ⵢⴻⵍⵖⵓ-ⴷ ⵓⵙⵇⴰⵎⵓ ⵓⵏⵉⴳ ⵏ ⵢⵉⵍⵎⴻⵣⵢⴻⵏ (ⵀⵛⵊ), ⵡⴰⵙⵙ-ⴰ ⵏ ⵍⵃⴻⴷ ⴷⴻⴳ ⵓⴷⵢⴰⵏ-ⵉⵙ, ⴷⴻⴳ ⵓⵃⵔⴰⵣ ⵏ ⵓⵀⴻⴳⴳⵉ ⵏ ⵜⵉⴼⵔⴰⵏⵉⵢⵉⵏ ⵏ ⵓⵙⵙⵍⵉⴼ ⵏ ⵡⴰⵙⵙ ⵏ 2 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ, ⵖⴻⴼ ⵓⵙⴻⵏⴽⴻⵔ ⵏ ⵜⴰⵙⵉⵡⴻⵍⵜ ⵜⵉⵙ ⴽⵔⴰⴹ ⵏ ⵓⵀⴻⵢⵢⵓⵍ "ⵀⴰⵢⴰ ⵙⵀⴰⴱⴰⴱ". ⴰⵢⴰⴳⵉ ⴷ ⴰⵙⴼⵓⴽⴽⴻⵍ ⵏ ⵓⴹⵎⴰⵏ-ⵉⵙ ⵉ ⵓⵔⴻⵇⵇⴻⵔ ⵏ ⵜⵜⴻⴽⴽⵉ ⵓⵙⴻⵔⵜⴰⵏ ⵏ ⵢⵉⵍⵎⴻⵣⵢⴻⵏ ⴷⴻⴳ ⵜⴰⵔⵔⴰⵢⵉⵏ ⵏ ⵜⵓⴳⴷⵓⵜ.
ⵉⵙⵉⴳ ⵏ ⵓⵀⴻⵢⵢⵓⵍ-ⴰⴳⵉ ⴷⴻⴳ ⵓⵃⵔⵉⵛ-ⵉⵙ ⴰⵎⴻⵏⵣⵓ ⴷ "ⴰⵙⴻⴱⵖⴻⵙ ⵏ ⵢⵉⵍⵎⴻⵣⵢⴻⵏ ⵉⵡⴰⴽⴽⴻⵏ ⴰⴷ ⵊⴻⵔⵔⴻⵏ ⵉⵎⴰⵏ-ⵏⵙⴻⵏ ⴷⴻⴳ ⵢⵉⵣⴻⵟⵟⵡⴰⵏ ⵏ ⵜⴻⴼⵔⴰⵏⵉⵢⵉⵏ, ⴷⴻⴳ ⵜⴰⵍⵍⵉⵜ ⵏ ⵓⵚⴻⴳⴳⴻⵎ ⵏ ⵢⵉⵣⴻⵟⵟⵡⴰⵏ-ⴰⴳⵉ ⵙⴻⴳ 12 ⴰⵔ 26 ⵢⴻⴱⵔⵉⵔ ⵉ ⴷ-ⵜⵀⴻⴳⴳⴰ ⵜⴰⵙⵓⵍⵟⴰⵏⵜ ⵜⴰⵖⴻⵍⵏⴰⵡⵜ ⵜⴰⵏⴰⵎⵉⵜ ⵏ ⵜⴻⴼⵔⴰⵏⵉⵢⵉⵏ (ⴰⵏⵉⴻ)", ⴰⴽⴽⴻⵏ ⵉ ⴷ-ⵉⵙⴻⴳⵣⵉ ⵡⵓⵏⴰⴱⴰⵖ-ⵏⵏⵉ.
ⵓⵃⵔⵉⵛ ⵡⵉⵙ ⵙⵉⵏ ⵏ ⵓⵀⴻⵢⵢⵓⵍ-ⴰⴳⵉ ⵉⵙⵉⴳ-ⵉⵙ ⴷ "ⴰⵙⵃⵉⵔⵔⴻⴽⵉ ⵏ ⵢⵉⵍⵎⴻⵣⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵏ ⵙ ⵍⵯⴻⵀⴷ ⴷ ⵜⵎⵓⵙⵏⵉ ⴷⴻⴳ ⵜⴻⴼⵔⴰⵏⵉⵢⵉⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵓⵙⴻⴳⴳⴰⵙ ⵏ 2026".
ⴰⴷⵢⴰⵏ-ⵏⵏⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⵉⵡⴻⵍⵜ-ⴰⴳⵉ ⴷ ⵜⵉⵏ ⵉ ⴷ-ⵢⵓⵙⴰⵏ ⴷⴻⴳ "ⵜⴰⵔⵔⴰⵢⵜ ⵜⴰⵎⴰⵜⵓⵜ ⵢⴻⴱⵏⴰ ⵖⴻⴼ ⵓⵅⴻⴷⴷⵉⵎ ⵏ ⵡⴰⵏⵏⴰⵔ ⴷ ⵓⵎⴻⵙⵍⴰⵢ ⵏ ⵔⵔⵉⴼ. ⴰⴷ ⴷ-ⵢⵉⵍⵉⵏⵜ ⵜⵏⴻⵣⵣⴰⵢⵉⵏ ⵏ ⵜⴻⵍⵖⵓⵜ ⴷ ⵢⵉⵀⵓⵍⴰⴼ ⵏ ⵍⵇⴻⵔⴱ ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴽⴰⵎⴻⵍ, ⵉ ⵡⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵉⵙⴰⵍⵉ ⵖⴻⵔ ⵜⵓⴷⴷⴰⵔ, ⵉⵎⵓⴷⴰⵖ ⴷ ⵜⴰⵎⵉⵡⵉⵏ ⵏ ⵍⵖⴰⵛⵉ".
ⵉⵎⴰⵙⵍⴰⵢⴻⵏ ⵏ ⵓⵙⵇⴰⵎⵓ ⴰⴷ ⴷ-ⵜⴻⴽⴽⵉⵏ ⴷⴻⴳ ⵢⵉⵎⴻⵀⵍⴰⵏ ⵏ ⵓⵡⴻⵣⵣⵉⵢ ⵉ ⵡⴰⴽⴽⴻⵏ "ⴰⴷ ⴷ-ⵉⵙⴱⴻⴳⴳⵏⴻⵏ ⴰⵣⴰⵍ ⵏ ⵓⵊⴻⵔⵔⴻⴷ ⴷⴻⴳ ⵢⵉⵣⴻⵟⵟⵡⴰⵏ ⵏ ⵜⴻⴼⵔⴰⵏⵉⵢⵉⵏ, ⵉⵎⵉ ⴷ ⴰⵙⵓⵔⵉⴼ ⴰⵎⴻⵏⵣⵓ ⴷⴻⴳ ⵜⵓⴳⴷⵓⵜ".
ⴰⵙⵇⴰⵎⵓ ⵢⴻⴱⵖⴰ "ⴰⴷ ⴷ-ⵢⴻⵙⴱⴻⴷⴷ ⵜⴰⵢⴻⵔⵣⴰ ⵏ ⵜⵜⴻⴽⴽⵉ ⴷⴻⴳ ⵜⴻⴼⵔⴰⵏⵉⵢⵉⵏ ⵖⴻⵔ ⵢⵉⵍⵎⴻⵣⵢⴻⵏ, ⵉⵎⵉ ⴷ ⵜⵉⴽⵍⵉ ⵏ ⵜⵖⴻⵔⵎⴰ ⵉ ⴷ-ⵉⵙⴱⴻⴳⴳⵉⵏⴻⵏ ⴰⵣⴰⵍ ⵏ ⵓⵎⴻⵔⵣⵉ ⴷⴻⴳ ⵓⵙⴰⵍⵉ ⵏ ⵜⵙⵓⴷⴰ ⵏ ⴷⴷⵓⵍⴰ, ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⵇⴻⵏ ⴳⴰⵔ ⵢⵉⵍⵎⴻⵣⵢⴻⵏ ⴷ ⵜⵙⵓⴷⴰ ⵏ ⴱⴰⵢⵍⴻⴽ".
ⴰⵙⵓⵔⵉⴼ-ⴰⴳⵉ ⴷ "ⴰⵙⴼⵓⴽⴽⴻⵍ ⵏ ⵜⴷⵓⴽⵍⴰ ⴷ ⵓⵏⵢⵓⴷⴷⵓ ⴳⴰⵔ ⵢⵉⵎⴻⵣⴳⴰⵞ ⵉ ⵡⴰⴽⴽⴻⵏ ⴰⴷ ⴷ-ⴰⵡⴹⴻⵏ ⵢⵉⵙⵡⵉⵢⴻⵏ ⵉⵖⴻⵍⵏⴰⵡⴻⵏ, ⴷ ⵓⵃⵔⴰⵣ ⵏ ⵢⵉⵎⴻⵀⵍⴰⵏ ⵏ ⵢⵉⵍⵎⴻⵣⵢⴻⵏ ⵉ ⴷ-ⵢⵓⵙⴰⵏ ⵙ ⴷⴷⴰⵡ ⵏ ⵍⵉⵏⴰⵢⴰ ⵏ ⵜⵙⵓⵍⵟⴰⵏⵜ ⵜⵓⵏⵏⵉⴳⵜ ⵏ ⵜⵎⵓⵔⵜ, ⵍⴰⴷⵖⴰ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ".
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⵙⵇⴰⵎⵓ ⵓⵏⵉⴳ ⵏ ⵢⵉⵍⵎⴻⵣⵢⴻⵏ ⵢⴻⵙⵙⴰⵡⴻⵍ ⵉ ⵢⵉⵎⴻⵣⴳⴰⵞ ⵏ ⵢⵉⵍⵎⴻⵣⵢⴻⵏ ⵉ ⵡⴰⴽⴽⴻⵏ "ⴰⴷ ⴷ-ⴽⴻⵛⵎⴻⵏ ⵙ ⵍⵯⴻⵀⴷ ⴷⴻⴳ ⵜⴰⵙⵉⵡⴻⵍⵜ-ⴰⴳⵉ, ⵉ ⵡⴰⴽⴽⴻⵏ ⴰⴷ ⵜⵉⵣⵎⵉⵔⴻⵎ ⴰⴷ ⵜⵊⴻⵔⵔⴻⵎ ⵉⵎⴰⵏ-ⵏⵡⴻⵏ ⴷⴻⴳ ⵢⵉⵣⴻⵟⵟⵡⴰⵏ ⵏ ⵜⴻⴼⵔⴰⵏⵉⵢⵉⵏ ⴷ ⵜⵜⴻⴽⴽⵉ ⴷⴻⴳ ⵜⵎⴻⴷⴷⵓⵔⵜ ⵏ ⴱⴰⵢⵍⴻⴽ, ⵉ ⵡⴰⴽⴽⴻⵏ ⴰⴷ ⴷ-ⵉⵙⴱⴻⴳⴳⵏⴻⵏ ⴰⵢⴻⵏ ⵙⵙⴰⵔⴰⵎⴻⵏ ⵉⵍⵎⴻⵏⴷ ⵏ ⵢⵉⵎⴰⵍ ⵏ ⵍⴻⵣⵣⴰⵢⴻⵔ".
ⴰⵔⵏⵓ ⵖⴻⵔ
