ⵜⴰⵎⴻⵀⴻⵍⵜ ⵜⴰⵎⴰⵜⵓⵜ ⵏ ⵜⴰⵔⵇⴻⵎⵏⴻⵜ ⵜⴻⵙⵙⴻⴼⴻⴼ ⴰⵙⵙ-ⴰ ⵏ ⵓⵜⵍⴰⵢⴰ ⵜⴰⵖⵜⴻⵙⵜ ⵏ ⵜⵎⴰⵡⴰⵙⵜ ⵏ ⵓⵙⴻⴳⵎⵉ ⴰⵖⴻⵍⵏⴰⵡ ⵉ ⵢⴻⵇⴱⴻⵍⵏ ⵍⴽⴰⵖⴻⴹ ⵓⵔⵇⵉⵎ. ⵜⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⴷ ⴰⴱⵔⵉⴷ ⵉⵊⴻⵀⴷⴻⵏ ⵉⵡⴰⴽⴽⴻⵏ ⴰⴷ ⵜⵉⵍⵉ ⵜⴰⴼⵍⴻⵙⵜ ⴷⴻⴳ ⵡⴰⵢⴻⵏ ⵓⵔⵇⵉⵎ.
ⵜⴰⵎⴻⵀⴻⵍⵜ ⵜⴻⵡⵡⴰⵍⴰ ⴱⴻⵍⵍⵉ ⵜⴰⵖⵜⴻⵙⵜ-ⴰⴳⵉ ⵉ ⴷ-ⵢⵓⵙⴰⵏ ⴷⴻⴳ ⵓⴽⵛⵓⵎ ⵏ ⵓⵖⴻⵔⴱⴰⵣ (2026-2027), ⵜⴻⵏⵏⴰ-ⴷ ⴱⴻⵍⵍⵉ ⵓⵔ ⵢⴻⵃⵡⴰⵊ ⴰⵔⴰ ⵍⵎⵓⵡⴰⵟⵉⵏ ⴰⴷ ⴷ-ⵢⴰⵡⵉ ⵍⴽⴰⵖⴻⴹ ⵏ ⵍⵡⴰⵔⴰⵇ ⵏⴻⵖ ⵟⵟⴰⴱⴻⵄ ⵏ ⵍⴱⴰⵢⵍⴻⴽ ⵎⴰ ⵢⴻⵍⵍⴰ ⵍⴽⴰⵖⴻⴹ-ⵏⵏⵉ ⵓⵔⵇⵉⵎ ⵢⴻⴱⵏⴰ ⵖⴻⴼ ⵍⵇⴰⵏⵓⵏ. ⴰⵢⴰⴳⵉ ⴰⴷ ⵢⴻⵙⵙⴻⵊⵀⵉⴷ ⴰⴷⵎⵉⵔ ⵏ ⵍⴱⴰⵢⵍⴻⴽ.
ⵜⴻⵙⵙⴻⴳⵣⴰ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵢⴰⴳⵉ ⵜⴻⵜⵜⴻⴷⴷⵓ ⴷ ⵓⴱⵔⵉⴷ ⵏ ⴷⴷⵓⵍⴰ ⴷ ⵍⵓⵎⵓⵔ ⵏ ⵓⵙⴻⵍⵡⴰⵢ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ ⵉ ⴷ-ⵢⴻⴼⴽⴰ ⴷⴻⴳ ⵓⴳⵔⴰⵡ ⵏ ⵢⵉⵎⴰⵡⴰⵙⴻⵏ (12 ⵢⵓⵍⵢⵓ 2026), ⵉⵡⴰⴽⴽⴻⵏ ⴰⴷ ⵏⴻⵙⵙⴻⵡⵙⵉⵄ ⴰⵙⴻⵅⴷⴻⵎ ⵏ ⵓⵙⵎⴻⵍ "Dzair Digital Services" ⵢⴻⵔⵏⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⵓⵔⵇⵉⵎ ⴳⴰⵔ ⵜⵎⴰⵡⴰⵙⵉⵏ ⵎⴻⵕⵕⴰ.
ⵜⴰⵎⴻⵀⴻⵍⵜ ⵜⴻⵏⵏⴰ-ⴷ ⴱⴻⵍⵍⵉ ⴰⴱⴻⴷⴷⴻⵍ ⵓⵔⵇⵉⵎ ⵎⴰⵞⵞⵉ ⴷ ⵜⵉⵔⴰ ⵏ ⵍⴽⴰⵖⴻⴹ ⴷⴻⴳ ⵓⵎⵙⴻⵍⵎⴰⵏ ⴽⴰⵏ, ⵍⴰⵎⴻⵄⵏⴰ ⴷ ⵓⵇⴱⴻⵍ-ⵉⵙ ⴷⴻⴳ ⵍ-ⵉⴷⴰⵔⴰ. ⴰⵢⴰⴳⵉ ⴰⴷ ⵢⴻⵙⵙⴻⵀⵡⴻⵏ ⵍⵓⵎⵓⵔ ⵖⴻⴼ ⵍⵎⵓⵡⴰⵟⵉⵏ ⴷ ⵜⵎⴻⵔⵙⴻⵍⵉⵏ ⵏ ⵍⴱⴰⵢⵍⴻⴽ ⵢⴻⵔⵏⴰ ⴰⴷ ⵢⴻⵙⵙⴻⵊⵀⵉⴷ ⵜⴰⴼⵍⴻⵙⵜ.
ⴷⴻⴳ ⵜⴰⴳⴰⵔⴰ, ⵜⴻⵏⵏⴰ-ⴷ ⴱⴻⵍⵍⵉ ⴰⵢⴰⴳⵉ ⴰⴷ ⵢⴻⵔⵔ ⴰⴷⵎⵉⵔ ⵏ ⵍⴱⴰⵢⵍⴻⴽ ⴰⴷ ⵢⴻⵇⵇⴻⵔⵔⴻⴱ ⵖⴻⵔ ⵍⵎⵓⵡⴰⵟⵉⵏ "ⴱⵍⴰ ⴰⵙⵉⴽⴻⵍ, ⴱⵍⴰ ⵍⴽⴰⵖⴻⴹ".
ⴰⵔⵏⵓ ⵖⴻⵔ
