ⵉⴳⴰ ⵓⵏⵖⵍⴰⴼ, ⵍⵡⴰⵍⵉ ⵏ ⵜⵡⵉⵍⴰⵢⵜ ⵏ ⵍⵣⵣⴰⵢⵔ, ⵎⵓⵃⵎⵎⴷ ⵄⴱⴷ ⵏⵏⵓⵔ ⵔⴰⴱⵃⵉ, ⴰⴽⴽⴷ ⵓⵏⵎⵀⴰⵍ ⴰⵎⴰⵜⵓ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ, ⵄⵍⵉ ⴱⴷⴰⵡⵉ, ⵜⵉⵔⵣⵉ ⵖⵔ ⵓⴱⵔⵉⴷ ⵉⵡⴰⴽⴽⵏ ⴰⴷ ⵥⵔⵏ ⵢⵔⵏⴰ ⴰⴷ ⵙⵇⴷⵏ ⵉⵎⵓⵀⴰⵍ ⵏ ⵓⴱⵏⴰⵢ ⵏ ⵓⵙⵏⵙⵓ ⴷ ⵓⵅⵅⴰⵎ ⴰⵎⴰⵢⵏⵓ ⵏ ⵜⵄⴰⴹⵓⴷⵉⵜ ⵜⴰⵎⴰⵜⵓⵜ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ, ⴳ ⵜⵖⵉⵡⴰⵏⵜ ⵏ ⵄⵉⵏ ⵍⴱⵏⵢⴰⵏ. ⴰⵢⴰ ⵉ ⴷ-ⵢⵏⵏⴰ ⵡⴰⵍⵖⵓ ⵏ ⵜⵡⵉⵍⴰⵢⵜ ⴰⵙⵙ ⵏ ⵓⴽⵕⴰⵙ.
ⵢⵏⵏⴰ ⵓⵖⴱⴰⵍⵓ ⵢⴰ ⴱⵍⵍⵉ ⵜⵉⵔⵣⵉ ⵢⴰ ⵢⵍⵍⴰⵏ ⵉⴹⵍⵍⵉ ⴰⵙⵙ ⵏ ⵓⴽⵔⴰⵎ (ⵜⵍⴰⵜⴰ), ⵜⵍⵍⴰ ⵙ ⵜⵉⵀⵉⵏ ⵏ ⵢⵉⵎⵙⵜⴳⴳⴰⵔⵏ ⵏ ⵜⵏⵎⵀⴰⵍⵜ ⵜⴰⵎⴰⵜⵓⵜ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ, ⴷ ⵓⵏⵙⵙⵉⵅⴼ ⵏ ⵜⵏⴼⵔⵓⵜ ⵏ ⵜⵡⵉⵍⴰⵢⵜ ⵏ ⵍⵣⵣⴰⵢⵔ, ⴷ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⵓ ⵏ ⵜⵎⵙⵙⵓⵔⵜ "ⴽⵓⵙⵉⴷⴰⵔ". ⵙⵍⴰⵏ ⴷⵉⵏⵏⴰ ⵉ ⵓⵙⴼⵙⵔ ⵖⴼ ⵓⵙⵏⴼⴰⵔ ⵉ ⵢⵍⵍⴰⵏ ⵖⴼ ⵜⵊⵓⵎⵎⴰ ⵜⴰⵎⴰⵜⵓⵜ ⵏ 41.400 ⵎ².
ⴰⵙⵏⴼⴰⵔ ⴰ ⴷⴳ-ⵙ "ⴰⴱⵏⴰⵢ ⵏ ⵓⵙⵏⵙⵓ ⵏ 80 ⵏ ⵜⵏⵓⵍⴰ (ⵜⵉⴷⵓⵍⵉⵢⵉⵏ) ⵢⵙⵄⴰⵏ ⴰⴽⴽ ⵉⵎⴰⵙⵙⵏ ⵉⵍⴰⵇⵏ ⵉ ⵓⵙⵙⵉⵥⵏ, ⵖⴼ ⵜⵊⵓⵎⵎⴰ ⵏ ⵓⴳⴰⵔ ⵏ 9 ⵏ ⵢⵉⴼⴹⵏ ⵎ²", ⴰⴽⴽⴷ "ⵓⵅⵅⴰⵎ ⴰⵎⴰⵢⵏⵓ ⵏ ⵜⵄⴰⴹⵓⴷⵉⵜ ⵜⴰⵖⵍⵏⴰⵡⵜ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ ⵖⴼ ⵜⵊⵓⵎⵎⴰ ⵏ 3 ⵏ ⵢⵉⴼⴹⵏ ⵎ²".
ⵉⵙⵡⵉ ⵏ ⵓⵙⵏⴼⴰⵔ ⴰ --ⴰⴽⴽⵏ ⵉ ⴷ-ⵢⵏⵏⴰ ⵡⴰⵍⵖⵓ-- ⴷ "ⴰⵀⵢⵢⵉ ⵏ ⵓⵎⴷⵉⵇ ⵏ ⵜⵏⴰⴼⵓⵜⵉⵏ ⵉⴽⵎⵍⵏ ⵉ ⵢⵉⵡⴰⵍⵏ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ, ⵙ ⵢⵉⵎⴰⵙⵙⵏ ⵉⵜⵔⴰⵔⵏ. ⴰⵅⵅⴰⵎ ⴰ ⴰⵎⴰⵢⵏⵓ ⵏ ⵜⵄⴰⴹⵓⴷⵉⵜ ⴰⴷ ⵢⵉⵍⵉ ⴷ ⵜⴰⵡⵉⵣⵉ ⵉ ⵓⵙⵏⵔⵏⵉ ⵏ ⵓⵙⵡⵉⵔ ⵏ ⵜⵏⴰⴼⵓⵜⵉⵏ ⵜⵉⴷⴱⵍⴰⵏⵉⵏ ⴷ ⵜⵏⴰⵎⵓⵏⵉⵏ, ⴷ ⵓⵙⵀⵍ ⵏ ⵜⵏⴰⴼⵓⵜⵉⵏ ⵏ ⵜⴷⵓⴽⵍⵉ ⵉ ⵢⵉⵄⴳⴳⴰⵍⵏ ⵏ ⵜⵏⴼⵔⵓⵜ ⵜⴰⵖⵍⵏⴰⵡⵜ ⴷ ⵜⵡⴰⵛⵓⵍⵉⵏ ⵏⵏⵙⵏ".
ⴰⵔⵏⵓ ⵖⴻⵔ
