ⵜⴻⵙⵙⴻⵍⵡⵉ ⵓⵙⴻⵍⵡⴰⵢⵜ ⵏ ⵜⴰⵙⵓⵍⵟⴰⵏⵜ ⵜⵓⵏⵏⵉⴳⵜ ⵏ ⵜⵉⴼⴰⴼⴼⴻⵜ, ⴰⵃⵔⴰⵣ ⴷ ⵓⵎⴻⵏⵏⵓⵖ ⵎⴳⴰⵍ ⵜⵓⴽⴻⵔⴹⴰ, ⵎⴰⵙⵙⴰ ⵙⴰⵍⵉⵎⴰ ⵎⴻⵙⵔⴰⵜⵉ, ⴰⴳⵔⴰⵡ ⵏ ⵓⵙⵇⴰⵎⵓ ⵏ ⵜⵙⵓⵍⵟⴰⵏⵜ ⴷⴻⴳ ⵜⴰⵍⵍⵉⵜ-ⵉⵙ ⵜⴰⵎⴰⴳⵏⵓⵜ ⵜⴰⵎⴻⵏⵣⵓⵜ ⵏ ⵓⵙⴻⴳⴳⴰⵙ 2026. ⴷⴻⴳ ⵡⴰⴳⵔⴰⵡ-ⴰⴳⵉ, ⵙⵇⴻⵔⴷⵛⴻⵏ ⴰⵟⴰⵙ ⵏ ⵢⵉⵙⴻⵏⵜⴰⵍ (ⴷⵓⵙⵙⵉⴻⵔⵙ), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵡⴰⵙⵙ-ⴰ ⵏ ⵜⵍⴰⵜⴰ ⵏ ⵜⵙⵓⴷⴰ-ⴰⴳⵉ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ "ⵉⵍⵎⴻⵏⴷ ⵏ ⵢⵉⵎⴰⴳⵔⴰⴷⴻⵏ 29 ⴷ 31 ⵏ ⵍⵇⴰⵏⵓⵏ ⵓⵟⵟⵓⵏ 22-08, ⵉ ⵢⴻⵇⵇⵏⴻⵏ ⵖⴻⵔ ⵓⵙⵓⴷⴷⴻⵙ ⵏ ⵜⴰⵙⵓⵍⵟⴰⵏⵜ ⵜⵓⵏⵏⵉⴳⵜ ⵏ ⵜⵉⴼⴰⴼⴼⴻⵜ ⴷ ⵓⵃⵔⴰⵣ ⵎⴳⴰⵍ ⵜⵓⴽⴻⵔⴹⴰ, ⵎⴰⵙⵙⴰ ⵎⴻⵙⵔⴰⵜⵉ ⵜⴻⵙⵙⴻⵍⵡⵉ ⴰⵙⵙ ⵏ ⵜⵏⴰⵢⴻⵏ ⵉⵄⴻⴷⴷⴰⵏ ⴰⴳⵔⴰⵡ ⵏ ⵓⵙⵇⴰⵎⵓ ⵏ ⵜⵙⵓⵍⵟⴰⵏⵜ ⴷⴻⴳ ⵜⴰⵍⵍⵉⵜ-ⵉⵙ ⵜⴰⵎⴰⴳⵏⵓⵜ ⵜⴰⵎⴻⵏⵣⵓⵜ ⵏ 2026".
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, "ⵙⴻⴽⵍⴻⵏ-ⴷ ⴰⴳⵎⵓⴹ ⵏ ⵢⵉⵙⴰⵍⵉⵢⴻⵏ ⵏ ⵓⵅⵓⴱⴱⴻⵕ (ⵙⵉⴳⵏⴰⵍⴻⵎⴻⵏⵜⵙ) ⵏ ⴽⵔⴰⴹ-ⴰⴳⴳⵓⵔ ⴰⵎⴻⵏⵣⵓ (ⵃⵔⴻⵎⵉⴻⵔ ⵜⵔⵉⵎⴻⵙⵜⵔⴻ) ⵏ ⵓⵙⴻⴳⴳⴰⵙ 2026. ⴰⴽⴽⴻⵏ ⴷⴰⵖⴻⵏ ⵉ ⴷ-ⵙⵇⴻⵔⴷⵛⴻⵏ, ⵉⵍⵎⴻⵏⴷ ⵏ ⵍⵇⴰⵏⵓⵏ, ⵉⴼⴰⵢⵍⵢⴻⵏ ⵉ ⴷⴻⴳ ⵢⴻⵣⵎⴻⵔ ⴰⴷ ⴷ-ⵜⴻⵜⵜⵡⴰⴼⴰⵙ ⵜⵓⴽⴻⵔⴹⴰ; ⴷⴰⴳⵉ ⵎⵎⴻⵙⵍⴰⵢⴻⵏ ⵢⴻⵔⵏⴰ ⵙⵇⴻⵔⴷⵛⴻⵏ 27 ⵏ ⵢⵉⴼⴰⵢⵍⵢⴻⵏ".
ⴷⴻⴳ ⵡⴰⵏⵏⴰⵔ-ⴰⴳⵉ, "ⵙⴻⴽⵍⴻⵏ-ⴷ ⵜⴰⵔⵔⴰⵢⵜ ⵏ ⵓⵙⵓⴷⴷⴻⵙ ⴷ ⵢⵉⴳⴻⵞⴷⵉⵢⴻⵏ ⵏ ⵓⵙⴻⵏⴼⴰⵔ ⵏ ⵓⵙⴰⵍⵉ ⵏ ⵓⵙⴻⴳⴳⴰⵙ 2025, ⴰⴽⴽⴻⴷ ⵓⵙⴻⵏⴼⴰⵔ ⴰⵎⴻⵏⵣⵓ ⵏ ⵓⴹⵔⵉⵙ ⵏ ⵍⵍⵙⴰⵙ ⵉ ⴷ-ⵉⵙⴱⴰⴷⵓⵏ ⵉⵏⴰⴳⵔⴰⵡⴻⵏ ⵏ ⵜⵉⴼⴰⴼⴼⴻⵜ ⴷ ⵓⵃⵔⴰ ⵎⴳⴰⵍ ⵜⵓⴽⴻⵔⴹⴰ ⵉⵍⵎⴻⵏⴷ ⵏ ⵓⵎⴰⴳⵔⴰⴷ 7 ⵏ ⵍⵇⴰⵏⵓⵏ 22-08, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⴷⴻⴳ-ⵙ ⵓⴷⵉⵡⴻⵏ ⴷ ⵓⵙⴻⴼⵔⴰⵣ", ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ-ⵏⵏⵉ.
ⴰⵔⵏⵓ ⵖⴻⵔ
