ⵜⴰⵎⵔⴰⵏⵜ ⵜⵓⵍⵓⵎⴱⵉⵜ ⵜⴰⵍⴻⵣⵣⴰⵢⵔⵉⵜ ⴿⴰⵢⵍⵉⴰ ⵏⴻⵎⵓⵔ, ⵜⴻⵡⵡⵉ-ⴷ ⴰⵙⵙ-ⴰ ⵏ ⵓⵜⵍⴰⵜⴰ ⵜⴰⵙⵎⵖⵓⵔⵜ ⵏ ⵡⵓⵔⴰⵖ (Médaille d’or) ⴷⴻⴳ ⵜⵉⵎⵙⵉⵣⵍⴻⵏⵜ ⵏ ⵍⴶⵉⵎⵏⴰⵙⵜⵉⴽ (ⴼⴻⵔⴷⵉ ⴰⵎⴰⵜⵓ), ⴷⴻⴳ ⵓⵔⴰⵔⴻⵏ ⵏ ⵢⵉⵍⵍ ⴰⵎⴻⵍⵍⴰⵢ ⴰⵏⴰⵎⵎⴰⵙ ⵉ ⵢⴻⵜⵜⴻⴷⴷⵓⵏ ⴷⴻⴳ ⵜⵎⴰⵏⴻⵖⵜ ⵏ ⵜⴰⵔⴰⵏⵜⵓ ⴷⵉ ⵍ-ⵉⵟⴰⵍ.
ⴿⴰⵢⵍⵉⴰ ⵏⴻⵎⵓⵔ ⵜⴻⵣⵡⴰⵔ-ⴷ ⵙ 57.750 ⵏ ⵜⵇⵉⴹⵉⵏ, ⵜⴻⴼⴼⴻⵖ ⵣⴷⴰⵜ ⵏ ⵜⵙⴱⴰⵏⵢⵓⵍⵉⵜ ⴰⵍⴱⴰ ⴱⵉⵜⵉⵙⴿⵓ (ⵉ ⵜⴻⵡⵡⵉⵏ ⵍⴼⴻⴹⴹⴰ ⵙ 52.850) ⴷ ⵜⵉⵟⴰⵍⵢⴰⵏⵉⵜ ⵚⵓⴼⵉⴰ ⵜⵓⵏⴻⵍⵍⵉ (ⵉ ⵜⴻⵡⵡⵉⵏ ⵍⴱⵔⵓⵏⵣ ⵙ 51.650).
ⵜⴰⵎⵔⴰⵏⵜ-ⵏⵏⴻⵖ ⵜⴻⵅⴷⴻⵎ ⴰⵎⴰⵀⵉⵍ ⵢⴻⵍⵔⴰⵏ ⴷⴻⴳ ⴽⵓⵥ (4) ⵏ ⵢⵉⵎⴰⵙⵙⴻⵏ:
- 13.800 ⵏ ⵜⵇⵉⴹⵉⵏ ⴷⴻⴳ ⵓⵙⴻⵔⴷⵓⵏ ⵏ ⵓⵏⴻⴳⴳⵉⵣ (Vault).
- 15.650 ⵏ ⵜⵇⵉⴹⵉⵏ ⴷⴻⴳ ⵢⵉⵄⴻⵎⵓⴷⴻⵏ ⵢⴻⵎⴳⴻⵔⵔⴰⴷⴻⵏ (Uneven bars).
- 14.700 ⵏ ⵜⵇⵉⴹⵉⵏ ⴷⴻⴳ ⵓⵄⴻⵎⵓⴷ ⵏ ⵓⵙⵡⵉⵔ (Balance beam).
- 13.600 ⵏ ⵜⵇⵉⴹⵉⵏ ⴷⴻⴳ ⵓⵎⴰⵀⵉⵍ ⵏ ⵍⵇⴰⵄⴰ (Floor).
ⵙ ⵢⵉⴷⵉⵙ-ⵉⵙ, ⵜⴰⵍⴻⵣⵣⴰⵢⵔⵉⵜ ⵏⵏⵉⴹⴻⵏ ⴶⴰⵏⴰ ⵍⵄⵔⵓⵢ ⵜⴻⴼⴼⴻⵖ-ⴷ ⴷ ⵜⵉⵙ ⵚⴰ (7) ⵙ 50.600 ⵏ ⵜⵇⵉⴹⵉⵏ ⵎⴻⵕⵕⴰ.
ⵜⴰⵙⵎⵖⵓⵔⵜ-ⴰⴳⵉ ⵏ ⵡⵓⵔⴰⵖ ⴷ ⵜⵉⵙ ⵅⴻⵎⵙⴰ (5) ⵉ ⵜⵎⵓⵔⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵔⴰⵔⴻⵏ-ⴰⴳⵉ, ⵙⴻⴳ ⵡⴰⵢⵢⵓ ⵏ ⵄⴰⴱⴷⴻⵍⴿⵔⵉⵎ ⴼⴻⵔⴶⴰⵜ (ⵍⵎⵓⵚⴰⵔⴰⵄⴰ), ⴷⵔⵉⵙ ⵎⴻⵙⵄⵓⴷ (ⵍⴶⵓⴷⵓ), ⴶⴰⵎⴰⵍ ⵙⴻⴶⴰⵜⵉ ( العاب القوى 800 ⵎⵉⵜⴻⵔ), ⴰⴽⴽⴻⴷ ⵜⴰⵔⴱⴰⵄⵜ ⵏ ⴷⴷⴰⴱⴻⵅ ⵏ ⵓⴹⴰⵔ (ⴷⴷⵓ 21 ⵢⵉⵙⴻⴳⴳⴰⵙⴻⵏ).
ⴰⵔⵏⵓ ⵖⴻⵔ
