ⵢⴻⵄⵍⴻⵎ-ⴷ ⵓⵎⴹⴻⴱⴱⴻⵔ ⵏ ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ, ⵎⴰⵙⵙ ⵎⵓⵀⴰⵎⴻⴷ ⵍⴰⵎⵉⵏⴻ ⵍⴻⴱⴱⵓⵓ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⴷⴻⴳ ⵢⵉⵡⴻⵏ ⵏ ⵢⵉⵎⴰⵍⴰⵙ (ⴷⴷⵓⵕⵜ) ⴰⴷ ⴷ-ⵜⴻⴼⴼⴻⵢ ⵢⵉⵡⴻⵜ ⵏ ⵜⴰⵣⵣⴰⴽⴰⵏⵜ (instruction) ⵜⴰⵎⴰⵢⵏⵓⵜ ⵉ ⵜⴱⴰⵏⵉⴽⵉⵏ ⵢⴻⵄⵏⴰⵏ ⴰⵙⵏⴻⵙ ⵏ ⵢⵉⵍⵓⴳⴰⵏ ⵏ "ⵉⵙⵙⵉⵏ ⴰⵎⵙⴰⵖ-ⵉⴽ" . ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴰⵎⵙⵉ ⵏ ⵓⵏⴰⴳⵔⴰⵡ ⵏ ⵜⴱⴰⵏⴽⵉⵜ ⴰⵖⴻⵍⵏⴰⵡ ⴷ ⵢⵉⴱⴻⴷⴷⵉⵍⴻⵏ ⵏ ⵜⴰⵔⵔⴰⵢⵉⵏ ⵏ ⵓⵙⵔⵉⵎ .
ⵎⴰⵙⵙ ⵍⴻⴱⴱⵓⵓ ⵉⵙⵙⴻⴼⵀⴻⵎ-ⴷ, ⴷⴻⴳ ⵢⵉⵡⴻⵜ ⵏ ⵓⴷⵉⵡⴻⵏⵏⵉ ⴷⴻⴳ ⵓⵏⵏⴰⵔ ⵏ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ "ⵛⴹO ⵙⵓⵔⵠⴻⵢ" ⴷⴻⴳ ⵡⴰⵎⵎⴰⵙ ⴰⴳⵔⴻⵖⵍⴰⵏ ⵏ ⵜⵎⵓⵖⵍⵉⵡⵉⵏ "ⴰⴱⴷⴻⵍⴰⵜⵉⴼ ⵔⴰⵀⴰⵍ", ⴱⴻⵍⵍⵉ ⵜⴰⵣⵣⴰⴽⴰⵏⵜ-ⴰⴳⵉ ⴰⴷ ⵜⵉⵍⵉ ⴷ ⵜⵓⵛⵛⵉⵜ ⵉ ⵢⴰⴽⴽ ⵜⴱⴰⵏⵉⴽⵉⵏ, ⵙ ⵓⵇⴰⴷⴻⵔ ⵏ ⵜⵓⵍⵎⵉⵙⵉⵏ ⵏ ⵓⵎⴰⵀⵉⵍ ⵏ ⵢⵉⵎⵉⴳⴰⵡⴻⵏ ⵉⴷⴰⵎⵙⴰⵏⴻⵏ. ⵡⵉⴷ-ⴰⴳⵉ ⵣⴻⵎⵔⴻⵏ, ⵙ ⵢⵉⵡⴻⵜ ⵏ ⵜⵉⵄⵍⴻⵏⵜ ⵜⵉⴼⵙⵓⵙⵜ, ⴰⴷ ⴷ-ⵙⴻⵏⴽⵏⴻⵏ ⵉⵙⵓⴼⴰ -ⵏⵙⴻⵏ ⵏ ⵢⵉⵎⴰⵍ ⴷ ⵡⴰⵎⴻⴽ ⴰⵔⴰ ⵜⴻⵏ-ⵙⴻⵎⵔⵙⴻⵏ ⵎⴻⴱⵍⴰ ⵎⴰ ⵎⵎⴰⴳⵔⴻⵏ ⵜⵉⵛⴻⵇⵇⴰⴼⵉⵏ.
ⴰⵎⴹⴻⴱⴱⴻⵔ ⵉⵙⵔⴻⵚ, ⴷⴻⴳ ⵓⵏⵏⴰⵔ-ⴰⴳⵉ, ⵖⴻⴼ ⵡⴰⵣⴰⵍ ⵏ ⵓⵇⴰⴷⴻⵔ ⵏ ⵡⴰⵍⵍⴰⵍⴻⵏ ⵏ ⵓⵎⴻⵏⵏⵓⵖ ⵎⴳⴰⵍ ⴰⵙⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ (blanchiment d'argent) ⴷ ⵓⵙⵔⵉⵎ ⵏ ⵜⵉⴱⴱⴻⵉⵛⴻⵔⵜ, ⵉⵙⵍⴻⵎ-ⴷ ⴷⴰⵖⴻⵏ ⵙ ⵍⵎⴻⴶⵀⵓⴷⴰⵜ ⵏ ⵜⵙⵏⵓⵔⴻⴼⵜ ⵏ ⵍⴱⵉⵔⵉⴹ ⵏ ⵍⴻⵣⵣⴰⵢⴻⵔ ⵉ ⵓⵙⵎⴰⵢⵏⵓⵜ ⵏ ⵢⵉⴼⴰⵢⵍⴻⵏ ⵏ KYC.
ⴰⵏⴰⴳⵔⴰⵡ ⵏ "ⵉⵙⵙⵉⵏ ⴰⵎⵙⴰⵖ-ⵉⴽ" ⴷ ⴰⵍⵍⴰⵍ ⵉⵕⴻⵙⵙⴰⵏ ⵉ ⵓⵙⴱⴻⴷⴷⵉ ⵏ ⵜⴼⴻⴼⴻⴼⴼⵉⵜ ⴷ ⵓⵃⴱⴰⵙ ⵏ ⵓⵛⴻⵛⵔⴻⴽ (fraude) ⵉⵡⴰⴽⴽⴻⵏ ⴰⴷ ⵜⴻⵜⵜⵓⵙⴻⴶⵀⴻⴷ ⵜⵎⴰⵏⴻⴳⵜ ⵏ ⵓⵏⴰⴳⵔⴰⵡ ⵏ ⵜⴱⴰⵏⴽⵉⵜ.
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵙⵉⴷⵔⴻⵡ ⵏ ⵜⴻⴷⵔⵉⵎⵜ , ⴰⵎⴹⴻⴱⴱⴻⵔ ⵉⵙⵙⴻⴽⵏⴻⴷ ⴱⴻⵍⵍⵉ ⵔⵔⴻⴱⴻⵃ ⵏ ⵓⴱⵔⵉⴷ-ⴰⴳⵉ ⵉⵛⵓⴷⴷ ⴷ ⵓⵇⴰⴷⴻⵔ ⵏ ⵡⴰⵏⴰⵡ ⵏ ⵜⵎⵓⵀⴰⵍ ⵜⵉⴷⴰⵎⵙⴰⵏⵉⵏ, ⵢⴻⵔⵏⴰ ⵉⵙⵙⴻⵃⵔⴻⵙ ⵖⴻⴼ ⵡⴰⵣⴰⵍ ⵏ ⵜⴰⵔⵇⵎⵉⵜ ⵉⵡⴰⴽⴽⴻⵏ ⴰⴷ ⴷ-ⵜⵜⵡⴰⵙⵉⴷⵔⴻⵏ ⵢⵉⴷⵔⵉⵎⴻⵏ ⵉⵅⴻⴷⴷⵎⴻⵏ ⵓⴼⴼⵉⵔ ⵏ ⵢⵉⴱⴻⵔⴷⴰⵏ ⵓⵏⵚⵉⴱⴻⵏ.
ⵉⵙⵎⴻⴽⵜⵉ-ⴷ ⵍⴻⴱⴱⵓⵓ ⴱⴻⵍⵍⵉ ⴰⵙⴰⴷⵓⴼ ⵏ ⵜⴻⴷⵔⵉⵎⵜ ⴷ ⵜⴱⴰⵏⴽⵉⵜ ⵢⴻⴶⴶⴰ ⵉⵎⵉⴳⴰⵡⴻⵏ ⵉⵎⴰⵢⵏⵓⵜⴻⵏ ⴰⴷ ⴽⴻⵛⵎⴻⵏ, ⴳⴰⵔ-ⴰⵙⴻⵏ ⵜⵉⴱⴰⵏⵉⴽⵉⵏ ⵜⵉⵇⵎⵉⵢⵉⵏ (banques digitales) ⴷ ⵡⵉⴷ ⵉ ⵉⵟⵟⴰⴽⴻⵏ ⵢⵉⵎⴻⵥⵍⴰ ⵏ ⵓⵅⴻⵍⵍⴻⵚ. ⴷⴻⴳ ⵓⵏⵏⴰⵔ ⵏ ⵜⵙⴻⵔⵜⵉⵜ ⵏ ⵜⴻⴷⵔⵉⵎⵜ, ⴰⵎⴹⴻⴱⴱⴻⵔ ⵢⴻⵏⵏⴰ-ⴷ ⴱⴻⵍⵍⵉ ⵓⵣⴻⵟⵟⴻⴹ ⵏ ⵓⵣⵡⴰⵢ (inflation) ⴷ ⵢⵉⵡⴻⵏ ⵏ ⵢⵉⵙⵡⵉⵢⴻⵏ ⵉⵕⴻⵙⵙⴰⵏⴻⵏ, ⵉⵙⵙⴻⴽⵏⴻⴷ ⴱⴻⵍⵍⵉ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵜⴻⵙⵙⴰⵡⴻⴹ ⴰⴷ ⵜⴱⴻⴷⴷ ⵣⴷⴰⵜ ⵏ ⵢⵉⴱⴻⴷⴷⵉⵍⴻⵏ, ⵙ ⵓⵊⴻⵔⵔⴻⴷ ⵏ ⵍⵇⴻⴷⴷ ⵏ ⵓⵣⵡⴰⵢ ⵙ ⴷⴷⴰⵡ ⵏ ⵡⵉⵏ ⵏ ⵜⵎⵓⵔⴰ ⵏ ⵜⵓⵔⵓⴼⵜ.
ⴷⴻⴳ ⵜⴰⴳⴳⴰⵔⴰ, ⵉⵙⴼⵓⵍⴻⵍ ⴰⵙⴰⴷⴻⵔ ⵏ ⵙⵙⵓⵎⴰ ⵏ ⵔⵔⴻⴱⴻⵃ (taux d'intérêt) ⵉⵕⴻⵙⵙⴰⵏ ⵉ ⵓⵙⴷⴻⴳⴳⴻⵔ ⵏ ⵜⴱⴰⵏⵉⴽⵉⵏ ⵏ ⵜⵏⴻⵣⵣⵓⵜ ⴷ ⵓⵙⴻⴶⵀⴻⴷ ⵏ ⵓⵙⵙⴻⵜⵎⴻⵔ.
ⴰⵔⵏⵓ ⵖⴻⵔ
