ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴰⵙⵙ-ⴰ ⵏ ⵜⵜⵍⴰⵜⴰ ⵉ ⵎⴰⵙⵙ ⵉⴳⵓⵔ ⵍⴻⵠⵉⵜⵉⵏ, ⴰⵎⵙⵉⵡⴻⵍ ⴷ ⵓⵎⴰⵣⴰⵏ ⵓⴼⵔⵉⵏ ⵏ ⵓⵙⴻⵍⵡⴰⵢ ⵏ ⵔⵓⵙⵢⴰ ⵜⴰⴼⵉⵍⵉⴷⵉⵔⴰⵍⵉⵜ ⵉ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ. ⴰⵎⴻⴳⴳⴰⵔⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ ⵙ ⵓⵇⴻⵔⵔⵓ ⵏ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵓⵙⵡⵉⵔ ⵉⵄⵍⴰⵢⴻⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⴰⵔⴱⴰⵄⵜ ⵏ ⵔⵓⵙⵢⴰ ⴷⴻⴳ-ⵙ ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵎⵙⴻⵜⵎⴰⵔⴻⵏ ⵔⵓⵙⵢⴰ-ⵍⴻⵣⵣⴰⵢⴻⵔ, ⴰⵎⵙⵉⵡⴻⵍ ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ ⵏ ⵔⵓⵙⵢⴰ ⴷ ⵓⵎⵙⴻⴳⵍⴰⵡⴰⵢ ⵡⵉⵙ ⵙⵉⵏ ⵏ ⵢⵉⵡⴻⵏ ⵏ ⵓⵎⵓⵍⵍⵉ ⵏ ⵔⵓⵙⵢⴰ ⵉⵎⴰⵣⵣⴰⴳⴻⵏ ⴷⴻⴳ ⵓⵣⵓⵏⴻⵢ ⴷ ⵓⵍⵓⵊⵉⵢⵙⵜⵉⴽ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵓⵎⴰⵙⵓⵏ ⵏ ⵔⵓⵙⵢⴰ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⴰⵍⴻⵅⴻⵢ ⵙⵓⵍⵓⵎⴰⵜⵉⵏ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ. ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵙⵉⵏ ⵏ ⵢⵉⴽⵓⴱⴰⵔ ⵙⵏⴻⴽⴷⴻⵏ ⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ , ⴰⵏⵉⴷⴰ ⵙⴻⵀⵔⴻⵙⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉ, ⵍⴰⴷⵖⴰ ⴷⴻⴳ ⵓⵣⵓⵏⴻⵢ ⵏ ⵢⵉⵍⵍⴻⵍ, ⵏ ⵓⵙⴰⴼⴰⴳ ⴷ ⵡⵉⵏ ⵏ ⵙⵙⴻⴽⴽⴰ ⵏ ⵓⵣⵣⴰⵍ.
ⵢⴻⵔⵏⴰ-ⴷ ⵓⵙⵉⵡⴹ ⴱⴻⵍⵍⵉ ⴰⵏⴻⵖⵍⴰⴼ ⵉⵙⵙⴻⴼⵀⴻⵎ-ⴷ ⵜⵉⵣⴻⵎⵎⴰⵔ ⵉⵎⴻⵇⵇⵔⴰⵏⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵣⵓⵏⴻⵢ ⵏ ⵢⵉⵍⵍⴻⵍ, ⵍⴰⴷⵖⴰ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵏ ⵢⵉⵙⴰⴳⵏⴻⵏ ⵉ ⵉⵜⴻⴷⴷⵓⵏ ⴷⴻⴳ ⵓⴱⵔⵉⴷ ⵏ ⵓⵙⵎⴰⵢⵏⵓⵜ ⴰⵎⴰⵜⵓ. ⵉⵙⵙⴻⴼⵀⴻⵎ-ⴷ ⴷⴰⵖⴻⵏ ⵜⴰⵎⵓⵙⵏⵉ ⵜⴰⵣⵣⴰⵢⵔⵉⵜ ⴷⴻⴳ ⵓⵏⵏⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ, ⴰⵎ ⵓⴱⵔⵉⴷ ⵏ ⵜⵉⵏⴷⵓⴼ–ⴱⴻⵛⵛⴰⵔ–ⵡⴰⵀⵔⴰⵏ, ⴷ ⵓⵣⴰⴳ ⵏ ⵓⵖⵍⴰⴷ ⵏ ⵓⴳⵎⵓⴹ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵙⴻⵏⴼⴰⵔ ⵏ ⵓⴱⵔⵉⴷ ⵍⴻⵣⵣⴰⵢⴻⵔ–ⵜⴰⵎⴻⵏⵖⴰⵙⵜ ⵉ ⵢⴻⴱⵖⴰⵏ ⴰⴷ ⵢⴻⵙⴷⵓⴽⴻⵍ ⵢⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.
ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ ⵏ ⵓⵙⴰⴼⴰⴳ, ⵎⵎⴻⵙⵍⴰⵢⴻⵏ ⵖⴻⴼ ⵜⵣⴻⵎⵎⴰⵔ ⵏ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷ ⵓⵙⵏⴻⵔⵏⵉ ⵏ ⵓⵎⵙⴰⵙⴻⵢ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵓⵇⵇⵏⴰ ⵏ ⵓⵙⴰⴼⴰⴳ ⴷ ⵓⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷⴻⴳ ⵓⵃⵔⵉⵛ-ⴰⴳⵉ ⵉⵕⴻⵙⵙⴰⵏ.
ⵜⵉⵎⵍⵉⵍⵉⵜ ⵜⴻⵍⵍⴰ ⴷⴰⵖⴻⵏ ⴷ ⴰⴱⵔⵉⴷ ⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵍⵓⵊⵉⵢⵙⵜⵉⴽ , ⵙ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⴰⵙⵎⴰⵢⵏⵓⵜ ⵏ ⵓⵏⵏⴰⵔ, ⵜⴰⵔⵇⵎⵉⵜ ⵏ ⵓⵣⴻⵟⵟⴻⴹ ⵏ ⵙⵙⴻⵍⵄⴰ ⴷ ⵓⵙⵏⴻⴼⵍⵉ ⵏ ⵜⴻⵙⵔⴰⵔ ⵏ ⵜⴰⵍⵍⴻⵍⵜ.
ⴷⴻⴳ ⵓⵏⵏⴰⵔ-ⴰⴳⵉ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵏⵏⴰⵔ ⵏ ⵓⵣⵓⵏⴻⵢ ⴷⴻⴳ ⵍⴻⵣⵣⴰⵢⴻⵔ ⵜⴻⵡⵊⴻⴷ ⵉⵡⴰⴽⴽⴻⵏ ⴰⴷ ⴷ-ⵜⴰⴳⴻⵎ ⵙⴻⴳ ⵜⵎⵓⵖⵍⵉⵡⵉⵏ ⵢⴻⵎⴳⴰⵔⴰⴷⴻⵏ, ⵍⴰⴷⵖⴰ ⵜⴰⵎⵓⵙⵏⵉ ⵏ ⵔⵓⵙⵢⴰ ⵉ ⵢⴻⵍⵍⴰⵏ ⴷ ⵜⴰⵎⴻⵏⵣⵡⵓⵜ ⴷⴻⴳ ⵓⵏⵏⴰⵔ ⵏ ⵓⵣⵓⵏⴻⵢ.
ⴰⵔⵏⵓ ⵖⴻⵔ
