ⵢⴻⵙⵙⴻⵍⵡⵉ ⵡⴰⵙⵙ-ⴰ ⵏ ⵍⵃⴻⴷ ⵚⵚⴱⴻⵃ, ⴰⵏⴻⵖⵍⴰⴼ ⵏ ⵜⴻⵣⵎⴻⵔⵜ, ⵎⴰⵙⵙ ⵎⵓⵀⴰⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵙⴰⵄⵓⵓⴷⴰⵏ, ⵉⵎⴻⵔⴻⵢ ⵏ ⵓⵙⴻⵏⵜⴻⵎ ⵏ ⵜⴻⵙⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⴽⴰⵜ ⵉ ⵓⵔⴻⵇⵇⴻⵔ ⴷ ⵓⵙⵙⵜⴻⴱ (ⴰⵛⵛⵔéⴷⵉⵜⴰⵜⵉⵓⵏ) ⵏ ⵜⵙⵓⴷⴰ ⵏ ⵜⴻⵣⵎⴻⵔⵜ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵜⴻⴽⴽⵉ ⵏ ⵢⵉⵎⴷⴻⴱⴱⵔⴻⵜ ⵏ ⵍⴰⴷⴰⵕⴰ ⵜⴰⵍⵍⴻⵎⵎⴰⵙⵜ, ⴰⴽⴽⴻⴷ ⵢⵉⵙⴻⵍⵎⴰⴷⴻⵏ ⴷ ⵢⵉⵎⵓⵙⵙⵏⴰⵡⴻⵏ ⵙⴻⴳ ⵎⴽⵓⵍ ⴰⵏⴰⵡ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴻⵣⵎⴻⵔⵜ.
ⵉⵙⴼⵓⴽⴽⴻⵍ ⵎⴰⵙⵙ ⴰⵢⵜ ⵎⴻⵙⵙⴰⵄⵓⵓⴷⴰⵏ ⴷⴻⴳ ⵡⴰⵡⴰⵍ-ⵉⵙ ⴱⴻⵍⵍⵉ ⴷⴻⴳ ⵓⴱⵔⵉⴷ ⵏ ⵓⵃⴻⵔⵔⴻⴽ ⵉ ⴷ-ⵢⴻⵍⵍⴰⵏ ⴷⴻⴳ ⵓⵃⵔⵉⵛ-ⴰⴳⵉ, ⵢⴻⵔⵏⴰ ⵉⵍⵎⴻⵏⴷ ⵏ ⵓⵙⴻⵍⴽⴻⵎ ⵏ ⵍⵇⴰⵏⵓⵏ ⵏ ⵜⴻⵣⵎⴻⵔⵜ ⴷ ⵓⴹⵎⴰⵏ ⵏ ⴷⴷⵓⵍⴰ ⵉ ⵓⵙⵏⴻⵔⵏⵉ ⵏ ⵍⵯⵓⴷⴰ ⵏ ⵢⵉⵎⴻⵥⵍⴰ ⵏ ⵜⴻⵣⵎⴻⵔⵜ ⴷ ⵓⵙⴻⴷⴷⴻⵔ ⵏ ⵓⵏⴰⴳⵔⴰⵡ ⵏ ⵜⴻⵣⵎⴻⵔⵜ, ⴰⵙⴻⵏⵜⴻⵎ ⵏ ⵜⴻⵙⵇⴰⵎⵓⵜ-ⴰⴳⵉ ⵏ ⵓⴽⴰⵜ ⴷ ⴰⵙⵓⵔⵉⴼ ⴰⵎⴻⵇⵇⵔⴰⵏ ⵉ ⵡⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⴱⴻⴷⴷ ⵓⵏⴰⵙⵉ ⴰⵖⴻⵍⵏⴰⵡ ⵏ ⵍⵍⵙⴰⵙ ⵢⴻⴷⴷⵓⴽⴽⵍⴻⵏ.
ⵉⵙⴻⴳⵣⵉ-ⴷ ⵓⵏⴻⵖⵍⴰⴼ ⵏ ⵜⴻⵣⵎⴻⵔⵜ ⴱⴻⵍⵍⵉ ⵔⵔⴰⵢ-ⴰⴳⵉ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⵢⵓⴷⴷⵓ ⵏ ⵢⵉⵙⵡⵉⵔⴻⵏ ⵏ ⵍⵯⵓⴷⴰ ⴷ ⵓⴽⴰⵜ ⵏ ⵓⴼⴰⵔⵉⵙ ⴷⴻⴳ ⵜⵙⵓⴷⴰ ⵏ ⵜⴻⵣⵎⴻⵔⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵜⴻⵣⵎⴻⵔⵜ ⵉⵍⴰⵏ ⵜⴰⵖⴻⵍⵉⵙⵜ ⴷ ⵍⴼⴻⵟⵏⴰ ⵉ ⵢⵉⵎⴻⵣⴷⴰⵞ, ⵢⴻⵔⵏⴰ ⴰⴷ ⴷ-ⵢⴰⵡⴻⴹ ⵢⵉⵙⵡⵉⵔⴻⵏ ⴰⴳⵔⴰⵖⵍⴰⵏⴻⵏ.
ⴰⵏⴻⵖⵍⴰⴼ ⵢⴻⵯⵯⴰ ⴰⵡⴰⵍ ⴱⴻⵍⵍⵉ ⵜⴰⵔⵔⴰⵢⵜ-ⴰⴳⵉ ⴷ ⵜⵉⵏ ⵉ ⴷ-ⵉⵙⴱⴻⴳⴳⵉⵏⴻⵏ ⴰⵙⵓⵔⵉⴼ ⵏ ⵜⴰⵔⵔⴰⵢⵜ (ⵙⵜⵔⴰⵜéⴳⵉⵇⵓⴻ) ⵉ ⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴱⴻⴷⴷ ⵜⴰⵢⴻⵔⵣⴰ ⵏ ⵓⴽⴰⵜ ⴷ ⵓⵙⵏⴻⵔⵏⵉ ⴰⵎⴻⵇⵇⵔⴰⵏ, ⴷ ⵓⴱⴻⴷⴷⴻⵍ ⵏ ⵓⵏⴰⴳⵔⴰⵡ ⵏ ⵜⴻⵣⵎⴻⵔⵜ ⵖⴻⵔ ⵢⵉⵡⴻⵏ ⵏ ⵓⵓⴷⴻⵎ ⵢⴻⴱⵏⴰ ⵖⴻⴼ ⵍⵯⵓⴷⴰ, ⵏⴼⴰⵄ ⴷ ⵜⵉⴼⴰⴼⴼⴻⵜ. ⴰⵢⴰⴳⵉ ⴰⴷ ⴷ-ⵢⴻⵔⵔ ⵍⴰⵎⴰⵏⴰ ⵏ ⵓⵎⴻⵔⵣⵉ ⵖⴻⵔ ⵜⵙⵓⴷⴰ ⵏ ⵜⴻⵣⵎⴻⵔⵜ ⵢⴻⵔⵏⴰ ⴰⴷ ⴷ-ⵉⵙⴱⴻⴷⴷ ⴰⵣⴰⵔⵓⴳ ⵏ ⵍⵃⴻⵇⵇ ⴷⴻⴳ ⵜⴻⵣⵎⴻⵔⵜ ⴷ ⴰⵎⴻⵣⵡⴰⵔⵓ ⵉ ⵜⵎⵓⵔⵜ.
ⵢⴻⵏⵏⴻⵔⵏⴰ-ⴷ ⵓⵏⴻⵖⵍⴰⴼ ⴱⴻⵍⵍⵉ ⵜⴰⵙⵇⴰⵎⵓⵜ-ⴰⴳⵉ ⴰⴷ ⵜⴻⵙⵄⴰ ⴰⵎⴻⵀⵍⴰⵏ ⵏ ⵍⵍⵙⴰⵙ ⴷⴻⴳ ⵜⴰⵍⵍⴻⵍⵜ ⵉ ⵔⵔⴰⵢ ⵙ ⵓⵙⴼⵓⴽⴽⴻⵍ ⵏ ⵢⵉⵙⴰⵍⵉⵢⴻⵏ ⵉⵖⴻⵍⵏⴰⵡⴻⵏ ⵏ ⵓⴼⴰⵔⵉⵙ ⵏ ⵜⵙⵓⴷⴰ ⵏ ⵜⴻⵣⵎⴻⵔⵜ, ⴷ ⵓⵀⴻⴳⴳⵉ ⵏ ⵢⵉⵙⵓⵜⵔⴻⵏ ⵏ ⵓⴹⴼⴻⵔ ⵉ ⵓⵔⴻⵇⵇⴻⵔ ⵏ ⵓⵏⴰⴳⵔⴰⵡ ⵏ ⵓⵙⵙⵜⴻⴱ, ⴷ ⵓⴹⵎⴰⵏ ⵏ ⵓⵙⵉⵍⴻⵖ ⵏ ⵡⵉⴷ ⴰⵔⴰ ⵢⴻⴽⴽⴰⵜⴻⵏ (éⵠⴰⵍⵓⴰⵜⴻⵓⵔⵙ).
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴰⵢⵜ ⵎⴻⵙⵙⴰⵄⵓⵓⴷⴰⵏ ⵢⴻⵙⵙⴰⵡⴻⵍ ⵉ ⵎⴽⵓⵍ ⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⵏ ⵜⴻⵣⵎⴻⵔⵜ ⵉ ⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⵙ ⵍⵯⴻⵀⴷ ⴷⴻⴳ ⵓⴱⵔⵉⴷ-ⴰⴳⵉ, ⵙ ⵓⴼⵓⵙ ⵏ ⵜⵎⴰⵙⵉⵜ ⵉ ⵡⴰⴽⴽⴻⵏ ⴰⴷ ⵢⴻⴷⴷⵓ ⵓⵎⴻⵀⵍⴰⵏ ⵏ ⵜⴻⵙⵇⴰⵎⵓⵜ-ⴰⴳⵉ. ⵉⵙⴼⵓⴽⴽⴻⵍ ⴷⴰⵖⴻⵏ ⴱⴻⵍⵍⵉ ⵓⵙⵏⴻⵔⵏⵉ ⵏ ⵍⵯⵓⴷⴰ ⵏ ⵢⵉⵎⴻⵥⵍⴰ ⵏ ⵜⴻⵣⵎⴻⵔⵜ ⵎⴰⵞⵞⵉ ⴷ ⵓⵅⵜⵉⵔⵉ, ⵍⴰⵎⴻⵄⵏⴰ ⴷ ⴰⵙⴼⵓⴽⴽⴻⵍ ⵏ ⵜⵎⴰⵙⵉⵜ ⵉ ⵓⵃⵔⴰⵣ ⵏ ⵜⴻⵣⵎⴻⵔⵜ ⵏ ⵓⵎⴻⵔⵣⵉ.
ⴰⵔⵏⵓ ⵖⴻⵔ
