ⵍⴻⵣⵣⴰⵢⴻⵔ ⴷ ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⵙⵙⴻⴶⵀⴻⴷⴻⵏ ⴰⵍⵍⴰⵍⴻⵏ ⵏ ⵓⵃⵔⴰⵣ ⵏ ⵓⴳⴻⵔⵔⵓⵊ ⴰⴷⴻⵍⵙⴰⵏ ⴷ ⵓⵎⴻⵏⵏⵓⵖ ⵎⴳⴰⵍ ⵓⵣⵓⵏⴻⵢ ⵏ ⵜⵉⴷⴷⴰⵙ ⵜⵉⵎⵓⵣⵢⴰⵏⵉⵏ

ⵉⵀⴻⵢⵢⴰ-ⴷ ⵓⴼⵔⴰⴳ ⵏ ⵢⵉⴷⵍⴻⵙ, ⵉⴹⴻⵍⵍⵉ ⵏ ⵙⵙⴻⴱⵜ, ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⵖⴻⴼ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵔⵉⴽⴰⵏ ⴷⴻⴳ ⵓⵏⵏⴰⵔ ⵏ ⵜⴻⵣⵔⴰⵡⵜ ⵏ ⵓⴳⴻⵔⵔⵓⵊ ⴰⴷⴻⵍⵙⴰⵏ, ⴰⵃⵔⴰⵣ-ⵉⵙ ⴷ ⵓⴽⵜⴰⴱ-ⵉⵙ, ⵙ ⵓⵜⴻⴽⴽⵉ ⵏ ⵏⴼⵉⵜ ⵏ ⵢⵉⵎⵓⵣⵣⴰⴳⴻⵏ ⴷ ⵢⵉⵎⴰⵣⵣⴰⴳⴻⵏ ⵏ ⵙⵏⴰⵜ ⵏ ⵜⵎⵓⵔⴰ.

ⵜⵉⵎⵍⵉⵍⵉⵜ-ⴰⴳⵉ ⵜⴻⵜⵜⵡⴰⵙⵓⴷⴷⴻⵙ ⵙ ⵓⵎⵙⴰⵙⴻⵢ ⴳⴰⵔ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉⵡⵉⵏ ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵙ ⵜⴷⵓⴽⵍⵉ ⴷ ⵜⴰⵎⴰⵙⵓⵏⵜ   ⵢⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴷⴻⴳ ⵍⴻⵣⵣⴰⵢⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⵉⵄⵍⴰⵢⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ.

ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ, ⵜⵉⵎⵍⵉⵍⵉⵜ-ⴰⴳⵉ ⵜⴰⵜⵉⴽⵏⵉⴽⵜ ⵜⵓⵙⴰ-ⴷ ⵉ ⵓⵙⴻⵍⴽⴻⵎ ⵏ ⵓⴹⵔⵉⵙ ⴰⵙⴰⴷⵓⴼⴰⵏ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ (MoU) ⵉ ⵜⵜⵓⵙⵜⴻⵏⵢⴰⵏ ⴳⴰⵔ ⵢⵉⵏⴰⴱⴰⴹⴻⵏ ⵏ ⵙⵏⴰⵜ ⵏ ⵜⵎⵓⵔⴰ ⵢⴻⵄⵏⴰⵏ ⴰⵣⴻⵟⵟⴻⴹ  ⵏ ⵜⵉⴷⴷⵉ ⵏ ⵢⵉⴳⴻⵔⵔⵓⵊⴻⵏ ⵉⴷⴻⵍⵙⴰⵏⴻⵏ, ⴷ ⵓⵙⴻⴶⵀⴻⴷ ⵏ ⵓⵎⴻⵏⵏⵓⵖ ⵎⴳⴰⵍ ⵜⵏⴻⵣⵣⵓⵜ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ  , ⴷ ⵓⵃⵔⴰⵣ-ⵏⵙⴻⵏ ⵙⴻⴳ ⵜⵓⴽⴻⵔⴹⴰ ⴷ ⵓⵣⵓⵏⴻⵢ ⵓⴼⴼⵉⵔ. ⴰⵢⴰⴳⵉ ⵢⴻⵎⵎⴰⵍ-ⴷ ⵜⵓⵛⵛⵉⵜ ⵜⴰⵎⴻⵣⴷⴰⵢⵜ ⵉ ⵓⵃⵔⴰⵣ ⵏ ⵜⵎⴻⴽⵜⵉ ⵏ ⵜⴰⵍⵙⴰ ⴷ ⵓⴳⴻⵔⵔⵓⵊ ⴰⴷⴻⵍⵙⴰⵏ ⴰⵎⴰⴹⵍⴰⵏ.

ⵉⵎⴰⵀⵉⵍⴻⵏ ⵏ ⵡⴰⵙⵙ-ⴰⴳⵉ ⴱⴹⴰⵏ ⵖⴻⴼ ⵙⵏⴰⵜ ⵏ ⵜⵖⵉⵎⵉⵢⵉⵏ (ⵚⵚⴱⴻⵃ ⴷ ⵜⵎⴻⴷⴷⵉⵜ), ⴰⵏⵉⴷⴰ ⵍⵍⴰⵏ-ⴷ ⵢⵉⵙⵓⵔⴰⴼ ⵏ ⵢⵉⵎⵓⵣⵣⴰⴳⴻⵏ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉ ⵓⵇⴻⵔⴷⴻⵛ ⵏ ⵡⴰⴷⴷⴰⴷ ⴰⵜⵉⴽⵏⵉⴽ ⴷ ⵓⵙⵡⵉⵔ ⵏ ⵜⴰⵡⵊⵉⴷⵉ ⵉ ⵓⵃⵔⴰⵣ ⵏ ⵢⵉⴳⴻⵔⵔⵓⵊⴻⵏ ⵉⴷⴻⵍⵙⴰⵏⴻⵏ, ⴰⵎⴰ ⴷ ⵡⵉⴷ ⵉⵕⴻⵙⵙⴰⵏ ⴷⴻⴳ ⵢⵉⵙⴰⵍⴰⵢⴻⵏ (museums) ⵏⴻⵖ ⵡⵉⴷ ⵢⴻⵍⵍⴰⵏ ⴷⴻⴳ ⵢⵉⵎⵓⴽⴰⵏ ⵏ ⵓⵎⴻⵣⵔⵓⵢ ⵉⵡⴻⵊⵄⴻⵏ ⴷⴻⴳ ⵢⴰⴽⴽ ⵜⴰⵍⵍⵉⵢⵉⵏ ⴷⴻⴳ ⵍⴻⵣⵣⴰⵢⴻⵔ ⴷ ⵎⴰⵔⵉⴽⴰⵏ.

ⵉⵎⴰⵀⵉⵍⴻⵏ ⵉⵎⴰⵙⵙⴰⵏⴻⵏ ⵣⵣⵉⵏ-ⴷ ⵖⴻⴼ ⵡⴰⵟⴰⵙ ⵏ ⵢⵉⵙⵓⴽⴰ, ⴳⴰⵔ-ⴰⵙⴻⵏ:

• ⵜⴰⵣⵔⴰⵡⵜ ⵏ ⵡⴰⵣⴰⵍ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⵜⵉⵎⴰⵢⵏⵓⵜⴻⵏ ⴷⴻⴳ ⵓⴼⵡⴰⴷ (exploration) ⵏ ⵓⴳⴻⵔⵔⵓⵊ-ⴰⴳⵉ ⴰⵎⴰⴹⵍⴰⵏ ⵓⴼⵔⵉⵏⴻⵏ ⴷⴻⴳ ⵓⵏⵥⵓⵍ ⴰⵎⴻⵇⵇⵔⴰⵏ ⵏ ⵍⴻⵣⵣⴰⵢⴻⵔ, ⴷ ⵓⵎⴰⵀⵉⵍ ⵉ ⵓⵃⵔⴰⵣ-ⵉⵙ ⵙⴻⴳ ⵢⵉⴱⴻⴷⴷⵉⵍⴻⵏ ⵏ ⵜⵉⴳⵏⴰⵡⵜ ⴷ ⵢⵉⴼⴻⵔⴷⵉⵙⴻⵏ ⵏ ⵜⴰⵍⵙⴰ.
• ⴰⵏⴰⴷⵉ ⵏ ⵜⴰⵔⵔⴰⵢⵉⵏ ⵏ ⵓⵙⵉⴷⵔⴻⵡ (integration) ⵏ ⵜⵉⴽⵏⵓⵍⵓⵊⵉⵜ ⵉⴶⴻⵀⴷⴻⵏ ⴷⴻⴳ ⵓⵙⴱⴻⴷⴷⵉ ⵏ ⵓⵣⴻⵏⵣⵉⵖ ⴰⵇⵎⵉ (digital infrastructure) ⴰⵎⴰⵢⵏⵓⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⴷⴱⴻⵔ ⴰⵃⴻⵔⵛⴰⵏ ⵏ ⵜⴻⴳⵔⴰⵎⵉⵏ ⵜⵉⵎⵓⵣⵢⴰⵏⵉⵏ.
• ⴰⵇⴻⵔⴷⴻⵛ ⵏ ⵜⴻⵎⵙⴰⵍ ⵢⴻⵄⵏⴰⵏ ⴰⵙⴻⴼⵔⴻⴽ ⵏ ⵜⴻⴳⵔⴰⵎⵉⵏ ⵏ ⵢⵉⵙⴰⵍⴰⵢⴻⵏ, ⴷ ⵓⵙⴻⴶⵀⴻⴷ ⵏ ⵓⵎⴰⵀⵉⵍ ⵏ ⵜⵎⴻⵜⵜⵉ ⵏ ⵢⵉⵙⴰⵍⴰⵢⴻⵏ, ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⵢⵉⵍⵓⴳⴰⵏ ⵏ ⵓⵣⴻⵔⴼ ⵢⴻⵄⵏⴰⵏ ⵓⵕⴰⴷ (restitution) ⵏ ⵢⵉⴳⴻⵔⵔⵓⵊⴻⵏ ⵉⴷⴻⵍⵙⴰⵏⴻⵏ ⴷ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴰⴳⵔⴻⵖⵍⴰⵏ ⵉ ⵓⵎⴻⵏⵏⵓⵖ ⵎⴳⴰⵍ ⵜⴽⴻⵔⵔⵉⵛⵉⵏ ⵢⴻⵄⵏⴰⵏ ⵜⴰⵥⵓⵔⵉ ⴷ ⵜⵏⴻⵣⵣⵓⵜ ⵏ ⵜⵉⴷⴷⴰⵙ ⴷ ⵢⵉⴷⵔⵉⵎⴻⵏ ⵏ ⵣⵉⴽ.

ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ "ⵜⵉⵎⵍⵉⵍⵉⵜ-ⴰⴳⵉ ⴷ ⴰⵙⵓⵔⵉⴼ ⵓⴼⵔⵉⵏ ⴷⴻⴳ ⵓⴱⵔⵉⴷ ⵏ ⵜⴷⵓⴽⵍⵉ ⵜⴰⵜⵉⴽⵏⵉⴽⵜ ⴷ ⵜⴰⵍⵍⴻⵍⵜ ⵜⴰⵎⴻⵣⴷⴰⵢⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⵢⴰⴽⴽ ⵢⵉⴽⴰⵢⴰⴷⴻⵏ (challenges) ⵏ ⵜⵓⵔⴰ ⵉ ⵉⵃⴻⵚⵔⴻⵏ ⴰⴳⴻⵔⵔⵓⵊ ⵏ ⵜⵖⴻⵔⵎⴰ, ⵓ ⵜⵜⴻⵍⴻⴷ ⵜⴻⵡⵡⵓⵔⴰ ⵜⵉⵎⴰⵢⵏⵓⵜⴻⵏ ⵉ ⵓⵎⵢⴻⵛⵛⴻⵔ ⵏ ⵡⴰⵏⵏⴰⵔ ⴷ ⵓⵙⵏⴻⴼⵍⵉ ⵏ ⵜⵣⴻⵎⵎⴰⵔ ⵏ ⵢⵉⵎⵉⴳⴰⵡⴻⵏ ⴷⴻⴳ ⵢⵉⵏⵏⴰⵔⴻⵏ ⵏ ⵓⴳⴻⵔⵔⵓⵊ ⴷ ⵜⵎⴰⵏⴻⴳⵜ".