ⵢⴻⵙⵙⴻⵍⵡⴰⵢ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵏ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵢⴻⵄⵏⴰⵏ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ, ⵎⴰⵙⵙ ⵙⵓⴼⵢⴰⵏ ⵛⴰⵢⴻⴱ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⴻⴷⴷⴰ ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⴰⴷⴰⵎⵙⴰⵏ, ⴰⵎⴻⵜⵜⴰⵢⴰⵏ ⴷ ⵜⴰⵡⵏⵏⴰⴹⵜ (ⵛⵏⴻⵙⴻ), ⵎⴰⵙⵙ ⵎⵓⵀⴰⵎⴻⴷ ⴱⵓⵓⵅⴰⵔⵉ, ⴰⵍⴷⴰⵢ ⵏ ⵍⵡⴻⵕⵛⴰ ⵏ ⵓⵎⴰⵀⵉⵍ ⵏ ⵓⵎⵛⴻⵡⵡⴻⵔ ⵖⴻⴼ ⵓⵙⴰⵍⵉ ⵏ ⵓⵙⵉⵡⴹ ⴰⵖⴻⵍⵏⴰⵡ ⵏ ⵍⴻⴱⵖⵉ ⵡⵉⵙ ⵙⵉⵏ ⵏ ⵢⵉⵙⵡⵉⵢⴻⵏ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ . ⵍⵡⴻⵕⵛⴰ-ⴰⴳⵉ ⵜⴻⵙⵙⴻⴳⴳⵉⵔ-ⵉⵜⵜ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⵙ ⵜⴷⵓⴽⵍⵉ ⴷ ⵓⵙⵇⴰⵎⵓ ⵛⵏⴻⵙⴻ.
ⴷⴻⴳ ⵜⵎⴻⵙⵍⴰⵢⵜ-ⵉⵙ ⵏ ⵜⴰⵣⵡⴰⵔⴰ, ⵉⵙⵙⴻⴽⵏⴻⴷ-ⴷ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⴱⴻⵍⵍⵉ ⴰⵙⵓⴷⴷⴻⵙ ⵏ ⵍⵡⴻⵕⵛⴰ-ⴰⴳⵉ ⵓⴼⵔⵉⵏⴻⵏ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⵙⴻⴽⵛⴻⵎ ⵏ ⵢⵉⵎⵉⴳⴰⵡⴻⵏ ⵏ ⵜⵎⴻⵜⵜⵉ ⵜⴰⵖⵔⵉⵎⵜ ⴷ ⵓⵏⵏⴰⵔ ⴰⵎⴰⵙⵙⴰⵏ ⴷⴻⴳ ⵓⵙⴰⵍⵉ ⵏ ⵓⵙⵉⵡⴹ-ⴰⴳⵉ. ⵜⵎⵓⵔⵜ-ⵏⵏⴻⵖ ⵜⴻⵙⵙⴰⵔⴰⵎ ⴰⴷ ⴷ-ⵜⴻⵙⵏⴻⴽⴻⵏ ⴰⵙⵉⵡⴹ-ⴰⴳⵉ ⴷⴻⴳ ⵓⵙⵡⵉⵔ ⵏ ⵓⵙⴰⵢⴻⵙ ⴰⵙⴻⵔⵜⵉ ⵏ ⵓⵙⵡⵉⵔ ⵉⵄⵍⴰⵢⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⴳⴳⵓⵔ ⵏ ⵢⵓⵍⵢⵓ ⵉ ⴷ-ⵉⵜⵜⴻⴷⴷⵓⵏ ⵙ ⵜⵎⵓⵖⵍⵉ ⵏ ⵓⵙⵇⴰⵎⵓ ⴰⴷⴰⵎⵙⴰⵏ ⴷ ⵓⵎⴻⵜⵜⴰⵢⴰⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ONU).
ⵉⵙⵔⴻⵚ ⵓⵎⵙⴻⴳⵍⴰⵡⴰⵢ ⵏ ⵓⵡⴰⵏⴰⴽ ⵖⴻⴼ ⵓⵎⴰⵀⵉⵍ ⵉⵕⴻⵙⵙⴰⵏ ⵏ ⵜⵎⴻⵜⵜⵉ ⵜⴰⵖⵔⵉⵎⵜ, ⵉⵎⵉ ⵜⴻⵜⵜⴻⴷⴷⵓ ⴷⴻⴳ ⵡⴰⵏⵏⴰⵔ ⵢⴻⵔⵏⴰ ⵜⴻⵇⵔⴻⴱ ⵖⴻⵔ ⵓⵖⴻⴱⴱⴻⵍ ⵏ ⵢⵉⵎⴻⵣⴷⴰⵖ, ⴰⵢⴻⵏ ⵉ ⵜⵜ-ⵢⴻⴶⴶⴰⵏ ⴰⴷ ⴷ-ⵜⴻⵎⵜⴻⵍ ⵢⴰⴽⴽ ⵜⵓⴷⴷⵙⵉⵡⵉⵏ ⵏ ⵜⵎⴻⵜⵜⵉ ⵓ ⴰⴷ ⵜⴹⴼⴻⵔ ⵏⴼⴰⵄ ⵏ ⵜⵉⴷⴻⵜ ⵏ ⵜⵙⴻⵔⵜⵉⵢⵉⵏ ⵜⵉⴳⴷⵓⴷⴰⵏⵉⵏ. ⵉⵙⵍⴻⵎ-ⴷ ⴷⴰⵖⴻⵏ ⵙ ⵓⵎⴰⵀⵉⵍ ⵏ ⵓⵏⵏⴰⵔ ⴰⵎⴰⵙⵙⴰⵏ ⴷ ⵓⵏⴰⴷⵉ, ⵉⵎⵉ ⵉⵟⵟⴰⴽ ⵜⴰⵔⵔⴰⵢⵉⵏ ⴷ ⵜⴻⵙⵍⴻⵟ (analyses) ⵜⵉⵎⴰⵙⵙⴰⵏⵉⵏ ⵉ ⵓⵙⴰⵜⵉⴳ ⵏ ⵜⵙⴻⵔⵜⵉⵢⵉⵏ ⴷ ⵓⵙⵓⵎⴻⵔ ⵏ ⵡⴰⵍⵍⴰⵍⴻⵏ ⵉⵎⴰⵢⵏⵓⵜⴻⵏ.
ⵉⵎⴰⵀⵉⵍⴻⵏ ⵏ ⵍⵡⴻⵕⵛⴰ-ⴰⴳⵉ ⵉ ⵢⴻⴷⴷⴻⵎⴻⵏ ⴰⵙⵙ ⵙ ⵍⴻⴽⵎⴰⵍ, ⴷⴷⴰⵏ-ⴷ ⴷⴻⴳ-ⵙⴻⵏ ⵢⵉⴹⴻⴱⵙⵉⵢⴻⵏ ⵏ ⵓⴷⵉⵡⴻⵏⵏⵉ ⴷ ⵜⵎⴻⵙⵍⴰⵢⵜⵉⵏ ⵏ ⵢⵉⵎⵓⵣⵣⴰⴳⴻⵏ (experts) ⴷ ⵢⵉⵎⴹⴻⴱⴱⵔⴻⵏ ⵉ ⴷ-ⵢⴻⴼⴽⴰⵏ ⵜⵉⴽⵜⵉⵡⵉⵏ ⵉ ⵓⵙⴻⴶⵀⴻⴷ ⵏ ⵓⵙⵉⵡⴹ-ⴰⴳⵉ.
ⴰⵔⵏⵓ ⵖⴻⵔ
