ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⵉⵜ ⵏ ⵡⴻⴳⴷⵓⴷ , ⵎⴰⵙⵙ ⴱⵔⴰⵒⵉⵎ ⴱⵓⵖⴰⵍⵉ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⵅⴻⵎⵙⴰ ⵏ ⵍⴻⵇⵡⴰⵏⵉⵏ ⵉ ⵖⴻⴼ ⴷ-ⵢⴻⵍⵍⴰ ⵙⵙⴻⵍ ⴰⵙⵙ-ⴰ ⵏ ⵍⴻⵜⵏⵉ, ⴷ ⴰⴳⵎⵓⴹ ⵏ ⵜⵎⵎⵓⵖⵍⵉ ⵏ ⵓⵙⴻⴳⴳⴻⵎ ⵏ ⵚⵚⴻⵒ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ.
ⴷⴻⴳ ⵜⴰⴳⴳⴰⵔⴰ ⵏ ⵜⵙⴻⴷⴷⴰⵏⵜ ⵉ ⴷ-ⵢⴻⵍⵍⴰⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵙⵙⴻⵍ ⵖⴻⴼ ⵍⵇⴰⵏⵓⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ, ⵍⵇⴰⵏⵓⵏ ⵏ ⵓⵙⵓⴷⴷⴻⵙ ⵏ ⵡⴰⴽⴰⵍ ⵏ ⵜⵎⵓⵔⵜ, ⵍⵇⴰⵏⵓⵏ ⵏ ⵓⵙⵉⵙⵙⴻⵎ ⵏ ⵓⵎⵒⴻⵔⵙⴻⵍ ⴰⴼⵔⴰⵏⵙⵉⵙ, ⵍⵇⴰⵏⵓⵏ ⵏ ⵓⴱⵔⵉⴷ ⴷ ⵍⵇⴰⵏⵓⵏ ⵏ ⵓⵙⵉⵣⴷⴻⴳ ⵏ ⵍⵎⵉⵊⴰⵏⵉⵜ ⵏ 2023.
ⵖⴻⴼ ⵡⴰⵢⴻⵏ ⵉ ⴷ-ⵢⴻⵡⵡⵉ ⵍⵇⴰⵏⵓⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ, ⴱⵓⵖⴰⵍⵉ ⵢⴻⵏⵏⴰ-ⴷ ⴱⴻⵍⵍⵉ ⴷ ⵍⵍⵙⴰⵙ ⵏ ⵜⵓⴳⴷⵓⵜ. ⵢⴻⵔⵏⴰ ⵍⵇⴰⵏⵓⵏ-ⴰⴳⵉ ⵢⴻⵍⴷⵉ ⵜⵉⵡⵡⵓⵔⴰ ⵉ ⵢⵉⵍⵎⴻⵣⵢⴻⵏ ⴷ ⵜⵍⴰⵡⵉⵏ ⴷⴻⴳ ⵓⵙⴻⴷⴷⵓ ⵏ ⵜⵙⴻⵔⵜⵉⵜ.
ⵎⴰ ⴷ ⵍⵇⴰⵏⵓⵏ ⵏ ⵓⵙⵓⴷⴷⴻⵙ ⵏ ⵡⴰⴽⴰⵍ, ⵢⴻⵙⵙⵉⵡⴻⵣ-ⴷ ⵉⵜⴰⵎⵎⵓⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴳⴳⴻⵎ ⵏ ⵜⵙⵓⴷⴷⵓⵜ ⵏ ⵓⵡⴰⵏⴰⴽ ⵙ ⵓⵏⴻⵔⵏⵉ ⵏ 11 ⵏ ⵍⵡⵉⵍⴰⵢⴰⵜ ⵜⵉⵎⴰⵢⵏⵓⵜⵉⵏ.
ⴷⴻⴳ ⵜⴰⵎⵙⴰⵍⵜ ⵏ ⵍⵇⴰⵏⵓⵏ ⵏ ⵓⵙⵉⵙⵙⴻⵎ ⵏ ⵓⵎⵒⴻⵔⵙⴻⵍ ⴰⴼⵔⴰⵏⵙⵉⵙ ⴷⵉ ⵍⴻⵣⵣⴰⵢⴻⵔ, ⴱⵓⵖⴰⵍⵉ ⵉⵡⴻⴽⴽⴻⴷ-ⴷ ⴱⴻⵍⵍⵉ ⴷ ⴰⴱⵔⵉⴷ ⵏ ⵓⵒⵔⴰⵣ ⵏ ⵜⴰⴽⵜⵉⵜ ⵜⴰⵖⴻⵍⵏⵉⵜ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴱⵓⵖⴰⵍⵉ ⵢⴻⴱⴷⴻⵔ-ⴷ ⵍⵇⴰⵏⵓⵏ ⵏ ⵓⵙⵉⵣⴷⴻⴳ ⵏ ⵍⵎⵉⵊⴰⵏⵉⵜ ⵏ 2023, ⵉ ⵢⴻⵔⵔⴰⵏ ⴷ ⴰⵍⵍⴰⵍ ⵏ ⵓⵙⵙⴻⵏⵇⴻⴷ ⵏ ⵡⴻⴳⴷⵓⴷ ⵖⴻⴼ ⵢⵉⴷⵔⵉⵎⴻⵏ ⵏ ⵍⵖⴰⵛⵉ.
ⴰⵔⵏⵓ ⵖⴻⵔ
