ⵜⴻⴱⴳⴻⵙ-ⴷ ⵜⵏⴻⵖⵍⴰⴼⵜ ⵏ ⵜⵡⴻⵏⵏⴰⴹⵜ ⴷ ⵙⵚⵉⴼⴰ ⵏ ⵜⵎⴻⴷⴷⵓⵔⵜ, ⵎⴰⵙⵙⴰ ⴽⴰⵓⵜⴻⵔ ⴽⵔⵉⴽⵓⵓ, ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵍ ⴻⵀⴷ ⵏ ⵓⵙⵏⵓⵍⴼⵓ ⴷ ⵜⴰⵍⵍⴻⵍⵜ ⵏ ⵜⴽⴻⴱⴱⴰⵏⵢⵉⵏ ⵏ ⵓⵏⵓⵍⴼⵓ (ⵙⵜⴰⵔⵜ-ⵓⵃⵙ) ⵉ ⵓⵙⵏⴻⵔⵏⵉ ⵏ ⵡⴰⵏⵏⴰⵔ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⵢⴻⵙⵙⴻⵏⴼⴻⵍⴻⵏ ⴷ ⵓⵙⴻⵎⵔⴻⵙ-ⵏⵙⴻⵏ ⵙ ⵓⴷⴻⵎ ⴰⵎⴻⵇⵇⵔⴰⵏ.
ⴰⵡⴰⵍ-ⴰⴳⵉ ⵢⵓⵙⴰ-ⴷ ⴷⴻⴳ ⵓⴷⵉⵡⴻⵏ ⴳⴰⵔ-ⵉⵎⴻⵥⵍⴰ ⴷⴻⴳ ⵓⵎⴻⵣⴷⵓⵖ ⵏ ⵜⵏⴻⵖⵍⴰⴼⵜ, ⵉ ⴷⴻⴳ ⵍⵍⴰⵏ ⵉⵎⴷⴻⴱⴱⵔⴻⵜ ⵙⴻⴳ ⵡⴰⵃⵔⵉⵛ ⵏ ⵜⵡⴻⵏⵏⴰⴹⵜ, ⴰⵔⵡⴰⵢ (ⵉⵔⵔⵉⴳⴰⵜⵉⵓⵏ), ⴷ ⵓⵙⴻⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ. ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵉ ⵓⵙⴹⴻⴼⴻⵔ ⵏ ⵢⵉⵏⴻⵔⵡⴰⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⴷ-ⵢⵓⵙⴰⵏ ⴷⴻⴳ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ 8 ⵎⴻⵖⵔⴻⵙ ⵉⵄⴻⴷⴷⴰ, ⵉⵡⴰⴽⴽⴻⵏ ⴰⴷ ⵢⴻⵔⵓⵔⴻⴷ ⵓⴱⵔⵉⴷ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⵢⴻⵙⵙⴻⵏⴼⴻⵍⴻⵏ, ⵉ ⵓⴹⵎⴰⵏ ⵏ ⵓⵙⴻⵎⵔⴻⵙ ⵏ ⵓⴳⴰⵔ ⵏ 30 ⵏ ⵜⵎⴻⵔⵡⵉⵏ (30%).
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⴰⴷ ⴷ-ⵢⵉⵍⵉ ⵓⵇⵇⴻⵏ "ⵉⵍⴰⵏ ⵏⴼⴰⵄ" ⴳⴰⵔ ⵡⴰⵎⵎⴰⵙⴻⵏ ⵏ ⵓⵏⴰⴷⵉ ⴷ ⵢⵉⵎⴰⵙⵍⴰⵢⴻⵏ ⵏ ⵢⵉⵙⵏⴼⴰⵔⴻⵏ ⵏ ⵓⵙⵏⵓⵍⴼⵓ, ⵍⴰⴷⵖⴰ ⵉⵎⵉ ⵍⵍⴰⵏ ⵢⵉⵡⵓⵔⴰ (ⵜⴰⵃⴰⴷⴷⵉⵢⴰⵜ) ⵏ ⵓⴱⴻⴷⴷⴻⵍ ⵏ ⵓⵏⴻⵣⵡⵉ (ⵛⵍⵉⵎⴰⵜⴻ ⵛⵀⴰⵏⴳⴻ). ⵜⴻⴱⴷⴻⵔ-ⴷ ⴱⴻⵍⵍⵉ ⵍⵍⴰⵏ ⵢⵉⵙⵏⴼⴰⵔⴻⵏ ⵏ ⵓⵏⴰⴷⵉ ⴷⴻⴳ ⵜⵙⴻⴷⴷⴰⵡⵉⵢⵉⵏ ⴷ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵡⴻⵏⵏⴰⴹⵜ ⴷ ⵜⵏⴻⴼⵍⵉ ⵜⴰⵎⴰⴳⴷⴰⵢⵜ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴱⴻⵇⵇⴻⵙ-ⵏⵙⴻⵏ, ⴳⴰⵔ-ⴰⵙⴻⵏ ⵓⵏⴰⴳⵔⴰⵡ ⵓⵙⴻⵍⴽⵓⵎ ⵏ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵏ ⵓⵏⵓⵍⴼⵓ ⵉ ⵓⵙⴻⵏⵇⴻⴷ ⵏ ⵙⵚⵉⴼⴰ ⵏ ⵜⵉⵅⴻⵙⵙⴰⵔⵉⵏ ⴷⴻⴳ ⵡⴰⵎⴰⵏ.
ⵜⵏⴻⵖⵍⴰⴼⵜ ⵜⴻⵏⵏⴻⵔⵏⴰ-ⴷ ⴱⴻⵍⵍⵉ ⴰⵃⵔⵉⵛ-ⵉⵙ ⴰⴷ ⵉⴹⵎⴻⵏ ⵓⵙⴻⵎⵔⴻⵙ ⵏ ⵢⵉⵙⵏⴼⴰⵔⴻⵏ ⵏ ⵜⵓⵙⵙⵏⴰ ⴷ ⵓⵙⵏⵓⵍⴼⵓ ⴷⴻⴳ ⵢⵉⵙⵡⵉⵔⴻⵏ ⵏ ⵓⵙⵉⵣⴷⴻⴳ, ⵉⵡⴰⴽⴽⴻⵏ ⴰⴷ ⴰⵡⴹⴻⵏ 30% ⴷⴻⴳ ⵜⴰⵣⵡⴰⵔⴰ, ⵙⵢⵉⵏ 60% ⴷⴻⴳ ⵓⵙⴻⴳⴳⴰⵙ ⵏ 2030. ⵙⴻⴳ ⵜⴰⵎⴰ-ⵏⵏⵉⴹⴻⵏ, ⴰⵎⴰⵔⵉ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵡⴰⵔⵡⴰⵢ, ⵎⴰⵙⵙ ⵓⵎⴰⵔ ⴱⵓⵓⴽⴻⵔⵓⵓⴰ, ⵢⴻⴱⴳⴻⵙ-ⴷ ⴱⴻⵍⵍⵉ ⴰⵃⵔⵉⵛ-ⵉⵙ ⴰⴷ ⵢⴻⵅⴷⴻⵎ ⴰⴽⴽ ⵉⵡⴰⴽⴽⴻⵏ ⴰⴷ ⵢⴰⵡⴹⴻ ⵢⵉⵙⵡⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵓⵙⴻⵎⵔⴻⵙ ⵏ ⵡⴰⵎⴰⵏ-ⴰⴳⵉ ⴷⴻⴳ ⵜⴼⴻⵍⵍⴰⵃⵜ ⴷ ⵜⴷⴰⵎⵙⴰ.
ⴷⴻⴳ ⵡⴰⴳⵔⴰⵡ-ⴰⴳⵉ, ⵙⵙⴻⵏⴽⴷⴻⵏ-ⴷ ⵉⵙⴰⵍⵉⵢⴻⵏ ⵉⵜⵉⴽⵏⵉⴽⴻⵏ ⵖⴻⴼ ⵓⵙⵉⵣⴷⴻⴳ ⵏ ⵡⴰⵎⴰⵏ ⴷⴻⴳ ⵜⴼⴻⵍⵍⴰⵃⵜ, ⴷⴻⴳ ⵙⵚⴻⵏⴰⵄⴰ (ⴰⵙⴻⵎⵎⴰⴹ, ⴰⵙⵙⵉⵣⴷⴻⴳ ⵏ ⵙⵙⴻⵍⵄⴰ), ⴰⴽⴽⴻⴷ ⵓⵙⵉⵙⵡⵉ ⵏ ⵢⵉⵎⵓⴽⴰⵏ ⵉⵣⴻⴳⵣⴰⵡⴻⵏ ⴷ ⵓⵙⵉⵣⴷⴻⴳ ⵏ ⵢⵉⴱⴻⵔⴷⴰⵏ ⴷ ⵓⴼⵔⴰⵖ ⵏ ⵜⴽⴰⵔⵔⵉⵙⵜⵉⵏ ⵏ ⵓⵙⵎⴰⵔⵉ.
ⴰⵔⵏⵓ ⵖⴻⵔ
