ⵜⴼⵓⴽⴽ ⵡⴰⵙⵙ-ⴰ ⵏ ⵍⵀⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵉⵎⴰⵀⵉⵍⴻⵏ ⵏ ⵜⵙⴻⵎⵎⵓⵏⵜ ⵜⵉⵙ ⵎⵔⴰⵡ ⴷ ⵙⵏⴰⵜ (12) ⵏ ⵡⴻⴳⵔⴰⵡ ⴰⴼⵔⵉⴽⴰⵏ ⵏ ⵓⵙⵙⴻⵜⵎⴻⵔ ⴷ ⵜⵏⴻⵣⵣⵓⵜ. ⴰⵙⵉⵡⴹ ⵏ ⵜⴰⴳⴳⴰⵔⴰ ⵉⵙⵙⴻⴽⵏⴻⴷ ⴰⵣⴰⵍ ⵉⵕⴻⵙⵙⴰⵏ ⵉ ⴷ-ⵜⴻⵜⵜⴰⴽ ⵍⴻⵣⵣⴰⵢⴻⵔ ⵉ ⵓⵙⵉⴷⵔⴻⵡ ⴰⴷⴰⵎⵙⴰⵏ ⵏ ⵜⴻⴼⵔⵉⵇⵜ ⴷ ⵓⵙⴻⴶⵀⴻⴷ ⵏ ⵜⴷⵓⴽⵍⵉⵡⵉⵏ ⵏ ⵓⵙⵏⴻⴼⵍⵉ ⴷⴻⴳ ⵜⵎⴻⵏⵏⴰⵟ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵡⴰⵔⵔⴰⵜ ⵏ ⵜⴰⴳⴳⴰⵔⴰ ⵏ ⵡⴻⴳⵔⴰⵡ.
ⴰⵙⵉⵡⴹ-ⴰⴳⵉ, ⵉ ⴷ-ⵢⴻⵙⵙⵓⴼⴼⴻⵖ ⵓⵔⴻⴱⴱⴰⵄ ⵏ ⵓⵙⵓⴷⴷⴻⵙ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵜⴻⵜⵜⴽⴻⵎⵎⵉⵍ ⴷⴻⴳ ⵓⵙⴻⴷⴷⴻⵔ ⵏ ⵡⴻⵎⴽⴰⵏ-ⵉⵙ ⴰⵎ ⵓⵎⵉⴳⴰⵡ (ⴰⵛⵜⴻⵓⵔ) ⵉⵕⴻⵙⵙⴰⵏ ⵉ ⵓⴷⴻⴳⴳⴻⵔ ⵏ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⴷ ⵓⵙⴷⴻⴳⴳⴻⵔ ⵏ ⵓⵙⵙⴻⵜⵎⴻⵔ ⴷ ⵓⵎⵓⴱⴱⴰⴷⴷⴻⵍ ⵏ ⵜⵏⴻⵣⵣⵓⵜ, ⴷ ⵜⴰⵍⵍⴰⵍⵜ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵉⴷⵔⴻⵡ ⴰⴷⴰⵎⵙⴰⵏ ⵏ ⵜⴻⵎⴻⵏⵏⴰⵟ.
ⵡⵉⴷ ⵉ ⴷ-ⵜⴻⴽⴽⵉⵏ ⴷⴻⴳ ⵡⴻⴳⵔⴰⵡ-ⴰⴳⵉ ⵙⵏⴻⴽⴷⴻⵏ ⴰⵎⴰⵀⵉⵍ ⵏ ⵍⴻⵣⵣⴰⵢⴻⵔ ⴷⴻⴳ ⵓⵙⵏⴻⴼⵍⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ (ⵉⵏⴼⵔⴰⵙⵜⵔⵓⵛⵜⵓⵔⴻⵙ) ⵏ ⵜⴻⴼⵔⵉⵇⵜ, ⴷ ⵓⵟⵎⴰⵏ ⵏ ⵏⴼⴰⵄ ⵏ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ ⵏ ⵜⴻⴼⵔⵉⵇⵜ (ⵥⵍⴻⵛⴰⴼ), ⵔⵏⵉ-ⴷ ⴼⴻⵍⵍ-ⴰⵙ ⴰⵙⴷⴻⴳⴳⴻⵔ ⵏ ⵓⵙⵓⴼⴼⴻⵖ ⵖⴻⵔ ⵢⵉⴳⴻⴷⴻⵣⴻⵏ ⵏ ⵜⴻⴼⵔⵉⵇⵜ ⵉⵡⴰⴽⴽⴻⵏ ⴰⴷ ⵜⵉⵍⵉ ⵍⴻⵣⵣⴰⵢⴻⵔ ⴷ ⵜⴰⵡⵡⵓⵔⵜ ⵜⴰⵙⵔⴰⵜⵉⴷⵊⵉⵜ ⴳⴰⵔ ⵜⴻⴼⵔⵉⵇⵜ ⴷ ⵓⵎⴰⴹⴰⵍ.
ⵉⵎⴰⵀⵉⵍⴻⵏ ⵏ ⵡⴻⴳⵔⴰⵡ ⵓⵡⵢⴻⵏ-ⴷ ⴰⵟⴰⵙ ⵏ ⵜⵉⵡⴰⵍⵍⵉⵣⵉⵏ, ⴳⴰⵔ-ⴰⵙⴻⵏⵜ: ⵓⵖⵉⵡⴻⵍ ⴷⴻⴳ ⵓⵙⴻⵍⴽⴻⵎ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵉⴷⵔⴻⵡ ⴰⴷⴰⵎⵙⴰⵏ, ⴰⵙⴻⴶⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⵙⵔⵉⵎ (ⴼⵉⵏⴰⵏⵛⴻⵎⴻⵏⵜ) ⵢⴻⵄⵏⴰⵏ ⵉⵙⴻⵏⴼⴰⵔⴻⵏ ⵉⵙⵔⴰⵜⵉⴷⵊⵉⵢⴻⵏ, ⴷ ⵓⴷⴻⴳⴳⴻⵔ ⵏ ⵓⴱⴻⴷⴷⴻⵍ ⴰⵇⵎⵉ (digital transformation) ⴷ ⵜⵏⴻⵣⵣⵓⵜ ⵜⴰⵍⵉⴽⵜⵔⵓⵏⴰⵏⵜ.
ⵜⴻⴳⴳⴰⵡⴻⵜ-ⴰⴳⵉ ⵉ ⴷ-ⵢⵉⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵡⵓⵙⵙⴰⵏ ⵏ 9 ⴷ 10 ⵎⴰⵢⵓ, ⵜⵣⴻⵔ ⵓⴳⴰⵔ ⵏ 550 ⵏ ⵜⴻⵎⵍⵉⵍⵉⵢⵉⵏ ⵏ ⵙⵉⵏ, ⴷ ⵓⵙⵜⴻⵏⵢⵉ ⵏ ⵓⴳⴰⵔ ⵏ 70 ⵏ ⵢⵉⵎⵜⴰⵡⴰⵏ ⵏ ⵍⴻⴱⵖⵉ ⴷⴻⴳ ⵜⵏⴻⵣⵣⵓⵜ ⴷ ⵓⵙⵙⴻⵜⵎⴻⵔ, ⴳⴰⵔ-ⴰⵙⴻⵏⵜ 20 ⵏ ⵢⵉⵎⵜⴰⵡⴰⵏ ⵢⴻⵄⵏⴰⵏ ⵍⴻⵣⵣⴰⵢⴻⵔ.
ⴰⵙⴻⵍⵡⴰⵢ ⵏ ⵡⴰⵎⵎⴰⵙ ⴰⵄⵔⴰⴱ-ⴰⴼⵔⵉⴽⴰⵏ ⵉ ⵓⵙⵙⴻⵜⵎⴻⵔ ⴷ ⵓⵙⵏⴻⴼⵍⵉ, ⵎⴰⵙⵙ ⴱⵓⵓⵜⴰⵍⴱⵉ, ⵢⴻⵏⵏⴰ-ⴷ ⴷⴻⴳ ⵢⵉⵡⴻⵜ ⵏ ⵜⵏⴻⵖⵎⴰⵙⵜ ⴱⴻⵍⵍⵉ ⵉⵎⵜⴰⵡⴰⵏ-ⴰⴳⵉ ⴷ ⵍⵍⵙⴰⵙ ⵉⵕⴻⵙⵙⴰⵏ ⵉⵡⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⵉⵍⵉ ⴷ ⵜⴰⵡⵡⵓⵔⵜ ⵏ ⵜⵣⴻⵎⵎⴰⵔ ⵜⵉⴷⴰⵎⵙⴰⵏⵉⵏ ⴷⴻⴳ ⵜⴻⴼⵔⵉⵇⵜ. ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⴰⵎⴹⴻⴱⴱⴻⵔ ⵏ ⵓⴳⴰⴼⴰ ⵏ ⵜⴻⴼⵔⵉⵇⵜ ⴷⴻⴳ ⵥⵍⴻⵛⴰⴼ, ⵎⴰⵙⵙ ⴻⵎⵎⴰⵏⵓⴻⵍ ⵎⴱⴰⵏⴳⴰ, ⵉⵡⴰⵍⴰ ⴱⴻⵍⵍⵉ ⵜⵙⴻⵎⵎⵓⵏⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⴰⵜⵉⴳ ⵏ ⵜⵣⴻⵎⵎⴰⵔ ⵏ ⵜⴻⴼⵔⵉⵇⵜ ⵓ ⴷ ⴰⵙⵓⵔⵉⴼ ⵙⴻⴳ ⵓⵇⴻⵔⴷⴻⵛ ⵖⴻⵔ ⵓⵙⴻⵍⴽⴻⵎ ⵏ ⵜⵉⴷⴻⵜ ⵏ ⵜⴻⵎⵏⴰⵟ ⵏ ⵜⵏⴻⵣⵣⵓⵜ ⵜⵉⵍⴻⵍⵍⵉⵜ.
ⴰⵔⵏⵓ ⵖⴻⵔ
