ⵅⴻⴷⵎⴻⵏ 37 ⵏ ⵢⵉⵏⴻⵍⵎⴰⴷⴻⵏ ⵙⴻⴳ ⵓⵎⴰⵄⵀⴻⴷ ⴰⴼⵔⵉⴽⴰⵏ ⵏ ⵜⵥⵓⵔⵉⵡⵉⵏ ⵢⴻⵜⵜⵓⵙⵙⴻⵏⵙⴻⵏ ⵏ ⵙⵉⵏⵉⴳⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵉⵔⵣⵉ ⵏ ⵜⵎⵓⵖⵍⵉ ⵖⴻⵔ ⵓⴱⵉⵕⵓ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ (ⴰⵒⵏ), ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵢⵉⵡⴻⵜ ⵏ ⵜⴻⴳⵔⵓⵎⵎⴰ ⵏ ⵢⵉⵏⴻⵍⵎⴰⴷⴻⵏ ⵏ ⵓⵎⴰⵄⵀⴻⴷ-ⴰⴳⵉ, ⵉ ⵉⵕⴻⵙⵙⴰⵏ ⴷⴻⴳ ⵜⴰⵎⴰⵏⴰⵖⵜ ⵏ ⵙⵉⵏⵉⴳⴰⵍ "ⴷⴰⴽⴰⵔ", ⵅⴻⴷⵎⴻⵏ ⵜⵉⵔⵣⵉ-ⴰⴳⵉ ⵖⴻⵔ ⵓⴱⵉⵕⵓ ⵏ ⵓⵙⵇⴰⵎⵓ. ⵜⴰⵔⴱⴰⵄⵜ-ⴰⴳⵉ ⴷⴻⴳ-ⵙ 37 ⵏ ⵢⵉⵏⴻⵍⵎⴰⴷⴻⵏ ⴷⴻⴳ ⵓⵏⵏⴰⵔ ⵏ ⵜⵀⴰⵏⴷⴻⵙⵜ ⵏ ⵍⴻⴱⵏⵉ (architecture), ⴰⵎⵓⵔ ⴰⵎⴻⵇⵇⵔⴰⵏ ⴷⴻⴳ-ⵙⴻⵏ ⴽⴽⴰⵏ-ⴷ ⵙⴻⴳ ⵜⵎⵓⵔⴰ ⵏ ⵓⵎⴰⵍⵓ ⵏ ⵜⴻⴼⵔⵉⵇⵜ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴽⵓⵣ (04) ⵏ ⵢⵉⵙⵉⵍⴻⵖⴻⵏ.
ⴷⴻⴳ ⵜⴰⵍⵍⵉⵜ ⵏ ⵜⵉⵔⵣⵉ-ⴰⴳⵉ, ⵜⴰⵔⴱⴰⵄⵜ-ⴰⴳⵉ ⵉ ⴷⴻⴳ ⵍⵍⴰⵏ ⵢⵉⵏⴻⵍⵎⴰⴷⴻⵏ ⵙⴻⴳ ⵍⴻⵣⵣⴰⵢⴻⵔ, ⵙⵉⵏⵉⴳⴰⵍ, ⵎⴰⵍⵉ, ⴳⵉⵏⵢⴰ, ⴽⴰⵎⵉⵔⵓⵏ, ⴳⴰⴱⵓⵏ, ⴱⵏⵉⵏ, ⴰⴳⴰⴷⴻⵔ ⴰⵣⴻⴳⵣⴰⵡ ⴷ ⵜⵛⴰⴷ, ⴷⴷⴰⵏ ⴷⴻⴳ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⴷ ⵜⵣⴻⵖⵡⴰ ⵏ ⵓⵙⵇⴰⵎⵓ, ⴰⵎ ⵜⴻⵅⵅⴰⵎⵜ ⵏ ⵜⵖⵉⵎⵉⵢⵉⵏ (salle des séances). ⴷⵉⵏⵏⴰ, ⵓⵡⵢⴻⵏ-ⴷ ⵉⵙⴻⴳⵣⴰⵢⴻⵏ ⵖⴻⴼ ⵜⵀⴰⵏⴷⴻⵙⵜ ⵏ ⵓⵅⵅⴰⵎ-ⵏⵏⵉ, ⵡⴰⵍⵍⴰⵍⴻⵏ-ⵉⵙ ⴷ ⵡⴰⵎⴻⴽ ⵉ ⵉⵜⴻⴷⴷⵓ ⵓⵎⴰⵀⵉⵍ ⴷⴻⴳ-ⵙ. ⴷⴻⴳ ⵜⴰⴳⴳⴰⵔⴰ, ⵙⵙⴻⵔⵙⴻⵏ-ⴷ ⵢⵉⵡⴻⵜ ⵏ ⵜⵎⵓⵖⵍⵉ ⵜⴰⵎⴻⵣⴷⴰⵢⵜ (photo) ⵉⵡⴰⴽⴽⴻⵏ ⴰⴷ ⴷ-ⵙⵎⴻⴽⵜⵉⵏ ⵜⵉⴳⵏⵉⵜ-ⴰⴳⵉ ⵓⴼⵔⵉⵏⴻⵏ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⴰⵔⵏⵓ ⵖⴻⵔ
