ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴷⵔ. ⵎⵓⵀⴰⵎⴻⴷ ⵙⴻⵖⵉⵔ ⵙⴰⵄⴷⴰⵓⵓⵉ, ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵡⴰⵎⵎⴰⵙ ⵏ ⵜⵏⴻⵖⵍⴰⴼⵜ ⴷⴻⴳ ⴻⵍ ⵎⵓⵓⵔⴰⴷⵉⴰ, ⴰⵙⵜⴻⵇⴱⴻⵍ ⵏ ⵢⵉⵏⴻⵍⵎⴰⴷⴻⵏ ⵉ ⴷ-ⵢⴻⵡⵡⵉⵏ ⵜⵉⵙⴽⵉⵔⵉⵏ ⴷⴻⴳ ⵡⴰⵍⴰⵎⵀⵢⴰⴷ ⵏ ⵜⴻⴼريⵇⵜ ⵏ ⵜⵎⵓⵙⵏⵉ ⵜⴰⵙⵏⵓⵍⴼⴰⵏⵜ (ⵉⵏⵜⴻⵍⵍⵉⴳⴻⵏⵛⴻ ⴰⵔⵜⵉⴼⵉⵛⵉⴻⵍⵍⴻ), ⵉ ⴷ-ⵢⴻⵍⵍⴰⵏ ⴷⴻⴳ ⵜⵓⵏⴻⵙ ⴰⵙⵙ ⵏ 11 ⴷ 12 ⵢⴻⴱⵔⵉⵔ 2026.
ⴰⵀⴻⵢⵢⵓⵍ ⴰⵖⴻⵍⵏⴰⵡ ⵉ ⴷ-ⵢⵓⴼⵔⴰⵔⴻⵏ ⵍⵎⴻⵏⵜ-ⴷ ⵉⵏⴻⵍⵎⴰⴷⴻⵏ: ⴱⵓⵓⴰⴱⴷⴻⵍⵍⴰⵀ ⵔⵓⵙⵜⵓⵎ ⵎⵓⵀⴰⵎⴻⴷ ⴽⴰⵎⴰⵍ ⴷ ⴽⵀⴻⵍⵉⴼⵉ ⵎⵓⵀⴰⵎⴻⴷ ⴰⵍⴰⴰ ⴻⴷⴷⵉⵏⴻ, ⵙⴻⴳ ⵜⴰⵏⴰⵡⵉⵜ ⵏ ⵜⵓⵙⵏⴰⴽⵜ ⵎⵓⵀⴰⵏⴷ ⵎⵓⴽⵀⴱⵉ (ⵍⴻⵣⵣⴰⵢⴻⵔ), ⴰⴽⴽⴻⴷ ⵓⵏⴻⵍⵎⴰⴷ ⴱⵓⵓⵔⵉⵛⵀⴰ ⵙⵓⴼⵉⴰⵏⴻ ⵙⴻⴳ ⵜⴰⵏⴰⵡⵉⵜ ⵓⵓⴷⵏⵉ ⵓⵎⴰⵔ ⵏ ⴷⵔⴰⴰ ⴻⵍ ⵎⵉⵣⴰⵏ (ⵜⵡⵉⵍⴰⵢⵜ ⵏ ⵜⵉⵣⵉ ⵓⵓⵣⵓ), ⴷ ⵜⵏⴻⵍⵎⴰⴷⵜ ⵏⴻⵙⵔⵉⵏⴻ ⵎⴻⴰⵣⵓⵓⵣ ⵙⴻⴳ ⵜⴰⵏⴰⵡⵉⵜ ⵏ ⵜⵓⵙⵏⴰⴽⵜ ⵎⵓⵀⴰⵏⴷ ⵎⵓⴽⵀⴱⵉ.
ⴰⵀⴻⵢⵢⵓⵍ-ⴰⴳⵉ ⵉⵡⵡⵉ-ⴷ ⴰⵣⴰⵍ ⴰⵎⴻⵇⵇⵔⴰⵏ ⵙ 4 ⵏ ⵜⵉⵙⴽⵉⵔⵉⵏ: ⵙⵏⴰⵜ ⵏ ⴷⴷⵀⴻⴱ ⴷ ⵙⵏⴰⵜ ⵏ ⵍⴼⴻⴹⴹⴰ, ⵢⴻⵔⵏⴰ ⵡⵡⴹⴻⵏ ⴰⵔ ⵓⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵜⴻⴼⵔⵉⵇⵜ. ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⴰⵎⴽⴰⵏ ⵓⵏⵏⵉⴳ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵏⵏⴰⵔ ⵏ ⵜⵎⵓⵙⵏⵉ ⵜⴰⵙⵏⵓⵍⴼⴰⵏⵜ ⴷⴻⴳ ⵜⴻⴼⵔⵉⵇⵜ ⴽⴰⵎⴻⵍ.
ⴷⴻⴳ ⵡⴰⴳⵔⴰⵡ-ⴰⴳⵉ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⵉⵙⴱⴻⴳⴳⴻⵏ-ⴷ ⴰⵣⴰⵍ ⵉ ⴷ-ⵜⴻⴼⴽⴰ ⴷⴷⵓⵍⴰ, ⵙ ⴷⴷⴰⵡ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵢⵉⵏⴻⵍⵎⴰⴷⴻⵏ ⵉ ⴷ-ⵢⵓⴼⵔⴰⵔⴻⵏ ⴷⴻⴳ ⵡⴰⵏⵏⴰⵔ ⵏ ⵜⵓⵙⵙⵏⴰ ⴷ ⵜⴻⴽⵏⵓⵍⵓⵞⵉⵜ. ⵢⴻⵔⵏⴰ-ⴷ ⴱⴻⵍⵍⵉ ⴰⵢⴰⴳⵉ ⵢⴻⵜⵜⴻⴽⴽⵉ ⴷⴻⴳ ⵜⴰⵔⵔⴰⵢⵜ ⵏ ⵓⵙⴻⵏⵜⴻⵎ ⴷⴻⴳ ⵓⴳⴻⵔⵔⵓⵞ ⵏ ⵡⴻⵎⴷⴰⵏ ⵉ ⵓⴹⵎⴰⵏ ⵏ ⵓⵏⴻⴳⵎⵓ ⵢⴻⵜⵜⵉⴷⵉⵔⴻⵏ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴰⴷ ⵜⴽⴻⵎⵎⴻⵍ ⵍⴻⵇⴷⵉⵛ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵎⵓⴷⴷ ⵜⴰⵍⵍⴻⵍⵜ ⴷ ⵡⴰⵍⵍⴰⵍⴻⵏ ⵉⵍⴰⵇⴻⵏ ⵉ ⵓⵃⵔⴰⵣ ⵏ ⵜⵣⴻⵎⵎⴰⵔ ⵏ ⵢⵉⵏⴻⵍⵎⴰⴷⴻⵏ ⴷⴰⵦⴻⵍ ⵏ ⵢⴻⵖⵔⴱⴰⵣⴻⵏ, ⵉⵡⴰⴽⴽⴻⵏ ⴰⴷ ⴷ-ⴼⴼⵖⴻⵏ ⵢⵉⵎⵓⵙⵙⵏⴰⵡⴻⵏ ⴰⵔⴰ ⴷ-ⵉⵎⵓⴷⴷⴻⵏ ⵓⴷⴻⵎ ⵏ ⵚⵚⴻⵃ ⵉ ⵍⴻⵣⵣⴰⵢⴻⵔ ⴷⴻⴳ ⴷⴷⵓⵏⵉⵜ ⴽⴰⵎⴻⵍ.
ⴰⵏⴻⵖⵍⴰⴼ ⵢⴻⵙⴼⵓⴽⴽⴻⵍ ⴷⴰⵖⴻⵏ ⴰⵣⴰⵍ ⵏ ⵢⵉⵙⴻⵍⵎⴰⴷⴻⵏ ⴷ ⵢⵉⵎⴷⴻⴱⴱⵔⴻⵜ ⴷⴻⴳ ⵓⴹⴼⴻⵔ ⵏ ⵢⵉⵏⴻⵍⵎⴰⴷⴻⵏ-ⴰⴳⵉ, ⴷ ⵓⴹⵎⴰⵏ ⵏ ⵜⴰⵍⵍⴻⵍⵜ ⵏ ⵢⵉⵎⴰⵡⵍⴰⵏ ⵉ ⵢⴻⵍⵍⴰⵏ ⴷ ⵍⵍⵙⴰⵙ ⵏ ⵓⵙⵓⵏⵏⴻⴼ ⴷⴻⴳ ⵢⴻⵖⵔⴱⴰⵣⴻⵏ.
ⴰⵔⵏⵓ ⵖⴻⵔ
