ⵜⴻⵙⵙⵓⴼⴼⴻⵖ-ⴷ ⵜⵏⴻⵖⵍⴰⴼⵜ ⵏ ⵢⵉⵍⵎⴻⵣⵢⴻⵏ ⵓⴷⵢⴰⵏ ⵡⴰⵙⵙ-ⴰ ⵏ ⵍⴻⵜⵏⵉⵢⵏ, ⵉ ⴷⴻⴳ ⴷ-ⵜⴻⵏⵏⴰ ⴱⴻⵍⵍⵉ ⵍⴷⵉⵏ ⵢⵉⴱⴻⵔⴷⴰⵏ ⵉ ⵡⵉⴷ ⵢⴻⴱⵖⴰⵏ ⴰⴷ ⵙⵓⵜⵔⴻⵏ ⴰⵔⵔⴰⵣ ⵏ "ⵎⴰⴷⴰⵏⵊⴻⴻⵜ ⵙⵉⵏⴳⵀ 2026". ⴰⵔⵔⴰⵣ-ⴰⴳⵉ ⵢⴻⵜⵜⴰⴽ-ⵉⵜ ⵜⵓⴷⴷⵙⴰ ⵏ ⵍⴻⵎⵎⵓⵏ ⵢⴻⴷⴷⵓⴽⴽⵍⴻⵏ ⵉ ⵓⵙⴻⵍⵎⴻⴷ, ⵜⴰⵎⵓⵙⵏⵉ ⴷ ⵜⴳⴻⵎⵎⵉ (ⵢⵓⵏⴻⵙⴽⵓ), ⵉⵙⵉⴳ-ⵉⵙ ⴷ ⴰⵙⴻⵏⵏⴻⵔⵏⵉ ⵏ ⵜⴰⵢⴻⵔⵣⴰ ⵏ ⵓⵙⵓⵔⴻⴼ ⴷ ⵓⵙⴻⴷⴷⴻⵔ ⵏ ⵍⵓⵏⵏⵉⴼ. ⵜⴻⵙⵙⴰⵡⴻⵍ ⵉ ⵡⵉⴷ ⵢⴻⴱⵖⴰⵏ ⴰⴷ ⵔⵏⵓⵏ ⴰⴷ ⴷ-ⴰⵡⴹⴻⵏ ⵢⵉⵙⵓⵜⵔⴻⵏ-ⵏⵙⴻⵏ ⵓⵇⴱⴻⵍ 25 ⵏ ⵎⴰⵢⵢⵓ.
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵙⵙⴰⵡⴻⵍ ⵉ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵍⵎⴻⵣⵢⴻⵏ ⵏ ⵍⴻⵣⵣⴰⵢⴻⵔ ⵉ ⵢⴻⵜⵜⵡⴰⵇⴻⴱⵍⴻⵏ ⵉⵡⴰⴽⴽⴻⵏ ⴰⴷ ⴷ-ⴰⵡⴹⴻⵏ ⵢⵉⵙⵓⵜⵔⴻⵏ-ⵏⵙⴻⵏⵜ ⵖⴻⵔ ⵢⵉⵎⴻⵥⵍⴰ ⵏ ⵜⵏⴻⵖⵍⴰⴼⵜ, ⴷⴻⴳ ⵓⵣⴻⵎⵣ ⵏ ⵜⴰⴳⴳⴰⵔⴰ ⵏ 25 ⵏ ⵎⴰⵢⵢⵓ, ⵙ ⵜⴰⵏⵙⴰ ⵏ ⵜⵎⴰⵢⵍⵜ: sd_ppmav@mjeunesse.gov.dz.
ⵜⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵡⵉⴷ ⵢⴻⴱⵖⴰⵏ ⴰⴷ ⴷ-ⴰⵡⵉⵏ ⵜⴻⵍⵖⵓⵜ ⵏⵏⵉⴹⴻⵏ ⵖⴻⴼ ⵓⵔⵔⴰⵣ-ⴰⴳⵉ, ⵉⵍⵓⴳⴰⵏ ⵏ ⵜⵜⴻⴽⴽⵉ ⴷ ⵡⴰⵎⴻⴽ ⴰⵔⴰ ⴷ-ⵢⵉⵍⵉ ⵓⵀⴻⴳⴳⵉ ⵏ ⵓⴼⴰⵕⴻⵢ ⵏ ⵓⵙⵓⵜⵓⵔ, ⵣⴻⵎⵔⴻⵏ ⴰⴷ ⵡⴰⵍⵉⵏ ⵜⴰⵏⵙⴰ-ⴰⴳⵉ: https://shorturl.at/qHBZV.
ⵜⵜⴻⴽⴽⵉ-ⴰⴳⵉ ⵢⴻⵍⴷⵉⵏ ⵉ ⵜⵉⴷⴷⵓⴽⵍⵉⵡⵉⵏ, ⵜⵓⴷⴷⵙⵉⵡⵉⵏ, ⵜⵙⵓⴷⴰ ⴷ ⵜⵓⵙⵙⵓⵜⴼⵉⵡⵉⵏ ⵏ ⵜⵎⴻⵜⵜⵉ, ⴰⴽⴽⴻⴷ ⵢⵉⵎⴷⴰⵏⴻⵏ ⵉⵅⴻⴷⴷⵎⴻⵏ ⴷⴻⴳ ⵡⴰⵏⵏⴰⵔ ⵏ ⵢⵉⵍⵎⴻⵣⵢⴻⵏ, ⵜⴰⵍⵍⴻⵍⵜ ⵏ ⵓⵎⴷⴰⵏ ⴷ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. ⴰⵢⴰⴳⵉ ⵢⴻⵍⵍⴰ-ⴷ ⵙ "ⵓⵙⴰⵍⵉ ⵏ ⵓⴼⴰⵕⴻⵢ ⵉ ⴷⴻⴳ ⵢⴻⵍⵍⴰ ⵡⴻⴳⵍⴰⵎ ⵏ ⵓⵙⴻⵏⴼⴰⵔ ⵏⴻⵖ ⵏ ⵜⵓⵙⵙⵓⵜⴼⴰ, ⵉⵙⵡⵉⵢⴻⵏ-ⵉⵙ ⴷ ⵡⴰⵢⴻⵏ ⵉ ⴷ-ⵜⴻⵙⵙⴻⴽⴻⵔ ⴷⴻⴳ ⵜⵎⴻⵜⵜⵉ, ⴰⴽⴽⴻⴷ ⵢⵉⵙⴽⴰⵖⴻⴹⴻⵏ ⵏ ⵓⴼⵔⴰⴳ ⵉ ⴷ-ⵉⵙⴱⴻⴳⴳⵉⵏⴻⵏ ⴰⵢⴻⵏ ⵉ ⴷ-ⵢⴻⵜⵜⵡⴰⵅⴻⴷⵎⴻⵏ".
ⴷⴻⴳ ⵡⴰⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⵎⴻⴽⵜⵉ-ⴷ ⴱⴻⵍⵍⵉ ⴰⵔⵔⴰⵣ-ⴰⴳⵉ ⴷ ⵡⵉⵏ ⵏ ⵢⵉⴼⴻⵔⵔⴰⵏⴻⵏ ⴷⴻⴳ ⴷⴷⵓⵏⵉⵜ ⵉ ⵜⴻⵜⵜⴰⴽ ⵜⵓⴷⴷⵙⴰ ⵏ "ⵢⵓⵏⴻⵙⴽⵓ" ⵉ ⵢⵉⵎⴷⴰⵏⴻⵏ ⵏⴻⵖ ⵉ ⵜⵙⵓⴷⴰ ⵉ ⴷ-ⵉⵎⵓⴷⴷⴻⵏ ⵜⴰⵍⵍⴻⵍⵜ ⵉ ⵓⵣⴻⵔⵔⴰⵄ ⵏ ⵜⴰⵢⴻⵔⵣⴰ ⵏ ⵜⴰⵍⵡⵉⵜ, ⴰⴷⵉⵡⴻⵏ ⴷ ⵜⵓⴷⴻⵔⵜ ⵏ ⴷⴷⵓⴽⴽⵍⵉ ⴷ ⵓⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. ⵉⵙⵉⴳ-ⵉⵙ ⴷ "ⵜⵓⵙⵙⵓⵜⴼⵉⵡⵉⵏ ⴷ ⵢⵉⵙⴻⵏⴼⴰⵔⴻⵏ ⵏ ⵓⵙⴻⵍⵎⴻⴷ, ⵜⴰⵎⵓⵙⵏⵉ, ⵉⵖⴻⵎⵙⴻⵏ ⴷ ⵜⵎⴻⵜⵜⵉ ⵉ ⴷ-ⵉⵙⵓⵞⵞⴻⵏ ⴰⵢⴻⵏ ⵢⴻⵍⵀⴰⵏ ⴷⴻⴳ ⵜⵎⴻⵜⵜⵉ, ⵍⴰⴷⵖⴰ ⵉⵙⴻⵏⴼⴰⵔⴻⵏ ⵏ ⵢⵉⵍⵎⴻⵣⵢⴻⵏ ⵉ ⵉⵅⴻⴷⴷⵎⴻⵏ ⵉ ⵡⴻⵙⵏⴻⵔⵏⵉ ⵏ ⵓⴷⵉⵡⴻⵏ ⴷ ⵓⵣⴻⵔⵔⴰⵄ ⵏ ⵜⴰⵢⴻⵔⵣⴰ ⵏ ⵜⴰⵍⵡⵉⵜ ⴷ ⵓⵎⴻⵏⵏⵓⵖ ⵎⴳⴰⵍ ⵍⵓⵏⵏⵉⴼ".
ⴰⵔⵏⵓ ⵖⴻⵔ
