ⵉⴼⵓⴽ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵔⵣⵉ-ⵏⵏⴻⵙ ⵜⵓⵏⵚⵉⴱⵜ ⵖⴻⴼ ⵜⴻⴳⴷⵓⴷⴰ ⵏ ⵟⵟⵓⵔⴽ

ⴰⵏⴽⴰⵔⴰ – ⵉⴼⵓⴽ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⴰⵙⵙ ⵏ ⵓⵙⵉⵎⵡⴰⵙ, ⵜⵉⵔⵣⵉ-ⵏⵏⴻⵙ ⵜⵓⵏⵚⵉⴱⵜ ⵖⴻⴼ ⵜⴻⴳⴷⵓⴷⴰ ⵏ ⵟⵟⵓⵔⴽ ⵜⴰⵡⴻⵍⵜⵎⴰⵜ, ⵢⴻⵔⵏⵓ ⵜⴰ ⴷ ⵜⵉⵔⵣⵉ ⴷ-ⵢⴻⵙⵙⴻⴽⵏⴻⵏ ⵜⴰⵍⵇⴰⵢⵜ ⵏ ⵡⴰⵙⵙⴰⵖⴻⵏ ⵉⵎⴻⵣⵔⵓⵢⴰⵏⴻⵏ ⵓⴳⴳⵉⵍⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵢⴻⵔⵏⵓ ⵜⵡⴻⴽⴽⴻⴷ-ⴷ ⵜⵉⵎⴻⵖⵙⵉⵡⵜ-ⵏⵙⴻⵏⵜ ⴰⴽⴽⴻⵏ ⴰⴷ ⵙⵙⵉⵡⴹⴻⵏⵜ ⴰⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⵖⴻⵔ ⵢⵉⴳⵍⴰⵏ ⴷ ⵉⵀⵔⴰⵡⴰⵏⴻⵏ ⵓⴳⴰⵔ.

ⴷⴻⴳ ⵜⴻⵔⵣⵉ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ, ⵢⴻⵔⵎⴻⵙ-ⵉⵜ, ⴷⴻⴳ ⴰⵏⴽⴰⵔⴰ, ⴳⵎⴰ-ⵙ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵟⵟⵓⵔⴽ, ⵎⴰⵙⵙ ⵔⴻⵛⴻⵒ ⵜⴰⵢⵢⵉⵒ ⴻⵔⴷⵓⴳⴰⵏ. ⴰⵔⵎⴰⵙ ⵓⵏⵚⵉⴱ ⵢⴻⵍⵍⴰ-ⴷ ⴷⴻⴳ ⵓⵙⴰⴷⵓⵙ ⴰⵙⴻⵍⵡⴰⵢⴰⵏ ⵏ ⵜⴻⴳⴷⵓⴷⴰ ⵏ ⵟⵟⵓⵔⴽ.
ⴳⴰⵏ ⵙⵉⵏ-ⴰ ⵏ ⵢⵉⵙⴻⵍⵡⴰⵢⴻⵏ ⵉⴷⵉⵡⴻⵏⵏⵉⵢⴻⵏ ⴷ ⵉⵍⵇⴰⵢⴰⵏⴻⵏ ⴷ-ⵉⵃⵓⵣⴰⵏ ⴰⴷⴷⴰⴷ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⴷ ⵡⴰⵎⵎⴰⴽⴻⵏ ⵏ ⵓⵙⴷⵓⵙⵓ-ⵏⵙⴻⵏ, ⴰⵎ ⵡⴰⴽⴽⴻⵏ ⵉ ⵎⵙⴻⵏⴼⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵢⵉⴽⴰⵔⴰⵎⴻⵏ ⵏ ⵜⵏⴰⴼⵓⵜ ⵜⵓⴱⵍⵉⴳⵜ.
ⵉⵍⵎⴻⵏⴷ ⵏ ⵡⴰⵢⴰ, ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵖⴻⵔ ⵢⵉⴷⵉⵙ ⵏ ⵓⵙⴻⵍⵡⴰⵢ ⴻⵔⴷⵓⴳⴰⵏ, ⵜⴰⵖⴻⵎⵍⵉⵍⵜ ⵜⴰⵎⴻⵣⵡⴰⵔⵓⵜ ⵏ ⵓⵙⴻⵇⵇⴰⵎⵓ ⵏ ⵓⵏⵎⵉⵔⴻⴳ ⴰⵙⵏⵓⴷⴷⵙⴰⵏ ⵏ ⵓⵙⵡⵉⵔ ⵓⵏⵏⵉⴳ ⴰⴷⵣⴰⵢⵔⵉ-ⴰⵟⵓⵔⴽⵉ, ⵢⴻⵙⵙⴰⵡⴹⴻⵏ ⵖⴻⵔ ⵓⵣⵎⴰⵍ ⵏ ⵢⵉⵎⵜⴰⵡⴰⵢⴻⵏ ⴷ ⵉⵅⴰⵜⴰⵔⴻⵏ ⴷ-ⵉⵃⵓⵣⴰⵏ ⵉⴳⵣⵓⵎⴻⵏ ⴷ ⵉⵎⴻⴷⴷⵓⵔⴰⵏⴻⵏ, ⴳⴰⵔ-ⴰⵙⴻⵏ ⵜⴰⵎⴳⵓⵔⵉ, ⵜⴰⵏⴻⵣⵣⵓⵜ, ⵜⴰⴽⴻⵔⵔⴰⵣⵜ, ⵉⵍⵖⵓⴷⴻⵏ, ⵜⴰⵏⴰⵣⴻⵏⵜ ⴷ ⵓⵎⴻⵙⵏⵉ. ⵉⵎⴹⴻⴱⴱⵔⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⵣⴻⵎⵍⴻⵏ ⴷⴰⵖ ⵜⴰⵙⴳⵓⵔⵉ ⵜⵓⴱⵍⵉⴳⵜ ⵉⵢⴻⵙ ⴼⵓⴽⴻⵏ ⵜⴰⵖⴻⵎⵍⵉⵍⵜ-ⴰ.
ⴷⴻⴳ ⵢⵉⵡⴻⵜ ⵏ ⵜⴻⵙⴳⵓⵔⵉ ⵜⵓⴱⵍⵉⴳⵜ ⵉ ⵜⵖⴻⵎⵙⴰ ⴷ ⵜⵓⵜⴰ-ⵏⵏⴻⵙ ⴰⵟⵓⵔⴽⵉ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴰⵙⵙⴰⵖⴻⵏ ⵉⴷⵣⴰⵢⵔⵉⵢⴻⵏ-ⵉⵟⵓⵔⴽⵉⵢⴻⵏ “ⵜⴻⵜⵜⵉⵍⵉ-ⴷ ⴷⴻⴳ-ⵙⴻⵏ ⵜⴷⵉⵏⴰⵎⵉⵜ ⴷ ⵜⴰⵏⴻⵔⵏⴰⵢⵜ ⵉⵢⴻⵙ ⵏⵓⵎⴻⵔ, ⵢⴻⵔⵏⵓ ⵏⵓⵎⴻⵔ ⵙ ⵜⴰⴽⴽⴰⵢⵉⵏ ⴷ-ⵢⴻⵍⵍⴰⵏ ⵉⵍⵎⴻⵏⴷ ⵏ ⵓⵙⵉⵡⴻⴹ ⵖⴻⵔ ⵓⵙⵡⵉⵔ-ⴰ”.