ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⵉⵎⵡⴰⵙ, ⵢⵉⵣⴻⵏ ⵉⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵢⵉⵏⵉⴳ ⵉ ⵓⵎⴻⴽⵜⵉ ⵏ ⵓⵎⵓⵍⵍⵉ ⵡⵉⵙ 65 ⵏ ⵜⵎⴻⵙⴽⴰⵏⵉⵏ ⵏ 17 ⵜⵓⴱⴻⵕ (1961-2026), ⴷ ⵜⴰ ⵉ ⴷ ⵜⴰⵙⵓⵇⵇⵉⵍⵜ-ⵏⵏⴻⵙ ⵙⵖⵓⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ:
“ⵙ ⵢⵉⵙⴻⵎ ⵏ ⵢⵓⵛ ⴰⵎⴰⵍⵍⴰⵢ ⴰⵎⵏⴰⵀⴰⵖ,
ⵜⴰⵥⴰⵍⵍⵉⵜ ⴷ ⵜⴰⵍⵡⵉⵜ ⵖⴻⴼ ⵓⵎⴰⵣⵓⵏ-ⵏⵏⴻⵙ,
ⴰ ⵜⵉⵡⴻⵖⵍⴰⵏⵉⵏ ⴷ ⵢⵉⵡⴻⵖⵍⴰⵏⴻⵏ ⵉɛⵣⵉⵣⴻⵏ,
ⴰⵙⵙ-ⴰ, 17 ⵜⵓⴱⴻⵕ, ⵏⴻⵜⵜⵎⴻⴽⵜⵉ-ⴷ ⴰⵙⵙ ⵎⴰⵏⵉ ⴷ-ⵓⴷⵔⴻⵏⵜ ⵜⵉⴷⴰⵡⵉⵏ ⵏ ⵜⴷⵣⴰⵢⵔⵉⵢⵉⵏ ⴷ ⵢⵉⴷⵣⴰⵢⵔⵉⵢⴻⵏ ⵖⴻⵔ ⵢⵉⵖⵍⴰⴷⴻⵏ ⵏ ⵜⵎⴰⵏⴻⵖⵜ ⵜⴰⴼⵕⴰⵏⵙⵉⵜ, ⵒⴰⵔⵉⵙ, ⴰⴽⴽⴻⵏ ⴰⴷ ⴷ-ⵙⵙⵓⵎⵎⵍⴻⵏ ⴰⵖⵜⴰⵙ ⴰⵎⴻⵥⵔⵉⵔⵉ ⵏ ⵓⴳⴷⴰⵍ ⵏ ⵡⵓⴼⵓⵖ ⵉ ⴷ-ⵃⴻⵜⵜⵎⴻⵏ ⵢⵉⴷⵓⴱⴰ ⵉⵀⴻⵔⵙⴰⵏⴻⵏ ⵉ ⵡⴰⵔⵔⵓⵣ ⵏ ⵜⵍⴻⵍⵍⵉⵢⵉⵏ-ⵏⵙⴻⵏ. ⴰⴽⴰⵜ-ⴰ ⵢⴻⵙⵙⴻⵏⴼⴰⵍⵉ-ⴷ ⴰⴽⵙⴰⵏ ⵏ ⵜⴻⵎⵙⵓⵍⵜⴰ ⵜⴰⴼⵕⴰⵏⵙⵉⵜ, ⴷⴷⴰⵡ ⵓⵏⵣⴰⴹ ⵏ ⵓⵏⴻⵊⵔⵉⵎ ⵎⴰⵓⵔⵉⵛⴻ ⵒⴰⵒoⵏ, ⵉ ⴷⵣⴰⵢⴻⵔ ⵜⴰⵖⴻⵡⵡⴰⵖⵜ ⴷ ⵜⴻⵎⵏⴻⵖⵜ.
ⵉⴷⵣⴰⵢⵔⵉⵢⴻⵏ, ⵢⴻⵍⵍⴰⵏ ⴷ ⴰⵣⴻⴳⵔⴻⵜ ⴷ ⵓⴷⵀⴰⵍ ⵏ ⵜⴻⴳⴰⵡⵍⴰ ⵜⴰⵎⴰⵏⴳⴰⵏⵜ ⵏ ⵓⵙⵍⴻⵍⵍⵉ, ⵓⵔ ⵇⴱⵉⵍⴻⵏ ⴰⵔⴰ ⴰⴽⴰⵜ-ⴰ ⴰⵔⵓⵖⴷⵉⵎ ⴷ ⵓⵔⴰⵎⴻⴽ ⵉⵢⴻⵙ ⵜⴰⵎⵙⵓⵍⵜⴰ ⵜⴰⴼⵕⴰⵏⵙⵉⵜ ⵜⴻⵍⵍⴰ ⵜⵖⵉⵍ ⴰⴷ ⵜⴻⵖⴹⴻⵙ ⵜⴰⴳⵔⴰⵡⵍⴰ ⵙ ⵓⵣⴻⴳⵔⴻⵜ-ⵏⵏⴻⵙ ⵖⴻⵔ ⵡⵓⵍ ⵏ ⵓⴳⴻⵍⵍⵓⵢ-ⵏⵏⴻⵙ. ⵉⴷⵣⴰⵢⵔⵉⵢⴻⵏ ⵓⵎⴷⴻⵏ ⴰⵣⵔⴻⴼ-ⵏⵙⴻⵏ ⴰⴽⴽⴻⵏ ⴰⴷ ⴰⴷⵔⴻⵏ ⵖⴻⵔ ⵢⵉⵖⵍⴰⴷⴻⵏ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⴳⴻⵏ ⵜⵉⵎⴻⵙⴽⴰⵏⵉⵏ ⴷ ⵜⵉⵎⴻⵍⵡⵉⵢⵉⵏ, ⵢⴻⵔⵏⵓ ⵡⴻⴽⴽⴷⴻⵏ-ⴷ ⵜⴰⵎⵢⴰⵎⴰⵥⵜ ⴷ ⵜⵓⵟⵟⴼⴰ-ⵏⵙⴻⵏ ⴷⴻⴳ ⵓⴽⴻⵍⵎⴰⵜ, ⴷ ⵜⵓⵟⵟⴼⴰ-ⵏⵙⴻⵏ ⴷⴻⴳ ⵓⵎⴻⵏⵏⵓⵖ ⵓⵎⵔⵉⴳ ⵢⴻⵡⵡⴹⴻⵏ ⵖⴻⵔ ⵜⵇⴰⵛⵓⵛⵜ-ⵏⵏⴻⵙ ⴷⴻⴳ ⵜⴳⴰⵔⴰ ⵏ ⵓⵙⴻⴳⴰⵙ ⵏ 1961, ⵎⵉ ⴱⴷⴰⵏⵜ ⵜⵜⴱⴰⵏⴻⵏⵜ-ⴷ ⵜⴷⵓⴳⴰⵎⵉⵏ ⵏ ⵜⵔⴻⵏⵏⴰⵡⵜ ⴷ ⵓⵍⵍⴻⵍⵍⵉ.
ⵙ ⵓⵇⴰⵣⴻⵎ ⵏ ⵓⴷⴻⵍⵇⴻⵎ ⴰⵀⴻⵔⵙⴰⵏ ⴰⵎⵙⵓⵍⵜⴰⵏ ⴰⴽⵙⴻⵙⵏⴰⵏ, ⵙ ⵓⵇⴰⵣⴻⵎ ⵏ ⵜⴳⴰⵔⵉⵢⵉⵏ ⵜⵉⵏⵉⵍⴰⵡⵉⵏ ⵙ ⵢⵉⴼⴰⵙⵙⴻⵏ-ⵏⵙⴻⵏ ⵉⵍⵎⴰⵡⴻⵏ ⴷ ⵜⵎⴻⵜⵜⴰⵏⵜ ⵏ ⵜⴻⵎⵔⴰⵡⵉⵏ ⵏ ⵢⵉⵏⵎⴻⵙⴽⴰⵏⴻⵏ, ⵢⴻⵜⵜⵡⴰⵙⵙⴻⵍⵖⵉⵏ ⵙ ⵜⵉⵡⵡⴰⴳⴻⵏⵜ ⴷⴻⴳ ⵡⴰⵙⵉⴼ ⵏ ⵙⴻⵉⵏⴻ, ⴰⵎⵖⵉⵡⴰⵏ-ⵏⵏⴻⵖ ⴰⵖⴻⵍⵏⴰⵡ ⵢⴻⵥⵥⴰ ⵜⴰⵏⴰⵢⴻⵍⵜ-ⵏⵏⴻⵙ ⵖⴻⵔ ⵓⵖⵔⴻⴼ ⴷ ⴰⵎⵖⴻⵡⵥⴰⵏ, ⴷ ⴰⵎⵉⵔⵡⴰⵏ, ⴷ ⵓⴼⵔⵉⵛ ⵢⴻⵔⵏⵓ ⴷ ⵉⵍⴻⵍⵍⵉ, ⴷ ⵜⵓⵟⵟⴼⴰ-ⵏⵏⴻⵙ ⴷⴻⴳ ⵜⵖⴻⵔⵎⴰ ⴷ ⵓⵎⴻⵣⵔⵓⵢ ⵢⴻⵥⵥⴰⵏ ⴷⴻⴳ ⵡⴰⴽⴰⵍ ⵏ ⴷⵣⴰⵢⴻⵔ-ⵏⵏⴻⵖ ⵜⴰɛⵣⵉⵣⵜ.
ⵉⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵢⵉⵏⵉⴳ, ⵏⴻⵜⵜⵎⴻⴽⵜⵉ-ⴷ, ⵙ ⵓⵣⵔⴰⴽ, ⵜⵉⵖⴻⵔⵙⴰⵡⵉⵏ ⵏ ⵢⵉⵎⴹⴻⴱⴱⵔⴻⵏ ⵏ ⵓⵎⴻⵏⵏⵓⵖ ⴰⵖⴻⵍⵏⴰⵡ ⴷⴻⴳ ⵓⵏⴻⵊⵍⵉ, ⴷ ⵜⵉⴽⴽⵓⵍⵎⴰ ⵏ ⵜⵙⵓⵜⴰ ⵏ ⵢⵉⵎⴰⵀⴰⵍⴻⵏ ⵉ ⴷ-ⵢⴻⵙⵙⴻⴽⵏⴻⵏ ⵜⵓⵟⵟⴼⴰ-ⵏⵙⴻⵏ ⴷⴻⴳ ⵜⴻⴳⵔⴰⵡⵍⴰ, ⵛⵛⵉⵍ ⵏ ⵜⴻⴳⵏⴰⵜⵉⵏ ⵜⵉⵎⴻⵍⵖⴰⵜⵉⵏ ⵏ ⵜⴰⵍⵍⵉⵜ-ⵏⵏⵉ, ⵢⴻⵔⵏⵓ ⵙⵙⴻⴽⵏⴻⵏ-ⴷ ⴰⵢⴰ ⵙ ⵢⵉⵣⵉⵖⴻⵔ ⵏ ⵓⵛⵇⵉⵔⵔⴻⵡ ⵎⴳⴰⵍ ⴰⴽⴽ ⵜⴰⵍⵖⵉⵡⵉⵏ ⵏ ⵓⵔⴰⵎⴻⴽ ⵢⴻⵔⵏⵓ ⵙ ⵓⴳⵓⵛⵛⴻⵍ ⵏ ⵓⴷⵔⴰⵡ ⵙ ⵢⵉⵎⴻⴽ ⴷ ⵓⵎⵎⵉⴷ ⴷⴻⴳ ⵓⵎⴻⵏⵏⵓⵖ ⵓⵛⵃⵉⵏ ⵉ ⵜⴻⵍⵍⴰ ⵜⴻⵜⵜⵏⴰⵖ-ⵉⵜ ⴷⵣⴰⵢⴻⵔ, ⵢⴻⵍⵍⴰⵏ ⵜⴻⵜⵜⵅⴻⵍⵍⵉⵚ ⴰⵜⵉⴳ ⴷ ⴰⵖⵍⴰⵢⴰⵏ ⵙ ⵢⵉⴷⴰⵎⵎⴻⵏ ⵏ ⵢⵉⵎⴻⵖⵔⵓⵙⴻⵏ ⴰⴽⴽⴻⵏ ⴰⴷ ⴷ-ⵜⴻⵙⵙⵓⵖⴰⵍ ⴰⵣⴰⵔⵓⴳ ⴷ ⵜⵏⴰⵢⴰ-ⵏⵏⴻⵙ ⵜⴰⵖⴻⵍⵏⴰⵡⵜ.
ⵉⵍⵎⴻⵏⴷ ⵏ ⵡⴰⵢⴰ, ⵙⵙⴻⵏⴼⴰⵍⴰⵢⴻⵖ-ⴷ ⴰⴼⵔⴰⵛ-ⵏⵏⴻⵖ ⵙ ⵢⵉⵣⵉⵖⴻⵔ ⵏ ⵜⴻⵎⵏⵉⵍⵜ ⴷ ⵓⵎⵉⵔⴻⵡ ⴰⵖⴻⵍⵏⴰⵡ ⵉ ⵉⵙⵓⵍⴻⵏ ⵢⴻⵍⵍⴰ ⴷⴻⴳ ⵜⴻⴼⵔⵉⵜ ⵏ ⵢⴰⵍ ⵜⴰⴷⵣⴰⵢⵔⵉⵜ ⴷ ⵓⴷⵣⴰⵢⵔⵉ ⵏ ⵓⵎⵖⵉⵡⴰⵏ-ⵏⵏⴻⵖ ⴷⴻⴳ ⵓⵎⴰⴹⴰⵍ ⴰⴽⴽ. ⵜⵜⵣⵓⵍⵓⵖ ⴰⴽⴽ ⵉⵎⴰⵙⵍⴰⴹⴻⵏ ⵏ ⵓⵎⵖⵉⵡⴰⵏ-ⵏⵏⴻⵖ, ⵎⴰⵏⵉ ⵎⴰ ⵍⵍⴰⵏ, ⵢⴻⵔⵏⵓ ⵜⵜⴰⵍⵙⴻⵖ ⵜⵜⵡⴻⴽⴽⵉⴷⴻⵖ-ⴷ ⴰⵎⵉⵔⴻⵡ ⵓⵎⵎⵉⴷ ⵏ ⵓⵡⴰⵏⴰⴽ ⴰⴽⴽⴻⵏ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⵎⴻⵙⵜⴻⵏ-ⵏⵙⴻⵏ, ⴰⵃⵔⴰⵣ ⵏ ⵜⵏⵓⴼⴰ-ⵏⵙⴻⵏ ⴷ ⵓⴹⵎⴰⵏ ⵏ ⵜⴻⴼⵔⴰⵡⵜ ⴷ ⵓⵙⵉⴼⵙⴻⵙ ⵉ ⵢⵉⵡⴻⵖⵍⴰⵏⴻⵏ-ⵏⵏⴻⵖ ⴷ ⵜⵡⴰⵛⵓⵍⵉⵏ-ⵏⵙⴻⵏ ⴷⴻⴳ ⵓⵎⴰⵜⵜⵉ-ⵏⵙⴻⵏ ⵖⴻⵔ ⵜⵎⵓⵔⵜ ⴰⴽⴽⴻⵏ ⴰⴷ ⵢⴻⵜⵜⵡⴰⴹⵎⴻⵏ ⵓⵙⴻⵖⵡⴻⵏ ⵉⵎⴻⵣⴳⵉ ⴷ ⵓⴽⴻⵍⵎⴰⵜ-ⵏⵙⴻⵏ ⴷ ⵜⵓⵟⵟⴼⴰ-ⵏⵙⴻⵏ ⵖⴻⵔ ⵡⴰⴽⴰⵍ ⵏ ⵓⴼⵔⴰⵛ ⴷ ⵓⴳⴻⵎⵎⵉⵔ.
ⵜⵓⴷⴻⵔ ⵉ ⴷⵣⴰⵢⴻⵔ
ⵜⴰⵎⴰⵏⴻⴳⵜ ⴷ ⵓⵖⵍⴰⵍ ⵉ ⵢⵉⵎⴻⵖⵔⵓⵙⴻⵏ-ⵏⵏⴻⵖ ⵉⴱⵖⴰⵙⴻⵏ
ⵜⴰⵍⵡⵉⵜ, ⵜⴰⵎⴻⵍⵍⴰ ⴷ ⵜⵍⴻⵎⵎⵉⵃⵜ ⵏ ⵢⵓⵛ ⴼⴻⵍⵍ-ⴰⵡⴻⵏ ⴰⴽⴽ ».
ⴰⵔⵏⵓ ⵖⴻⵔ
