵎⴰⴷⴻⵏ ⵓⵔ ⴷ-ⵏⴻⵙⵊⴻⵔⵔⵉⴷ ⴰⵔⴰ ⴷⴻⴳ ⵜⴰⵏⵙⴰ ⵓⵙⴻⵍⴽⵓⵎ ⵏ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ. ⵜⴰⵍⵍⵉⵜ ⵜⴰⵎⴻⵏⵣⵓⵜ ⵏ ⵡⴰⵀⵉⵍ-ⴰⴳⵉ ⵏ ⵓⵏⴻⴱⴷⵓ ⴰⴷ ⵜⴻⴱⴷⵓ ⵡⴰⵙⵙ ⵏ 19 ⵢⵓⵍⵢⵓ 2026.
ⵜⴰⴷⵢⴰⵏⵜ-ⴰⴳⵉ ⵜⵓⵙⴰ-ⴷ ⵉ "ⵓⵞⵀⴻⴷ ⵏ ⵡⵉⴷⴻⵏⴻⴷ ⵏ ⵓⵇⵇⴻⵏ ⴳⴰⵔ ⵢⵉⴳⴻⵔⴷⴰⵏ ⵏ ⵜⴻⵞⵎⵄⴰⵜ ⴷ ⵜⵎⵓⵔⵜ-ⵏⵙⴻⵏ ⴷ ⵓⴱⴻⵇⵇⴻⵙ ⵏ ⵜⵎⴰⴳⵉⵜ-ⵏⵙⴻⵏ ⵜⴰⵖⴻⵍⵏⴰⵡⵜ, ⵙ ⵓⴱⵔⵉⴷ ⵏ ⵡⴰⵀⵉⵍ ⵏ ⵓⵙⵙⴻⴳⵎⵉ ⵢⴻⴷⴷⵓⴽⴽⵍⴻⵏ ⵉ ⴷ-ⵢⴻⵙⵙⴻⵎⵍⴰⵍⴻⵏ ⴳⴰⵔ ⵓⵙⴻⵍⵎⴻⴷ ⴷ ⵍⵀⴰⵏ (ⴷⵉⵠⴻⵔⵜⵉⵙⵙⴻⵎⴻⵏⵜ)".
ⴰⵀⵉⵍ ⵏ ⵜⴰⴷⵢⴰⵏⵜ-ⴰⴳⵉ, ⵉⵍⵎⴻⵏⴷ ⵏ ⵓⴷⵢⴰⵏ, ⴷⴻⴳ-ⵙ "ⵉⵎⴻⵀⵍⴰⵏ ⵏ ⵓⵙⵙⴻⴳⵎⵉ, ⵜⴰⵢⴻⵔⵣⴰ, ⵜⵓⵙⵙⵏⴰ ⴷ ⵍⵀⴰⵏ, ⵉ ⵢⴻⵜⵜⵡⴰⵀⴻⴳⴳⴰⵏ ⵉ ⵢⵉⴳⴻⵔⴷⴰⵏ ⵉⵍⴰⵏ ⴳⴰⵔ 8 ⴷ 16 ⵏ ⵢⵉⵙⴻⴳⴳⴰⵙⴻⵏ".
ⵜⴰⵏⴻⵖⵍⴰⴼⵜ ⵜⴻⵙⵙⴰⵡⴻⵯ ⵉ ⵢⵉⵎⴰⵡⵍⴰⵏ ⵉ ⵢⴻⴱⵯⴰⵏ ⴰⴷ ⵙⵊⴻⵔⵔⴷⴻⵏ ⴰⵔⵔⴰⵡ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵔⵣⵓⵏ ⵎⵔⴰⵡ ⵖⴻⵔ ⵜⵙⵓⴷⴰ ⵏ ⵓⵙⵙⴻⴳⵎⵉ ⵉ ⵎⵄⵏⵉⵢⴻⵏ.
ⴰⵔⵏⵓ ⵖⴻⵔ
