ⵜⴻⵙⵙⵓⴷⴻⵙ ⵜⴰⵏⴻⵖⵍⴰⴼⵜ ⵏ ⵜⴻⵖⴷⴻⵎⵜ, ⵙ ⵓⵎⵢⴰⵍⵍⴻⵍ ⴰⴽⴽⴻⴷ ⵓⵀⴻⵍⵍⵉⵍ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ ⵉ ⵜⴻⵏⴻⴼⵍⵉⵜ ⴷⵉ ⵍⴻⵣⵣⴰⵢⴻⵔ (PNUD), ⵢⴰⵜ ⵜⵎⴰⵣⵔⵉⵜ ⵖⴻⴼ "ⵓⵙⴻⵏⴼⴰⵔ ⵏ ⵓⵙⴻⴷⵍⴻⵍ ⵏ ⵓⵙⴻⵏⴻⴼⵍⵉ ⵏ ⵓⴱⵔⵉⴷ ⵏ ⵓⵎⴰⵀⵉⵍ ⵏ ⵜⵉⵍⴰⵡⵉⵏ ⵜⵉⵏⴻⵙⵔⴻⴼⵜⵉⵏ ⴷⵉ ⵍⴻⵣⵣⴰⵢⴻⵔ".
ⴷⴻⴳ ⵓⵙⴰⵜⴰⵍ-ⴰⴳⵉ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵢⵉⵙⵓⴳⴰⵎ ⵏ ⵓⵎدان ⴷⵉ ⵜⵏⴻⵖⵍⴰⴼⵜ ⵏ ⵜⴻⵖⴷⴻⵎⵜ, ⵎⴰⵙⵙ ⴰⵃⵎⴻⴷ ⴰⵎⵉⵏ ⴱⵓⵖⴰⴱⴰ, ⵡⴰⴽⴽⴻⵏ ⵢⵉⵙⵡⵉ ⵏ ⵜⵎⴰⵣⵔⵉⵜ-ⴰⴳⵉ ⴷ ⵓⵙⴻⴼⵔⴻⴷ ⵏ ⵡⴰⵢⴻⵏ ⵉ ⴷ-ⵢⴻⴼⴼⵖⴻⵏ ⵙⴻⴳ ⵓⵙⴻⵏⴼⴰⵔ ⵏ ⵓⵎⵢⴰⵍⵍⴻⵍ ⴳⴰⵔ ⵜⴰⵏⴻⵖⵍⴰⴼⵜ ⴷ ⵓⵀⴻⵍⵍⵉⵍ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ. ⵍⴻⵇⴷⵉⵛⴰⵜ-ⴰⴳⵉ ⵍⵍⴰⵏ-ⴷ ⴷⴻⴳ 12 ⵎⴻⵖⵔⴻⵙ ⵉⵣⵔⵉⵏ ⴷⵉ ⵏⵢⵓⵢⵓⵔⴽ ⴷⵉ ⵜⴰⵙⵓⵜ ⵜⵉⵙ 70 ⵏ ⵜⴻⵙⵇⴰⵎⵓⵜ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⴳⵏⵉⵜ ⵏ ⵜⵎⴻⵟⵟⵓⵜ, ⵙ ⵓⵣⴻⵏⵜⴻⵍ "ⵉⵣⵓⵔⴼⴰⵏ, ⵜⴰⵖⴷⴻⵎⵜ ⴷ ⵓⵎⴰⵀⵉⵍ".
ⵜⴰⵎⴰⵣⵔⵉⵜ-ⴰⴳⵉ ⵜⴻⵍⴷⴰ-ⴷ ⵜⵉⵡⵡⵓⵔⴰ ⵉ ⵓⵙⴻⴽⵏ ⵏ ⵜⵎⴻⵔⵏⵉⵡⵜ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴷⵍⴻⵍ ⵏ ⵓⵎⴻⴳⴷⵓ ⴳⴰⵔ ⵓⵔⴳⴰⵣ ⴷ ⵜⵎⴻⵟⵟⵓⵜ ⴷⴻⴳ ⵓⵏⴰⴳⵔⴰⵡ ⵏ ⵜⴻⵖⴷⴻⵎⵜ, ⴷ ⵓⵙⴻⵊⵀⴻⴷ ⵏ ⵡⴰⵣⴰⵍ ⵏ ⵜⵎⴻⵟⵟⵓⵜ ⵜⴰⵏⴻⵙⵔⴻⴼⵜ. ⵎⴰⵙⵙ ⴱⵓⵖⴰⴱⴰ ⵢⴻⵏⵏⴰ-ⴷ ⵡⴰⴽⴽⴻⵏ ⵜⴰⵎⴻⵟⵟⵓⵜ ⵜⴰⵣⵣⴰⵢⵔⵉⵜ ⵜⴻⵟⵟⴻⴼ ⴰⵎⴽⴰⵏ ⵢⴻⵄⵍⴰⵢⴻⵏ ⴷⴻⴳ ⵢⵉⴳⴻⵔ-ⴰⴳⵉ, ⴰⵏⴷⴰ ⴰⵎⴹⴰⵏ-ⵏⵙⴻⵏⵜ ⵢⴻⵡⵡⴻⴹ ⴰⵔⵎⵉ ⴷ ⴰⵣⴳⴻⵏ ⵏ ⵢⵉⵏⴻⵙⵔⴻⴼⴻⵏ, ⵍⴰⴷⵖⴰ ⴷⵉ ⵜⵙⴻⵏⴱⴹⵉⵢⵉⵏ ⵏ ⵜⵏⴻⵣⵣⵓⵜ (Commercial) ⴷ ⵜⵎⴰⵣⵍⴰⵢⵉⵏ.
ⵙ ⵜⴰⵎⴰ-ⵏⵏⵉⴹⴻⵏ, ⵜⴰⵏⴻⴷⴷⴱⴰⵍⵜ ⵜⴰⵖⴻⵍⵏⴰⵡⵜ ⵏ ⵓⵙⴻⵏⴼⴰⵔ, ⵎⴰⵙⵙⴰ ⵉⵙⵎⴰ ⵄⵉⵙⵢⵓ, ⵜⴻⵏⵏⴰ-ⴷ ⵡⴰⴽⴽⴻⵏ ⴰⵎⴹⴰⵏ ⵏ ⵜⵉⵍⴰⵡⵉⵏ ⵜⵉⵏⴻⵙⵔⴻⴼⵜⵉⵏ ⴷⵉ ⵍⴻⵣⵣⴰⵢⴻⵔ ⴷ ⵢⵉⵡⴻⵏ ⵏ ⵓⵏⴻⵎⵎⴰⵍ ⵢⴻⵍⵀⴰⵏ ⴰⵟⴰⵙ. ⵢⴻⴱⴹⴰ ⵓⵙⴻⵏⴼⴰⵔ-ⴰⴳⵉ ⵖⴻⴼ ⵙⵏⴰⵜ ⵏ ⵜⵎⴰⴽⵉⵏ: ⵜⴰⵎⴻⵣⵡⴰⵔⵓⵜ (2023-2024) ⴰⵏⴷⴰ ⵜⵜⵡⴰⵙⵉⵍⵖⴻⵏⵜ 239 ⵏ ⵜⵉⵍⴰⵡⵉⵏ, ⴷ ⵜⴰⵎⴰⴽⴰ ⵜⵉⵙ ⵙⵏⴰⵜ (2024-2029) ⵉ ⵜⵉⵍⴰⵡⵉⵏ ⵉⵇⴻⴷⵛⴻⵏ ⴷ ⵜⵉⵏⴻⵍⵎⴰⴹⵉⵏ ⵏ ⵜⵉⵏⵎⴻⵍ ⵜⴰⵄⴻⵍⴰⵢⵜ ⵏ ⵜⴻⵖⴷⴻⵎⵜ.
ⵎⴰⵙⵙⴰ ⵏⴰⵜⴰⵛⴰ ⴼⴰⵏ ⵔⴰⵢⵏ, ⵜⴰⵎⴻⵙⵍⴰⵢⵜ ⵏ ⵓⵀⴻⵍⵍⵉⵍ ⵏ ⵜⵉⵎⵓⵔⴰ ⵢⴻⴷⴷⵓⴽⴽⵍⴻⵏ ⴷⵉ ⵍⴻⵣⵣⴰⵢⴻⵔ, ⵜⵛⴻⴽⴽⴻⵔ ⵍⴻⵣⵣⴰⵢⴻⵔ ⵖⴻⴼ ⵡⵓⵎⴹⴰⵏ ⵢⴻⵄⵍⴰⵢⴻⵏ ⵏ ⵜⵎⴻⵟⵟⵓⵜ ⴷⴻⴳ ⵢⵉⴳⴻⵔ ⵏ ⵜⴻⵖⴷⴻⵎⵜ. ⵎⴰⵙⵙⴰ ⴰⵃⵍⴰⵎ ⵛⵔⵉⵅⵉ, ⵙⵖⵓⵔ ⵜⵏⴻⵖⵍⴰⴼⵜ ⵏ ⵜⵎⴻⵚⵍⵉⵡⵉⵏ ⵏ ⴱⴻⵕⵕⴰ, ⵜⴻⵏⵏⴰ-ⴷ ⵡⴰⴽⴽⴻⵏ ⴰⵎⵢⴰⵍⵍⴻⵍ-ⴰⴳⵉ ⴰⴷ ⵢⴻⵙⵙⴻⴽⵏ ⵜⵉⵔⵎⴰⵏⵜ ⵜⴰⵣⵣⴰⵢⵔⵉⵜ ⵉ ⵢⴻⵍⵍⴰⵏ ⴷ ⴰⵎⴻⴷⵢⴰ ⵉ ⵡⴰⵟⴰⵙ ⵏ ⵜⵎⵓⵔⴰ ⵏⵏⵉⴹⴻⵏ.
ⴷⴻⴳ ⵜⴰⴳⴳⴰⵔⴰ, ⴰⵎⴰⵔⴰ ⴰⵎⴰⵜⵓ ⵏ ⵜⴷⵓⴽⵍⵉ ⵏ ⵢⵉⴼⴻⵔⴷⵉⵙⴻⵏ ⵏ ⵜⴻⵖⴷⴻⵎⵜ ⵜⴰⴷⴻⵙⵜⵓⵔⵉⵜ ⵜⴰⴼⵔⵉⵇⵉⵜ, ⵎⴰⵙⵙ ⵎⵓⵙⴰ ⵍⵄⵔⴰⴱⴰ, ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵙⴻⵏⴼⴰⵔ-ⴰⴳⵉ ⴷ ⵓⴷⵔⴰⵡ ⵏ ⵜⵎⴻⵟⵟⵓⵜ ⴷⵉ ⵜⴻⵖⴷⴻⵎⵜ ⴷⵉ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
