ⴰⵖⵍⵉⴼ ⵏ ⵜⵏⴻⵣⵣⵓⵜ ⵏ ⴱⴻⵕⵕⴰ ⴷ ⵓⵙⵏⴻⵔⵏⵉ ⵏ ⵓⵙⵉⴷⴷⴻⵔ (ⵍⴻⵅⵔⴻⵊ), ⴷⴻⴳ ⵓⵏⵏⴰⵖ-ⵉⵙ ⵏ ⵡⴰⵙⵙ-ⴰⴳⵉ ⵏ ⵜⵜⵍⴰⵜⴰ, ⵏⴻⵙⵙⵓⵜⵓⵔ-ⴰⵙⴻⵏ ⵉ ⵢⵉⵎⵙⴻⴳⴳⵓⵔⴰ ⵉⴷⴰⵎⵙⴰⵏⴻⵏ ⵉⵄⵏⴰⵏⴻⵏ ⴰⴷ ⴷ-ⴰⵣⵏⴻⵏ ⵜⵉⴼⴰⵜⵓⵔⵉⵏ ⵏ ⵜⴰⵍⵖⴰ (factures proforma) ⵢⴻⵔⵣⴰⵏ ⵉⵏⴰⵡⴰⴹⴻⵏ ⵉⵡⴻⵣⵍⴰⵏⴻⵏ ⵏ ⵓⵣⴳⴻⵏ-ⴰⵙⴻⴳⴳⴰⵙ (semestre) ⴰⵎⴻⵣⵡⴰⵔⵓ ⵏ ⵓⵙⴻⴳⴳⴰⵙ-ⴰⴳⵉ, ⵉ ⵢⴻⵔⵙⴻⵏ ⴷⴻⴳ ⵓⵃⵔⵉⵛ ⵏ ⵡⴰⵍⵍⴰⵍⴻⵏ (ⵜⴰⵊⴻⵀⵉⵣ) ⴰⴽⴽⴻⴷ ⴰⵢⴻⵏ ⵢⴻⵔⵣⴰⵏ ⵜⴰⵙⵓⵏⵉⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⴻⵏⵜⴻⵎ (AAPI), ⵓⵇⴱⴻⵍ 15 ⵏ ⵢⴻⴱⵔⵉⵔ ⵉ ⴷ-ⵉⵜⴻⴷⴷⵓⵏ.
ⴰⵖⵍⵉⴼ ⵉⵙⴻⴷⴷⴻⴷ-ⴷ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵖⴱⴰⵍⵓ-ⴰⴳⵉ, ⴱⴻⵍⵍⵉ ⵉⵎⵙⴻⴳⴳⵓⵔⴰ-ⴰⴳⵉ ⵉⵍⴰⵇ ⴰⴷ ⴷ-ⴰⵣⵏⴻⵏ ⵡⴰⵔⵔⴰⵜⴻⵏ-ⴰⴳⵉ ⵔⵏⵓ-ⴰⵙ ⵉⵙⴻⵎ ⵏ ⵜⴽⴻⴱⴱⴰⵏⵉⵜ ⵙ ⵙⵏⴰⵜ ⵏ ⵜⵓⵜⵍⴰⵢⵉⵏ: ⵜⴰⵄⵔⴰⴱⵜ ⴷ ⵜⵍⴰⵜⵉⵏⵉⵜ, ⴰⴽⴽⴻⴷ ⵡⵓⵟⵟⵓⵏ ⵏ ⵓⵊⴻⵔⵔⴻⴷ ⵏ ⵜⵏⴻⵣⵣⵓⵜ (registre de commerce) ⴰⴽⴽⴻⵏ ⵉ ⴷ-ⵢⴻⵍⵍⴰ ⴷⴻⴳ ⵓⵣⴻⵏⵣⵉⵖ, ⴷⴻⴳ ⵍⴽⴻⵎⵉⵙ ⵏ 15 ⵏ ⵢⴻⴱⵔⵉⵔ 2026 ⴰⵎ ⵜⴰⴳⴳⴰⵔⴰ.
ⵢⴻⵔⵏⴰ-ⴷ ⴷⴻⴳ ⵓⵏⵏⴰⵖ-ⴰⴳⵉ ⴱⴻⵍⵍⵉ ⵜⵉⴼⴰⵜⵓⵔⵉⵏ ⵏ ⵜⴰⵍⵖⴰ ⵢⴻⵔⵣⴰⵏ ⵉⵏⴰⵡⴰⴹⴻⵏ ⵏ ⵡⴰⵍⵍⴰⵍⴻⵏ ⵜⵜⴰⵣⵣⵏⴻⵏⵜ-ⴷ ⵙ ⵢⵉⵎⴰⵢⵍ (email) ⵉ ⴷ-ⵉⵜⵜⵓⵏⴻⴼⴽⴻⵏ ⵉ ⵡⴰⵢⴰ, ⵎⴰ ⴷ ⵜⵉⴷ ⵢⴻⵔⵣⴰⵏ ⵉⵏⴰⵡⴰⴹⴻⵏ ⵏ ⵜⴰⵙⵓⵏⵉⵜ ⵜⴰⵣⵣⴰⵢⵔⵉⵜ ⵉ ⵓⵙⵏⴻⵔⵏⵉ ⵏ ⵓⵙⴻⵏⵜⴻⵎ (AAPI) ⵜⵜⴰⵣⵣⵏⴻⵏⵜ-ⴷ ⵙ ⵢⵉⵎⴰⵢⵍ ⵏⵏⵉⴹⴻⵏ ⵉ ⴷ-ⵢⴻⴼⴼⵖⴻⵏ ⵉ ⴷⴷⴻⵎⵎⴰ-ⴰⴳⵉ.
ⴷⴻⴳ ⵜⴰⴳⴳⴰⵔⴰ, ⴰⵖⵍⵉⴼ ⵢⴻⵏⵏⴰ-ⴷ ⴱⴻⵍⵍⵉ ⵉⵏⴰⵡⴰⴹⴻⵏ ⵉⵡⴻⵣⵍⴰⵏⴻⵏ ⵏ ⵓⵙⵙⴻⴷⵡⴻⵔ (gestion) ⵓⵔ ⵉⵄⵏⴰⵏ ⴰⵔⴰ ⵙ ⵜⴰⵔⵔⴰⵢⵜ-ⴰⴳⵉ ⵏ ⵓⵣⴻⵏⵣⴻⵍ.
ⴰⵔⵏⵓ ⵖⴻⵔ
