ⴰⵙⴻⵍⵡⴰⵢ ⵏ ⵓⵙⴻⵇⴰⵎⵓ ⴰⵖⴻⵍⵏⴰⵡ ⵏ ⵛⵛⴰⵄⴱ (APN), ⵉⴱⵔⴰⵀⵉⵎ ⴱⵓⵖⴰⵍⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵛⵛⵉⵅ ⵏ ⵜⵎⴻⵣⴳⵉⴷⴰ ⵏ ⴱⴰⵔⵉⵣ, ⵛⴻⵎⵙ ⴻⴷⴷⵉⵏ ⵃⴰⴼⵉⵣ. ⵎⵙⴻⴼⵀⴰⵎⴻⵏ ⵖⴻⴼ ⵡⴰⵟⴰⵙ ⵏ ⵜⵖⴰⵡⵙⵉⵡⵉⵏ, ⵍⴰⴷⵖⴰ ⵖⴻⴼ ⵡⵓⴷⵎⵉⵔ ⵏ ⵜⵎⴻⵣⴳⵉⴷⴰ ⵏ ⴱⴰⵔⵉⵣ ⴷⴻⴳ ⵓⵙⴻⵊⵀⵉⴷ ⵏ ⵍⵇⵉⵎⴰ ⵏ ⵜⵓⵍⵎⵉⵙⵜ ⴷ ⵓⵎⵛⴰⵡⴰⵔ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵍⴱⴰⵢⴰⵏ ⵏ ⵓⵙⴻⵇⴰⵎⵓ.
ⵍⴱⴰⵢⴰⵏ ⵢⴻⵏⵏⴰ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵣⵔⴰⵡⴻⵏ ⴰⴱⵔⵉⴷ ⵏ ⵓⵙⴻⵊⵀⵉⴷ ⵏ ⵍⵇⵉⵎⴰ ⵏ ⵜⵓⵍⵎⵉⵙⵜ ⴷ ⵓⵃⴰⴷⴻⵔ ⵣⴷⴰⵜ ⵏ ⵡⴰⵡⴰⵍ ⵏ ⵜⵖⴻⵏⵏⴰⵏⵜ , ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ ⵍⵡⴰⵃⵉⴷ ⴳⴰⵔ ⵢⵉⵖⵔⴻⴼⴰⵏ.
ⴷⴻⴳ ⵓⵃⵔⵉⵛ ⵏⵏⵉⴹⴻⵏ, ⵡⴰⵍⴰⵏ ⴰⵙⵡⵉⵔ ⵏ ⵍⵊⴰⵍⵢⴰ ⵏ ⵍⴻⵣⵣⴰⵢⴻⵔ ⴷⵉ ⴱⴻⵔⵔⴰ, ⵍⴰⴷⵖⴰ ⴷⵉ ⴼⵔⴰⵏⵙⴰ, ⴷ ⵡⴻⴱⵔⵉⴷ ⵏ ⵓⵃⴰⴷⴻⵔ ⵏ ⵜⵎⴰⴳⵉⵜ-ⵏⵙⴻⵏ ⵜⴰⵖⴻⵍⵏⴰⵡⵜ ⴷ ⵜⴷⵉⵏⵉⵜ ⵉⵡⴰⴽⴽⴻⵏ ⴰⴷ ⵇⵇⵉⵎⴻⵏ ⴷⴷⵓⴽⵍⴻⵏ ⴷ ⵜⵎⵓⵔⵜ-ⵏⵙⴻⵏ ⵍⵎⴰⵙⵙ.
ⴷⴻⴳ ⵜⴻⴳⵏⵉⵜ-ⴰⴳⵉ, ⴱⵓⵖⴰⵍⵉ ⵢⴻⵙⵙⴻⴼⴻⴼ-ⴷ ⵍⵇⵉⵎⴰ ⵏ ⵜⵎⴻⵣⴳⵉⴷⴰ ⵏ ⴱⴰⵔⵉⵣ ⴷⴻⴳ ⵓⵇⴻⴷⴷⴻⵛ ⵖⴻⴼ ⵍⵉⵙⵍⴰⵎ ⵏ ⵜⵓⵍⵎⵉⵙⵜ ⴷ ⵓⵙⴻⵊⵀⵉⴷ ⵏ ⵡⵓⴷⴻⵎ ⵏ ⵍⴻⵣⵣⴰⵢⴻⵔ ⴷⵉ ⴱⴻⵔⵔⴰ. ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⵓⵎⵢⴰⵡⴰⵙ ⵉⵊⴻⵀⴷⴻⵏ ⵉⵡⴰⴽⴽⴻⵏ ⴰⴷ ⵏⵃⴰⴷⴻⵔ ⵍⵚⴻⵍ ⵏ ⴷⴷⵉⵏ-ⵏⵏⴻⵖ.
ⵙ ⵢⵉⴷⵉⵙ-ⵉⵙ, ⵃⴰⴼⵉⵣ ⵢⴻⵏⵏⴰ-ⴷ ⴱⴻⵍⵍⵉ ⵍⵊⴰⵍⵢⴰ ⵜⴻⵣⴷⵉ ⵎⵍⵉⵃ ⴷ ⵜⵎⵓⵔⵜ-ⵉⵙ, ⵢⴻⵔⵏⴰ ⵢⴻⴱⵖⴰ ⴰⴷ ⵢⴻⴽⵎⴻⵍ ⴰⵎⴰⵀⵉⵍ-ⵉⵙ ⵉ ⵍⴼⴰⵢⴷⴰ ⵏ ⵍⵇⵉⵎⴰ ⵢⴻⵣⴷⵉⵏ ⴳⴰⵔ-ⴰⵙⴻⵏ.
ⴰⵔⵏⵓ ⵖⴻⵔ
