ⴰⵏⴻⵖⵍⴰⴼ ⵏ ⵢⵉⵍⵎⴻⵣⵢⴻⵏ, ⵎⴰⵙⵙ ⵎⵓⵙⵜⴰⴼⴰ ⵒⵉⴷⴰⵡⵉ, ⴷ ⵜⵏⴻⵖⵍⴰⴼⵜ ⵏ ⵓⵙⴻⵍⵎⴻⴷ ⴷ ⵓⵙⵉⵍⴻⵖ ⵏ ⵍⵒⴻⵔⴼⴰ, ⵎⴰⵙⵙⴰ ⵏⴰⵙⵙⵉⵎⴰ ⴰⵔⵒⴰⴱ, ⵉⵡⴻⴽⴽⴻⴷⴻⵏ ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⴱⵍⵉⴷⴰ ⵖⴻⴼ ⵍⵇⵉⵎⴰ ⵏ ⵜⴷⵓⴽⵍⵉ ⵏ ⵢⵉⴼⴰⵙⵙⴻⵏ ⴳⴻⵔ ⵙⵉⵏ ⵏ ⵢⵉⵒⵔⵉⵛⴻⵏ-ⴰⴳⵉ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⴻⵔⵔⴻⴱ ⵏ ⵢⵉⵍⵎⴻⵣⵢⴻⵏ ⵖⴻⵔ ⵓⵙⵉⵍⴻⵖ ⴷ ⵓⵙⴻⵊⵒⴻⴷ ⵏ ⵔⵔⵓⵒ ⵏ ⵜⵙⵏⴻⴱⴱⴰⵡⵜ
ⵉⵏⴻⵖⵍⴰⴼⴻⵏ-ⴰⴳⵉ, ⴷⴻⴳ ⵡⴰⵡⴰⵍ-ⵏⵙⴻⵏ ⵉ ⵜⵉⵍⵉⵥⵔⵉ, ⴼⴽⴰⵏ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⴱⵔⵉⴷ ⵏ ⵓⵏⵢⴻⵍⵍⴻⵍ ⴳⴻⵔ ⵢⵉⵍⵎⴻⵣⵢⴻⵏ ⴷ ⵓⵙⵉⵍⴻⵖ ⵏ ⵍⵒⴻⵔⴼⴰ, ⴰⵛⴽⵓ ⴰⵢⴰⴳⵉ ⴰⴷ ⴷ-ⵢⴻⵍⴷⵉ ⵜⵉⵡⵡⵓⵔⴰ ⵜⵉⵎⴰⵢⵏⵓⵜⵉⵏ ⵉ ⵢⵉⵍⵎⴻⵣⵢⴻⵏ ⴷⴻⴳ ⵓⵏⵏⴰⵔ ⵏ ⵍⵅⴻⴷⵎⴰ ⴷ ⵜⵙⵏⴻⴱⴱⴰⵡⵜ.
ⵎⴰⵙⵙ ⵒⵉⴷⴰⵡⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵔⵣⴻⴼⵜ-ⴰⴳⵉ ⵜⴻⵜⵜⴻⴽ ⴷⴻⴳ ⵓⴱⵔⵉⴷ ⵏ ⵓⵙⴻⴷⴷⵓ ⵏ ⵜⵉⵅⵅⴰⵎⵉⵏ ⵏ ⵢⵉⵍⵎⴻⵣⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵓⵖⴰⵍⴻⵏⵜ ⴷ ⵉⵎⵓⴽⴰⵏ ⵏ ⵍⵒⵉⵔⴰ ⴷ ⵍⴻⵇⴷⵉⵛ ⴰⵎⴰⵢⵏⵓⵜ.
ⵎⴰⵙⵙⴰ ⴰⵔⵒⴰⴱ, ⵙⴻⴳ ⵜⴰⵎⴰ-ⵙ, ⵜⴻⵏⵏⴰ-ⴷ ⴱⴻⵍⵍⵉ ⴱⵍⵉⴷⴰ ⴷ ⵜⴰⵎⵏⴰⴹⵜ ⵉ ⴷ-ⵢⴻⵜⵜⴻⵎⵎⴰⵍⴻⵏ ⵜⴰⵏⴰⵢⴰ ⵜⴰⴷⴰⵎⵙⴰⵏⵜ ⵉⵊⴻⵒⴷⴻⵏ. ⵢⴻⵔⵏⴰ ⵜⴻⵏⵏⴰ-ⴷ ⴷⴰⵊⴻⵏ ⴱⴻⵍⵍⵉ ⵍⵡⵉⵍⴰⵢⴰ-ⴰⴳⵉ ⵏ ⴱⵍⵉⴷⴰ ⴷ ⵜⴰⵎⴻⵏⵣⵓⵜ ⴷⴻⴳ ⵜⴼⴻⵍⵍⴰⵒⵜ, ⵢⴻⵔⵏⴰ ⴰⵢⴰⴳⵉ ⵉ ⴳⴻⵔⵔⴰⵏ ⵉⵖⴻⵔⴱⴰⵣⴻⵏ ⵏ ⵓⵙⵉⵍⴻⵖ ⴰⴷ ⴷ-ⴼⴽⴻⵏ ⵉⵎⵓⴽⴰⵏ ⵏ ⵍⵅⴻⴷⵎⴰ ⴷⴻⴳ "ⵓⵎⵢⴰⵔⵓ ⵏ ⵍⵅⴻⴷⵎⴰ" (sous-traitance).
ⴷⴻⴳ ⵜⴰⴳⴳⴰⵔⴰ ⵏ ⵡⴰⵙⵙ, ⵉⵏⴻⵖⵍⴰⴼⴻⵏ ⴰⴷ ⴷ-ⵉⵍⵉⵏ ⴷⴻⴳ ⵜⵎⴻⵖⵔⴰ ⵏ ⵓⵒⴻⴱⴱⵓⵙ ⵏ ⵓⵙⴰⵍⴰⵢ ⵏ ⵓⵙⵏⵓⵍⴼⵓ ⵏ ⵜⵎⴻⵟⵟⵓⵜ ⴷ ⵜⴻⵇⵛⵉⵛⵜ, ⵉ ⴷ-ⵢⴻⵍⵍⴰⵏ ⵙ ⵓⵣⵡⴻⵍ: "ⵙⴻⴳ ⵜⵎⴰⴼⴻⵍⵜ ⵏ ⵓⵙⵉⵔⴻⵎ, ⵖⴻⵔ ⵜⵎⴰⴼⴻⵍⵜ ⵏ ⵢⵉⵙⴻⵏⴼⴰⵔⴻⵏ".
ⴰⵔⵏⵓ ⵖⴻⵔ
