ⴰⵖⵍⵉⴼ ⵏ ⵜⵏⴻⵣⵣⵓⵜ ⵏ ⵍⴱⴻⵔⵔⴰ ⴷ ⵓⵙⴱⴻⵖⵙⴻⵙ ⵏ ⵓⵙⵓⴼⴼⴻⵖ ⵏ ⵙⵙⴻⵍⵄⴰ ⵢⴻⵏⵏⴰ-ⴷ ⴱⴻⵍⵍⵉ ⵜⵓⵏⴹⴰ ⵜⵉⵙ ⵜⴰⵎⵜ ⵏ ⵓⵏⴻⴱⵔⴰⵔ ⵏ ⵙⵙⴻⵍⵄⴰⵜ ⴷ ⵢⵉⵙⴰⴼⴰⴳⴻⵏ ⵜⵉⵣⵣⴰⵢⵔⵉⵢⵉⵏ ⴰⴷ ⴷ-ⵢⵉⵍⵉ ⴷⴻⴳ ⵏⵡⴰⴽⵛⵓⵟ (ⵎⵓⵔⵉⵜⴰⵏⵢⴰ), ⵙⴻⴳ 5 ⴰⵔ 11 ⵎⴰⴳⴳⵓ 2026. ⴰⵢⴰⴳⵉ ⴷ ⴰⵢⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵓⵖⵍⵉⴼ ⴰⵙⵙ-ⴰ ⵏ ⵍⵃⴻⴷ.
ⴰⵏⴻⴱⵔⴰⵔ-ⴰⴳⵉ ⴷ ⵜⴰⵎⵍⵉⵍⵉⵜ ⵜⴰⵎⴻⵇⵇⵔⴰⵏ ⵏ ⵜⴷⴰⵎⵙⴰ ⵉ ⵢⴻⵣⴷⵉⵏ ⵉⵎⴻⵣⵏⵣⴰⵏⴻⵏ ⵏ ⵍⴻⵣⵣⴰⵢⴻⵔ ⴷ ⵡⵉⴷ ⵏ ⵎⵓⵔⵉⵜⴰⵏⵢⴰ. ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵣⵓⵏⵣⵉ (ⵛⵓⵎⵎⴻⵔⵛⴻ) ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵢⴻⵔⵏⴰ ⴰⴷ ⵙⴱⴻⵖⵙⴻⵏ ⴰⵙⵓⴼⴼⴻⵖ ⵏ ⵙⵙⴻⵍⵄⴰ ⵏ ⵜⵎⵓⵔⵜ-ⵏⵏⴻⵖ ⴷⴻⴳ ⵡⴰⵟⴰⵙ ⵏ ⵓⵃⵔⵉⵛⴻⵏ ⵏ ⵜⵉⵎⴳⵉⵏⵉⵏ ⴷ ⵢⵉⵙⴰⴼⴰⴳⴻⵏ.
ⵍⴻⵇⴷⵉⵛ-ⴰⴳⵉ ⴰⴷ ⴷ-ⵢⴰⵡⵉ ⵙⵙⴻⵍⵄⴰ ⵏ ⵡⵓⵛⵛⵉ, ⵏ ⵜⴼⴻⵍⵍⴰⵃⵜ, ⵏ ⴷⴷⵡⴰ, ⵏ ⵓⵛⴻⴱⴱⴻⵃ, ⵏ ⵍⴻⴱⵏⵉ ⴷ ⴷⴷⴻⵛⵕⴰ ⵏⵏⵉⴹⴻⵏ ⵏ ⵜⵉⵎⴳⵉⵏⵉⵏ, ⵏ ⵜⴻⵣⵎⴻⵔⵜ ⴷ ⵙⵙⵉⵢⴰⵃⴰ. ⴰⵢⴰⴳⵉ ⵢⴻⵍⵍⴰ-ⴷ ⵉⵍⵎⴻⵏⴷ ⵏ ⵍⴻⴱⵖⵉ ⵏ ⵢⵉⵎⴷⴻⴱⴱⵔⴻⵔ ⵏ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵙⵙⴰⵖⴻⵏ ⵏ ⵜⴷⴰⵎⵙⴰ ⴷ ⵜⵏⴻⵣⵣⵓⵜ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵜⴰⵏⵢⴰ.
ⴷⴻⴳ ⵓⵏⴻⴳⴳⴰⵔⵓ, ⴰⵖⵍⵉⴼ ⵉⵙⵙⴰⵡⴻⵍ ⵉ ⵢⵉⵎⴻⵣⵏⵣⴰⵏⴻⵏ ⵉ ⴱⵖⴰⵏ ⴰⴷ ⴷ-ⴽⴽⵓⵏ ⴷⴻⴳ ⵓⵏⴻⴱⵔⴰⵔ-ⴰⴳⵉ ⴰⴷ ⵊⴻⵔⴷⴻⵏ ⵉⵙⴻⵎⴰⵡⴻⵏ-ⵏⵙⴻⵏ ⴷⴻⴳ ⵓⵙⵎⴻⵍ (ⵡⴻⴱⵙⵉⵜⴻ) ⵏ ⵓⵖⵍⵉⴼ.
ⴰⵔⵏⵓ ⵖⴻⵔ
