ⵜⴻⵙⵙⴻⴽⴻⵔ ⵜⵏⴻⵖⵍⴰⴼⵜ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵡⴰⵙⵙ-ⴰ ⵏ ⵍⵃⴻⴷ, ⵜⴰⴼⴼⴰⵙⴽⴰ ⵜⵓⵏⵚⵉⴱⵜ ⵉⵡⴰⴽⴽⴻⵏ ⴰⴷ ⴷ-ⵜⴻⵙⵎⴻⴽⵜⵉ ⴰⵙⵙ ⴰⴳⵔⴰⵖⵍⴰⵏ ⵏ ⵜⴻⴼⵔⵉⵇⵜ ⵉ ⴷ-ⵢⵓⵙⴰⵏ ⵢⴰⵍ 25 ⵎⴰⵢⵢⵓ ⵏ ⵢⴰⵍ ⴰⵙⴻⴳⴳⴰⵙ.
ⴷⴻⴳ ⵜⴰⴳⵏⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵓⴼⵔⴰⴳ ⵏ ⵜⵏⴻⵖⵍⴰⴼⵜ, ⴰⵎⴰⵙⵉ (ⴰⵎⴱⴰⵙⵙⴰⴷⴻⵓⵔ) ⵏ ⵓⴳⴰⵏⴷⴰ ⴷ ⵓⵏⴻⵎⵢⴰⴳ ⵏ ⵓⵀⴻⵢⵢⵓⵍ ⴰⴷⵉⴱⵍⵓⵎⴰⵏ ⴰⴼⵔⵉⵇ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵊⵓⵀⵏ ⵛⵀⵔⵢⵙⵓⵙⵜⵓⵎ ⴰⵍⵉⵏⵜⵓⵎⴰ ⵏⵙⴰⵎⴱⵓ, ⵢⴻⵙⵙⴻⵔⵙ ⵜⴰⵏⴻⵎⵎⵉⵔⵜ-ⵉⵙ ⵜⴰⵎⵓⵇⵔⴰⵏ ⵉ ⵔⵔⴰⵢ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵖⴻⴼ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ. ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵙⴻⴽⵔⴻⵏ ⵜⴰⵙⴻⵔⵜⵉⵜ ⵉ ⴷ-ⵢⴻⵎⵓⴷⴷⴻⵏ "ⵜⴰⵣⵎⴻⵔⵜ ⴷ ⵓⵎⴽⴰⵏ ⵉ ⵜⵎⵓⵔⵜ ⵏ ⵜⴻⴼⵔⵉⵇⵜ ⵉⵡⴰⴽⴽⴻⵏ ⴰⴷ ⴷ-ⴼⵔⵉⵏⵜ", ⵢⴻⵔⵏⴰ "ⵜⴻⵙⴱⴻⴳⴳⴻⵏ-ⴷ ⴱⴻⵍⵍⵉ ⴷ ⵏⴻⵜⵜⴰⵜ ⵉ ⴷ ⵓⴳⴻⵞⴷⵉ ⵏ ⵓⵃⵔⴰⵣ ⵏ ⵜⵎⴻⵏⵏⴰ (ⵛⵓⵏⵜⵉⵏⴻⵏⵜ)".
ⴷⴻⴳ ⵡⴰⵏⵏⴰⵔ-ⴰⴳⵉ, ⵢⴻⵏⵏⴰ-ⴷ ⵓⵎⴻⵙⵍⴰⵢ-ⴰⴳⵉ ⴱⴻⵍⵍⵉ ⵉⵍⴰⵇ ⵓⵎⴻⵀⵍⴰⵏ ⵉ "ⵜⵓⴽⴽⵙⴰ ⵏ ⵓⵏⴻⴽⵛⵓⵎ" ⴷⴻⴳ ⵜⴻⴼⵔⵉⵇⵜ, ⵢⴻⵔⵏⴰ ⴷ ⴰⵎⴷⴰⵏ ⴷ ⵓⵛⴻⴷⴷⵉ ⴰⴽⴽⴻⴷ ⵓⴳⴷⵓⴷ ⴰⵙⴰⵀⵔⴰⵡⵉ ⵉ ⵢⴻⵏⵏⵓⵏⵏⴻⵏ ⵖⴻⴼ ⵓⵣⵔⴻⴼ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵜⴰⴷⴰⵜ-ⵉⵙ ⴷ ⵜⵉⵍⴻⵍⵍⵉ-ⵙ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⴱⵓⵔⵓⵏⴷⵉ, ⵎⴰⵙⵙ Éⵯⴰⵔⵉⵙⵜⴻ ⵏⴷⴰⵢⵉⵙⵀⵉⵎⵉⵢⴻ, ⵓⵙⴻⵍⵡⴰⵢ ⵏ ⵜⴰⴷⵓⴽⵍⵉ ⵏ ⵜⴻⴼⵔⵉⵇⵜ ⵢⴻⵏⵏⴰ-ⴷ ⴷⴻⴳ ⵓⵯⵉⴷⵢⵓ ⴱⴻⵍⵍⵉ "ⵜⴻⴼⵔⵉⵇⵜ ⵜⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵏⴰⴳⵔⴰⵡ ⵏ ⵓⵃⴽⴰⵎ ⴰⴳⵔⴰⵖⵍⴰⵏ". ⴰⵢⴰⴳⵉ ⵉⵙⵏⴻⵔⵏⴰⵢ ⵉⵙⵓⵜⵔⴻⵏ ⵏ ⵜⴻⴼⵔⵉⵇⵜ ⵏ ⵓⵚⴻⴳⴳⴻⵎ ⵏ ⵓⵙⵇⴰⵎⵓ ⵏ ⵓⴼⵔⴰⴳ ⵏ ⴷⴷⵓⵏⵉⵜ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ "ⵍⴱⴰⵟⴻⵍ ⴰⵎⴻⵣⵔⴰⵢ" ⵉ ⴷ-ⵢⴻⵔⵔⴰⵏ ⵖⴻⴼ ⵜⴻⴼⵔⵉⵇⵜ.
ⵢⴻⴱⴷⴻⵔ-ⴷ ⴷⴰⵖⴻⵏ ⴰⵀⵉⵍ ⵏ 2063 ⵉ ⵢⴻⴱⵖⴰⵏ ⴰⴷ ⴷ-ⵢⴻⵔⵔ "ⵜⴻⴼⵔⵉⵇⵜ ⵉⵍⴰⵏ ⴷⴷⵓⴽⴽⵍⴰ ⴷ ⵍⴻⵀⵏⴰ", ⵎⴰⵛⴰ ⵢⴻⵏⵏⴰ-ⴷ ⴱⴻⵍⵍⵉ ⵍⵍⴰⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴼⵔⵉⵇⵉⵢⴻⵏ ⵉ ⵉⵄⴻⵜⴱⴻⵏ ⵙ ⵙⵙⴻⴱⵜ ⵏ ⵢⵉⵎⴻⵏⵏⴰⵖⴻⵏ, ⴰⵔⵔⵀⴰⴱ, ⴷ ⵍⴱⴰⵟⴻⵍ ⵏ ⵍⵎⴰⵏⴰⵅ.
ⴰⵎⴷⴻⴱⴱⴻⵔ ⴰⴼⵔⵉⵇ ⵢⴻⴱⴷⴻⵔ-ⴷ ⵜⴰⵎⵙⴰⵍⵜ ⵏ ⵡⴰⵔⵔⴰⵛ ⵉⵎⵏⴻⵞⵍⴰⵡⴻⵏ, ⵢⴻⵏⵏⴰ-ⴷ ⴱⴻⵍⵍⵉ "ⴰⵇⵔⵓⵔ ⴰⴼⵔⵉⵇ ⵓⵔ ⵏⴻⵙⵙⵉⵏ ⴰⵙⴻⵍⵎⴻⴷ ⴰⵙⵙ-ⴰ ⴷ ⴰⵎⵓⵔ ⵏ ⵢⵉⵎⴰⵍ ⵏ ⵜⴻⴼⵔⵉⵇⵜ", ⵉⵙⵓⵜⵔⴻⵏ ⵉⵡⴰⴽⴽⴻⵏ ⴰⵙⴻⵍⵎⴻⴷ ⴰⴷ ⵢⵉⵍⵉ ⴷ ⴰⵎⴻⵏⵣⴰⵢ ⴰⵎⴻⵇⵇⵔⴰⵏ. ⴷⴰⵖⴻⵏ ⵢⴻⵙⵙⴰⵡⴻⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⴻⵔⵔⴻⴽ ⴰⵎⴻⵇⵇⵔⴰⵏ ⵎⴳⴰⵍ ⴰⵔⵔⵀⴰⴱ, ⵉⵎⵉ ⴰⵔⵔⵀⴰⴱ ⵓⵔ ⵢⴻⵙⵏⵉ ⵍⴻⴼⵔⴰⴳ ⴳⴰⵔ ⵓⵖⵔⴻⴼ ⵏⴻⵖ ⵉⴷⵍⴻⵙ.
ⴷⴻⴳ ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ "ⵜⴻⴼⵔⵉⵇⵜ ⵜⴻⵡⵡⴻⴹ ⴰⵔ ⵍⵯⴻⵀⴷ-ⵉⵙ ⵙ ⵢⵉⵡⴻⵏ ⵏ ⵡⴰⵡⴰⵍ", ⵉⵙⵓⵜⵔⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⴻⴼⵔⴻⵣ ⵜⴰⵔⵔⴰⵢⵜ ⵏ ⵜⵏⴻⵣⵣⵓⵜ ⵏ ⵜⵍⴻⵍⵍⵉ ⴳⴰⵔ ⵜⵎⵓⵔⵜ ⵏ ⵜⴻⴼⵔⵉⵇⵜ (ⵣⵍⴻⵛⴰⴼ).
ⴰⵔⵏⵓ ⵖⴻⵔ
