ⵢⴻⵎⵎⴻⵔⴱⴰⴱ ⵓⵏⴻⵖⵍⴰⴼ ⵏ ⵜⴰⵥⴻⵔⵜ ⴷ ⵜⴰⵥⴻⵔⵜ ⵜⵓⵙⴻⴷⴷⴰⵢⵜ, ⵎⴰⵙⵙ ⵎⵓⵔⴰⴷ ⵄⴻⵊⵊⴰⵍ, ⴰⵙⵙ-ⴰ ⵏ ⵍⵃⴻⴷⴷ ⴷⵉ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵙ ⵓⵎⴰⵔⴰ ⴰⵎⴰⵜⵓ ⵏ ⵜⴷⵓⴽⵍⵉ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⵉ ⴷ-ⵉⵙⵓⴼⴼⵓⵖⴻⵏ ⵍⴱⵉⵜⵔⵓⵍ, ⵎⴰⵙⵙ ⴼⴰⵔⵉⴷ ⵖⴻⵣⴰⵍⵉ. ⴷⴻⴳ ⵜⵉⵎⵍⵉⵍⵉⵜ-ⴰⴳⵉ, ⵣⴻⵔⵡⴻⵏ ⵉⴼⴻⵔⴷⵉⵙⴻⵏ ⵏ ⵓⵎⵢⴰⵍⵍⴻⵍⴻⴷ ⴳⴰⵔ-ⴰⵙⴻⵏ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⵉ ⵜⵏⴻⵖⵍⴰⴼⵜ, ⵙ ⵜⵉⵍⵉⵜ ⵏ ⵢⵉⵄⴳⴰⵍⴻⵏ-ⵉⵙ, ⵎⴰⵙⵙ ⵖⴻⵣⴰⵍⵉ ⵉⵙⵙⴻⴽⵏ-ⴷ ⵜⵉⴼⵉⵍⵉⵜ ⵏ ⵓⴱⵔⵉⴷ (roadmap) ara ⵜⴻⴹⴼⴻⵔ ⵜⴷⵓⴽⵍⵉ ⴷⴻⴳ ⵡⴰⴽⵓⴷ ⵉ ⴷ-ⵉⵜⵜⴻⴷⴷⵓⵏ ⵉⵡⴰⴽⴽⴻⵏ ⴰⴷ ⵜⵙⴻⵊⵀⴻⴷ ⴰⵎⵢⴰⵍⵍⴻⵍⴻⴷ ⴰⴼⵔⵉⵇⵉ-ⴰⴼⵔⵉⵇⵉ, ⵍⴰⴷⵖⴰ ⵡⵉⵏ ⵢⴻⵣⵣⴻⵏ ⵖⴻⵔ ⵓⵙⴻⴽⴼⴻⵍ ⵏ ⵓⵇⴻⵜⵜⵓⵏ (market) ⵏ ⵜⴻⵎⵏⴰⴹⵜ. ⵢⴻⵏⵏⴰ-ⴷ ⴷⴰⵖⴻⵏ ⵡⴰⴽⴽⴻⵏ ⵜⴰⵙⵜⵔⴰⵜⵉⵊⵉⵜ-ⴰⴳⵉ ⵜⴻⵃⵡⴰⵊ ⴰⴷⵔⴰⵡ ⵏ ⵡⴰⵟⴰⵙ ⵏ ⵢⵉⵎⴻⴷⵔⴰⵡⴻⵏ ⵏ ⵜⴰⵥⴻⵔⵜ ⴷⵉ ⵍⴻⵣⵣⴰⵢⴻⵔ, ⵍⴰⴷⵖⴰ ⴰⵢⵓⵏ ⵏ ⵜⴰⵥⴻⵔⵜ ⴷ ⵜⴰⵥⴻⵔⵜ ⵜⵓⵙⴻⴷⴷⴰⵢⵜ.
ⵎⴰⵙⵙ ⵖⴻⵣⴰⵍⵉ ⵢⴻⴱⴷⴰ ⵢⵉⵡⴻⵏ ⵏ ⵓⵔⵣⴰⴼ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ ⴷⴻⴳ ⵓⵙⴰⵜⴰⵍ ⵏ ⵓⴷⵔⴰⵡ-ⵉⵙ ⴷⴻⴳ ⵜⴰⵙⵎⵉⵍⵜ ⵜⵉⵙ ⵎⵔⴰⵡ (8) ⵏ ⵜⴷⵓⴽⵍⵉ ⵜⴰⵣⵣⴰⵢⵔⵉⵜ ⵏ ⵜⵎⴻⴳⵔⵉ ⵏ ⵍⴳⴰⵣ , ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵍⴻⵜⵏⴰⵢⴻⵏ ⴷ ⵜⵜⵍⴰⵜⴰ ⴷⵉ ⵍⵎⴻⵔⴽⴰⵣ ⵏ ⵜⵉⵎⵓⵖⵍⵉⵡⵉⵏ "ⵎⵓⵃⴻⵎⵎⴻⴷ ⴱⴻⵏ ⴰⵃⵎⴻⴷ" ⴷⵉ ⵡⴻⵀⵔⴰⵏ.
ⵙ ⵜⴰⵎⴰ-ⵏⵏⵉⴹⴻⵏ, ⵎⴰⵙⵙ ⵄⴻⵊⵊⴰⵍ ⵢⴻⵏⵏⴰ-ⴷ ⵡⴰⴽⴽⴻⵏ ⵢⴻⴼⵔⴻⵃ ⵙ ⵓⵎⵢⴰⵍⵍⴻⵍⴻⴷ-ⴰⴳⵉ, ⵢⴻⵙⵔⴻⴽⴱ ⵖⴻⴼ ⵓⵣⴰⵍ ⵏ ⵓⵙⴻⵎⵖⴻⵔ ⵏ ⵓⵏⴻⵔⵎⴰⵙ ⵏ ⵜⴷⵓⴽⵍⵉ ⵉⵡⴰⴽⴽⴻⵏ ⴰⴷ ⵢⴻⴽⵛⴻⵎ ⵖⴻⵔ ⵜⴰⵥⴻⵔⵜ ⵜⵓⵙⴻⴷⴷⴰⵢⵜ, ⴰⵢⴻⵏ ⴰⵔⴰ ⴷ-ⵢⴻⵍⴷⵉⵏ ⵜⵉⵡⵡⵓⵔⴰ ⵉ ⵓⵎⵢⴰⵍⵍⴻⵍⴻⴷ ⵢⵓⵙⵄⴰⵏ, ⵡⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵙⴻⴷⴷⴻⴷ ⴰⵎⴽⴰⵏ-ⵉⵙ ⴰⵎ ⵓⵎⵉⴷⴰⵡ ⵏ ⵜⴰⵥⴻⵔⵜ ⵉ ⴼⴻⵔⵙⴰⵏ
ⴷⴻⴳ ⵓⵙⴰⵜⴰⵍ-ⴰⴳⵉ, ⴰⵏⴻⵖⵍⴰⴼ ⵢⴻⵙⵙⴻⴽⵏ-ⴷ ⵜⵉⵔⵎⴰⵏⵜ ⵜⴰⵎⴻⵇⵔⴰⵏⵜ ⵏ ⵍⴻⵣⵣⴰⵢⴻⵔ ⵙ ⵜⴽⴻⴱⴱⴰⵏⵉⵢⵉⵏ-ⵉⵙ, ⴰⵢⴻⵏ ⵉ ⵜⵜ-ⵢⴻⵔⵔⴰⵏ ⵜⴻⵣⵎⴻⵔ ⴰⴷ ⵜⴻⴽⵛⴻⵎ ⵖⴻⵔ ⵓⵇⴻⵜⵜⵓⵏ ⴰⴼⵔⵉⵇⵉ ⴷ ⵓⵙⴻⴽⴼⴻⵍ ⵏ ⵢⵉⵎⵓⵔ ⵉⵎⴻⵇⵔⴰⵏⴻⵏ ⴷⴻⴳ-ⵙ.
ⵢⴻⵎⵎⴻⵙⵍⴰⵢ-ⴷ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵜⴽⴻⴱⴱⴰⵏⵉⵜ "ⵙⵓⵏⴻⵍⴳⴰⵣ-ⵜⴰⴳⵔⴰⵖⵍⴰⵏⵜ" (Sonelgaz-International), ⴷⴻⴳ ⵓⵙⴻⵊⵀⴻⴷ ⵏ ⵓⵎⵢⴰⵍⵍⴻⵍⴻⴷ-ⴰⴳⵉ, ⵍⴰⴷⵖⴰ ⵉⵎⵉ ⵜⴻⵣⵎⴻⵔ ⴰⴷ ⵜⴻⵍⴷⵉ ⴰⴱⵔⵉⴷ ⵉ ⵜⴽⴻⴱⴱⴰⵏⵉⵢⵉⵏ ⵜⵉⵣⵣⴰⵢⵔⵉⵢⵉⵏ (ⵏ ⴷⴷⵓⵍⴰ ⴷ ⵜⵉⵏ ⵓⴷⵓⵙ) ⵉⵡⴰⴽⴽⴻⵏ ⴰⴷ ⴽⵛⴻⵎⵏⵜ ⵖⴻⵔ ⵉⵇⴻⵜⵜⵓⵏⴻⵏ ⵏ ⵍⴱⴻⵕⵕ, ⵍⴰⴷⵖⴰ ⵜⵉⵏ ⵜⴻⴼⵔⵉⵇⵜ.
ⵎⴰⵙⵙ ⵄⴻⵊⵊⴰⵍ ⵢⴻⵙⵙⴻⴷⴷⴻⴷ ⵡⴰⴽⴽⴻⵏ "ⵜⵉⵡⵡⵓⵔⴰ ⵏ ⵜⵏⴻⵖⵍⴰⴼⵜ ⵍⴷⴻⵏⵜ ⴷⵉ ⴽⵓⵢⴰⵙ ⵎⴳⴰⵍ ⵉⵙⴻⵏⴼⴰⵔⴻⵏ ⴷ ⵜⵓⵔⴷⵉⵡⵉⵏ ⴰⵔⴰ ⵢⴻⵙⵙⴻⵊⵀⴻⴷⵏ ⴰⵎⴽⴰⵏ ⵏ ⵍⴻⵣⵣⴰⵢⴻⵔ ⴷⵉ ⵜⴻⴼⵔⵉⵇⵜ, ⴰⵢⴻⵏ ⵉ ⵢⴻⴷⴷⴰⵏ ⴷ ⵜⵙⴻⵔⵜⵉⵜ ⵏ ⴱⴻⵕⵕⴰ ⵏ ⵜⴻⵇⴷⵓⴷⴰ ⵜⴰⵣⵣⴰⵢⵔⵉⵜ".
ⴰⵔⵏⵓ ⵖⴻⵔ
