ⵔⵣⴰⵏ ⵓⴳⴰⵔ ⵏ 41 ⵏ ⵢⵉⴳⵉⵎⴰⵏ ⵏ ⵢⵉⵎⴰⵃⴞⴰⵢⴻⵏ ⵍⴻⵣⵣⴰⵢⵔⵉⵢⴻⵏ, ⵚⴱⴻⵃ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵙⴻⴳ ⵎⴻⴽⴽⴰ ⵜⴰⵎⵓⵇⵔⴰⵏⵜ ⵖⴻⵔ ⵡⴰⴷⵔⴰⵔ ⵏ 'ⵄⴰⵔⴰⴼⴰⵜ', ⵉⵡⴰⴽⴽⴻⵏ ⴰⴷ ⴱⴷⵓⵏ ⵉⵎⴻⵏⵙⵉⵡⴻⵏ ⵉⵎⴻⵇⵇⵔⴰⵏⴻⵏ ⵏ ⵜⴰⵍⵍⵉⵜ ⵏ ⵍⵃⵉⴞ 1447ⵀ/2026, ⵙ ⵓⵙⵓⴷⴷⴻⵙ ⵉⵍⴰⵏ ⴷⴷⵉⵇⴰ ⴷ ⵓⵙⴰⵍⴻⵍ ⵏ ⵢⵉⵎⴰⵙⵍⴰⵢⴻⵏ ⵏ ⵜⵙⴻⴷⵎⵉⵔⵜ ⵏ ⵍⴻⵣⵣⴰⵢⴻⵔ ⵏ ⵍⵃⵉⴞ.
ⵜⵙⴻⴷⵎⵉⵔⵜ ⵏ ⵍⴻⵣⵣⴰⵢⴻⵔ ⵏ ⵍⵃⵉⴞ ⵜⴻⵙⵙⴻⵇⴷⴻⵛ ⴰⴽⴽ ⵜⵉⵣⵎⴻⵔⵜ ⵏ ⵢⵉⵎⴷⴰⵏⴻⵏ ⴷ ⵜⴼⴻⴽⵡⵉⵏ (ⵍⵓⴳⵉⵙⵜⵉⵇⵓⴻ) ⵉ ⵓⴹⵎⴰⵏ ⵏ ⵜⵓⵣⵣⵢⴰ ⵏ ⵢⵉⵎⴰⵃⴞⴰⵢⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵜⵉⴳⵏⴰⵜⵉⵏ ⵢⴻⵍⵀⴰⵏ ⵖⴻⵔ ⵢⵉⵎⵓⴽⴰⵏ ⵉⵇⴻⴷⵙⴻⵏ, ⵉⵍⵎⴻⵏⴷ ⵏ ⵡⴰⵀⵉⵍ ⵉ ⴷ-ⵢⴻⵜⵜⵡⴰⵃⴻⴷⴷⴻⵏ ⵙ ⴷⴷⴰⵡ ⵏ ⵜⵙⴻⴷⵎⵉⵔⵜ ⵏ ⵜⵃⵉⴷⴻⵔⵜ ⵜⴰⵖⴰⵔⵉⵎⵜ. ⵀⴻⵀⵀⴰⵏ-ⴷ ⵓⴳⴰⵔ ⵏ 800 ⵏ ⵢⵉⵙⴰⵍⵍⴰⵍⴻⵏ (ⴱⵓⵙ), ⴰⴽⴽⴻⴷ ⵓⵃⵔⴰⵣ ⵏ ⵢⵉⵎⴰⵙⵍⴰⵢⴻⵏ ⵏ ⵜⵙⴻⴷⵎⵉⵔⵜ ⵉ ⵓⵙⴰⵍⴻⵍ ⵏ ⵢⵉⵎⴰⵃⵊⴰⵢⴻⵏ ⴷⴻⴳ ⵢⴰⵍ ⵜⴰⴳⵏⵉⵜ.
ⴰⵎⴻⵀⵍⴰⵏ ⵏ ⵜⵓⴽⴽⵙⴰ ⵏ ⵢⵉⵎⴰⵃⴞⴰⵢⴻⵏ ⵢⴻⵍⵍⴰ-ⴷ ⵙⴻⴳ 55 ⵏ ⵢⵉⵙⵓⵏⵏⵉⵢⴻⵏ (ⵀⵓⵜⴻⵍⵙ) ⵏ ⵎⴻⴽⴽⴰ ⵖⴻⵔ 'ⵄⴰⵔⴰⴼⴰⵜ' ⵉⵍⵎⴻⵏⴷ ⵏ ⵡⴰⵀⵉⵍ ⵉ ⴷ-ⵢⴻⵜⵜⵡⴰⵃⴻⴷⴷⴻⵏ, ⵙ ⵓⵇⴰⴷⴻⵔ ⵏ ⵢⵉⵙⵡⵉⵔⴻⵏ ⵏ ⵜⵃⵉⴷⴻⵔⵜ ⴷ ⵓⵙⵓⴷⴷⴻⵙ, ⵙ ⵓⵏⵢⵓⴷⴷⵓ ⴰⴽⴽⴻⴷ ⵜⵙⵓⴷⴰ ⵏ ⵜⵎⵓⵔⵜ ⵏ ⵙⴰⵄⵓⴷⵉⵢⴰ.
ⵜⵙⴻⴷⵎⵉⵔⵜ ⵜⴳⴻⵔ ⵍⴱⴰⵍ-ⵉⵙ ⵍⴰⴷⵖⴰ ⵖⴻⵔ ⵡⵉⴷ ⵉⵡⵡⴹⴻⵏ ⴷⴻⴳ ⵍⴻⵄⵎⴻⵔ ⴷ ⵡⵉⴷ ⵉⵍⴰⵏ ⵉⵄⵡⵉⵇⴻⵏ, ⵙ ⵓⴹⵎⴰⵏ ⵏ ⵓⵙⴰⵍⴻⵍ ⵏ ⵡⴰⵏⵏⴰⵔ ⴷ ⵡⴰⵍⵍⴰⵍⴻⵏ ⵏ ⵓⵙⴰⵍⵍⴰⵍ ⵉ ⵎⵄⵏⵉⵢⴻⵏ, ⴰⴽⴽⴻⴷ ⵓⵀⴻⴳⴳⵉ ⵏ ⵜⵉⵔⴻⴱⴱⴰⵄ ⵜⵉⴳⵎⴰⵜⵉⵏ (ⵎⴻⴷⵉⵛⴰⵍ ⵜⴻⴰⵎⵙ) ⵉⵡⴰⴽⴽⴻⵏ ⴰⴷ ⴼⴼⵔⵓⵏ ⵉⵎⴻⵏⵙⵉⵡⴻⵏ-ⵏⵙⴻⵏ ⴷⴻⴳ ⵜⵉⴳⵏⴰⵜⵉⵏ ⵢⴻⵍⵀⴰⵏ.
ⵍⵯⴻⵀⴷ ⵏ ⵢⵉⵎⴻⵥⵍⴰ ⵏ ⵜⵙⴻⴷⵎⵉⵔⵜ ⵏ ⵍⴻⵣⵣⴰⵢⴻⵔ ⵏ ⵍⵃⵉⵊ ⴷⴻⴳ ⵎⴻⴽⴽⴰ ⴰⴷ ⵉⴽⴻⵎⵎⴻⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⵔⴰⵣ ⵏ ⵢⵉⵎⴰⵃⴞⴰⵢⴻⵏ ⵍⴻⵣⵣⴰⵢⵔⵉⵢⴻⵏ ⴰⵔ ⴷ-ⴰⵡⴹⴻⵏ ⴰⵔ ⵜⴰⴳⴳⴰⵔⴰ ⵏ ⵢⵉⵎⴻⵏⵙⵉⵡⴻⵏ-ⵏⵙⴻⵏ ⵢⴻⵔⵏⴰ ⴰⴷ ⴷ-ⵓⵖⴰⵍⴻⵏ ⵖⴻⵔ ⵜⵎⵓⵔⵜ.
ⴰⵔⵏⵓ ⵖⴻⵔ
