ⵜⴰⵎⵖⴰⵔⵜ ⵏ ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⵜⴻⵙⵙⴻⵏⴽⴰⴷ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ, ⵜⵉⵔⵣⵉ ⵉ ⴷ-ⵢⴻⵅⴷⴻⵎ ⵍⵒⴰⵒⴰ ⵍⵢⵓⵏ ⵡⵉⵙ ⵎⵔⴰⵡ ⴷ ⴽⵓⵣ (14) ⵖⴻⵔ ⵡⴻⵎⴽⴰⵏ-ⴰⴳⵉ. ⵜⵡⴰⵍⴰ-ⵜⵜ ⴷ ⵜⴰⵍⵍⵉⵜ ⵓⴼⵔⵉⵏⴻⵏ ⵉ ⴷ-ⵉⵙⴽⴻⵏ ⴰⵙⴻⵏⵎⴻⵔ ⵏ ⵓⵎⴰⴹⴰⵍ ⵙ ⵍⵇⴻⴷⴷ-ⵉⵙ ⵏ ⴷⴷⵉⵏ ⴷ ⵜⵖⴻⵔⵎⴰ, ⴷ ⵓⵙⴻⴷⴷⴻⵔ ⵏ ⵡⴻⵎⴽⴰⵏ ⴰⴳⵔⴻⵖⵍⴰⵏ ⵉ ⵜ-ⵉⴷ-ⵉⵚⴰⵃⴻⵏ.
ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⵉⵙⵍⴻⵎ ⵙ ⵓⴼⵔⴰⵏ ⵏ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵜⵉⵍⵉ ⴷ ⵜⴰⴳⵏⵉⵜ ⵜⴰⵎⴻⵏⵣⵡⵓⵜ ⴷⴻⴳ ⵓⵏⵉⴳ ⴰⴼⵔⵉⴽⴰⵏ ⵏ ⵍⵒⴰⵒⴰ ⵏ ⵍⵠⴰⵜⵉⴽⴰⵏ. ⴰⵢⴰⴳⵉ ⵢⴻⵔⵔⴰ ⵜⵉⵔⵣⵉ-ⴰⴳⵉ ⴰⴷ ⵜ-ⴰⵡⵡⵉ "ⵉⵏⵓⵎⴰⴽ ⵏ ⵓⵣⴰⵎⵓⵍ ⵍⵇⴰⵢⴻⵏ", ⵓ ⴷ "ⵜⴰⴳⵏⵉⵜ ⵜⴰⵎⴰⵢⵏⵓⵜ ⵉ ⵓⵙⴰⵍⵉ ⵏ ⵓⴷⵉⵡⴻⵏⵏⵉ ⴳⴰⵔ ⵜⵖⴻⵔⵎⵉⵡⵉⵏ ⴷ ⵓⵙⴻⴶⵀⴻⴷ ⵏ ⵜⵉⵍⵉⵢⵉⵏ ⵏ ⵡⴻⴼⵀⴰⵎ ⴳⴰⵔ ⵢⵉⴳⵓⵔⴻⴼ".
ⵓⵖⴱⴰⵍⵓ-ⵏⵏⵉ ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵉⵔⵣⵉ ⵏ ⵍⵒⴰⵒⴰ ⵍⵢⵓⵏ ⵡⵉⵙ 14 ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵜⴻⵙⴽⴻⵏ "ⵍⵇⴻⴷⴷ ⵏ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⵉ ⵓⵔ ⵏⴻⵟⵟⵉⵍⴰ ⴰⵎⴻⵣⵔⵓⵢ-ⵉⵙ ⴰⴷⴻⵍⵙⴰⵏ ⴷ ⵓⴳⴻⵔⵔⵓⵊ-ⵉⵙ ⵏ ⵜⴰⵍⵙⴰ. ⵍⴻⵣⵣⴰⵢⴻⵔ ⵜⴻⵇⵇⵉⵎ ⵜⵜⴻⴷⴷⵓ ⵙ ⴷⴷⵉⵏ-ⵉⵙ ⵏ ⵢⵉⵏⵙⴻⵍⵎⴻⵏ ⴷ ⵍⴰⵙⴻⵍ-ⵉⵙ ⴰⵖⴻⵍⵏⴰⵡ ⴷ ⵜⴰⵔⵔⴰⵢⵜ-ⵉⵙ ⵏ ⴷⴷⵉⵏ ⵏ ⵡⴰⵎⵎⴰⵙⵉ ⵜⴻⵙⴷⵓⴽⴻⵍ ⴷ ⵜⵎⵓⵔⴰ ⵏ ⵓⴳⴰⴼⴰ ⵏ ⵜⴻⴼⵔⵉⵇⵜ ⴷ ⵜⵎⵓⵔⴰ ⵏ ⵙⴰⵀⴻⵍ. ⴰⵢⴰ ⵢⴻⵔⵔⴰ-ⵜⵜ ⴷ ⴰⵎⵔⴰⵃ ⵉ ⵢⴻⵙⴷⵓⴽⴽⵓⵍⴻⵏ ⵜⴻⴱⵔⴰⵜⵜ ⵏ ⵓⵎⵎⵉⵣⵉ ⴷ ⵓⵄⴻⴷⴷⴻⵍ".
ⴷⴻⴳ ⵓⵏⵏⴰⵔ-ⴰⴳⵉ, ⵍⴶⴰⵎⴻⵄ ⵏ ⵍⴻⵣⵣⴰⵢⴻⵔ ⵉⵄⴰⵡⴻⴷ ⵉⵙⵔⴻⵚ "ⵜⵓⵛⵛⵉⵜ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵉⵜⵜⴻⴽⴽⵉ ⴷⴻⴳ ⵓⵙⴱⴻⴷⴷⵉ ⵏ ⵜⵎⴰⴳⵉⵜ ⵏ ⵓⴷⵉⵡⴻⵏⵏⵉ ⴷ ⵓⵇⴻⴷⴷⴻⵔ ⴳⴰⵔ ⵢⵉⴷⵍⴻⵙ ⴷ ⵜⵖⴻⵔⵎⵉⵡⵉⵏ ⵉ ⵏⴼⴰⵄ ⵏ ⵍⵀⵉⴱⴰ ⵏ ⵓⵎⴷⴰⵏ ⴷ ⵓⵙⴻⴶⵀⴻⴷ ⵏ ⵡⴰⵣⴰⵍⴻⵏ ⵏ ⵍⴻⵀⵏⴰ ⴷ ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵢⵉⵡⴻⵏ ⵏ ⵓⵎⴰⴹⴰⵍ ⵉ ⵢⴻⴱⵖⴰⵏ ⴰⵙⵏⴻⴼⵍⵉ ⴷ ⵡⵓⵔⴰⴽⵓ".
ⴰⵔⵏⵓ ⵖⴻⵔ
