ⵜⴰⵖⴻⵔⴷⴰⵢⵜ - ⵜⵙⴻⵍⵡⴰⵢⵜ ⵏ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ, ⵎⴰⵙⵙⴰ ⵍⴻⵉⵍⴰ ⴰⵙⵙⴻⵍⴰoⵓⵉ, ⴰⵙⵙ ⵏ ⵓⵙⵉⵏⴰⵙ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⴰⵔⵥⴰⵎ ⵏ ⵢⵉⵎⴰⵀⵉⵍⴻⵏ ⵏ ⵓⵙⴰⵔⴰⴳ ⴰⵖⴻⵍⵏⴰⵡ ⵡⵉⵙ ⴽⵓⵥ ⵏ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ, ⵙ ⵓⵣⵡⴻⵍ « ⵜⴰⵎⵍⵉⵍⵜ ⵏ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ ⴷⴻⴳ ⵓⴷⵔⴰⵙ ⵏ ⵜⵖⴰⵔⴰ ⵏ ⵓⵙⵉⴹⴻⴼ ⴷ ⵓⴹⵎⴰⵏ ⵏ ⵓⵔⴽⴰⴷ-ⵏⵏⴻⵙ ».
ⴰⵙⴰⵔⴰⴳ-ⴰ, ⵢⴻⵜⵜⵡⴰⵙⵙⵓⴷⴷⵙⴻⵏ ⵖⴻⴼ ⵙⵉⵏ ⵏ ⵡⵓⵙⵙⴰⵏ ⵙ ⵓⴱⵍⴰⴳ ⴷ ⵡⴰⵀⵉⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⴳⵎⵓ, ⴷ ⵜⴻⵙⴷⴰⵡⵉⵜ ⵏ ⵜⵖⴻⵔⴷⴰⵢⵜ, ⵢⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵜⵉⴷⴷⵉⵜ ⵏ ⵓⵡⴰⵏⴰⴽ ⵢⴻⵞⵞⴰⵜⴻⵏ ⵉⵍⵎⴻⵏⴷ ⵏ ⵓⵙⵙⴻⵔⵙⵉ ⵏ ⵢⵉⴳⴻⵊⴷⴰ ⵏ ⵜⴰⵖⴻⵍⵍⵉⵙⵜ ⵜⴰⵣⴻⵔⴼⴰⵏⵜ ⴷⴻⴳ ⵎⴻⵏⵏⴰⵡ ⵏ ⵜⵖⵓⵍⴰ, ⴷ ⵓⵙⵙⴻⵔⵙⵉ ⵏ ⵡⴰⵙⵙⴰⵖⴻⵏ ⴰⵙⵙⵎⴰⴷⴰⵏ ⴳⴰⵔ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ, ⴰⴳⵔⴰⵡ ⴷ ⵜⴻⵖⴷⴻⵎⵜ, ⵉⵍⵎⴻⵏⴷ ⵏ ⵓⵙⴻⴹⵔⵓ ⵏ ⵜⵖⴰⵔⴰ ⵏ ⵓⵙⵉⴹⴻⴼ ⴷ ⵜⴻⴹⵎⴰⵏⵜ ⵏ ⵓⵔⴽⴰⴷ-ⵏⵏⴻⵙ.
ⴰⵀⵉⵍ ⵏ ⵜⴻⴷⵢⴰⵏⵜ-ⴰ ⵜⵓⵙⵙⵏⴰⵏⵜ, ⵢⴻⴱⴹⴰⵏ ⵖⴻⴼ ⴽⵔⴰⴹ ⵏ ⵜⴻⵖⵎⵉⵍⵉⵏ, ⵢⴻⴳⴱⴻⵔ 16 ⵏ ⵜⴻⴳⴻⵔⵎⴰⵏⵉⵏ ⵉ ⴷ-ⵢⴻⵜⵜⴰⵡⵉⵏ ⵖⴻⴼ ⵙⴻⵎⵎⵓⵙ ⵏ ⵢⵉⵙⴻⵏⵜⴰⵍ ⵉⵙⵙⵎⴰⴷⴰⵏⴻⵏ, ⵢⴻⵙⵙⵍⵓⵎⵎⵙⴻⵏ ⵖⴻⴼ ⵜⴰⴽⴽⴰⵢⵉⵏ ⵏ ⵓⵙⵎⵓⵜⴻⴳ ⵏ ⵓⵙⵉⴹⴻⴼ ⴷ ⵜⵖⵡⴰⵙⵉⵡⵉⵏ ⵏ ⵜⵖⴰⵔⴰ ⵏ ⵢⵉⵙⴰⴹⵓⴼⴻⵏ ⴷⴻⴳ ⵓⴽⴰⵜⴰⵔ-ⵏⵙⴻⵏ ⴰⵎⴻⵏⴹⴰⵡⴰⵏ ⴷ ⵓⵣⴻⵔⴼⴰⵏ, ⴰⴽⴽⴻⵏ ⴷⴰⵖⴻⵏ ⵖⴻⴼ ⵜⴰⵎⵍⵉⵍⵜ ⵏ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ ⴷⴻⴳ ⵜⴻⴹⵎⴰⵏⵜ ⵏ ⵜⵖⴰⵔⴰ ⵏ ⵓⵙⵉⴹⴻⴼ ⴷ ⵓⵔⴽⴰⴷ-ⵏⵙⴻⵏ ⵙ ⵜⵓⵇⵇⵏⴰ-ⵏⵏⴻⵙ ⵖⴻⵔ ⵓⵡⴰⵜⵉ ⵏ ⵢⵉⵙⵓⴹⴰⴼ ⵉⴳⴰⵎⴰⵏⴻⵏ ⵉ ⵜⴻⵎⵏⴹⴰⵡⵜ ⴷ ⵓⴷⵔⴰⵙ ⵖⴻⴼ ⵜⵎⴻⵏⴹⴰⵡⵜ ⵏ ⵢⵉⵙⵓⴹⴰⴼ.
ⵉⵎⴰⵀⵉⵍⴻⵏ ⵏ ⵓⵙⴰⵔⴰⴳ ⵜⵜⵡⴰⵙⴻⴹⵔⴻⵏ ⵙⵖⵓⵔ ⵢⵉⵎⴰⵙⵍⴰⴹⴻⵏ ⵏ ⵜⵙⴻⵏⴱⴻⵔⵜ ⵜⴰⵎⴻⵏⴹⴰⵡⴰⵏⵜ ⴷ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⵉⵙⴻⵎⵜⴰⵔⴻⵏ ⵏ ⵜⵙⴻⵏⴱⴻⵔⵜ ⵜⵓⵏⵏⵉⴳⵜ ⴷ ⵓⵙⴻⵇⵇⴰⵎⵓ ⵏ ⵓⵡⴰⵏⴰⴽ, ⵉⵙⴻⵍⵎⴰⴷⴻⵏ ⵏ ⵓⵍⵎⵓⴷ ⵉⵎⵉⵏⴻⴳ ⵉⵎⵓⵙⵙⵏⴰⵡⴻⵏ ⴷⴻⴳ ⵓⵙⴰⴹⵓⴼ, ⴷ ⵢⵉⴳⴻⵏⵙⴰⵙⴻⵏ ⵏ ⵜⵓⴷⴷⵙⴰ ⵏ ⵢⵉⴱⵓⴳⴰⵟⵓⵜⴻⵏ.

