ⴱⴷⴰⵏ, ⴰⵙⵙ-ⴰ ⵏ ⵜⵜⵍⴻⵜⴰ ⴷⵉ ⵍⴷⵣⴰⵢⴻⵔ ⵜⴰⵎⴰⵏⵏⴻⵖⵜ, ⵜⴰⵔⵔⴰⵢⵉⵏ ⵜⵉⵎⴻⵏⵣⵓ ⵏ ⵓⵙⵉⵍⴻⵖ ⵏ ⵓⵀⴻⴱⴻⵍ "ⴰⴼ-ⴷ ⵜⵉⴽⵜⵉ ⵏ ⵓⵙⴻⵏⴼⴰⵔ-ⵉⴽ" (ⵜⵔⵉⴻ) ⵉ ⵓⵙⴻⴳⴳⴰⵙ 2026, ⵙ ⵓⴼⵓⵙ ⵏ ⵜⵇⴻⵔⵔⴰⵛⵜ ⵜⴰⵖⴻⵍⵏⴰⵡⵜ ⵏ ⵓⵙⴻⴷⵍⴻⵍ ⴷ ⵓⵙⴻⵏⵏⴻⵔⵏⵉ ⵏ ⵜⵎⵓⵇⵓⵍⴰⵏⵜ (ⵏⴻⵙⴷⴰ) - ⵍⴷⵣⴰⵢⴻⵔ ⵜⴰⵏⴰⵎⵎⴰⵙⵜ, ⵉ ⵢⵉⵏⴻⵍⵎⴰⴹⴻⵏ ⵏ ⵓⵙⵉⵍⴻⵖ ⵏ ⵜⵖⴻⵍⵍⵉⵙⵜ ⵏ ⵓⴷⵉⵊⵉⵜⴰⵍ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵇⴻⵔⵔⴰⵛⵜ.
ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⴷⵉ ⵜⵇⴻⵔⵔⴰⵛⵜ, ⵜⴻⵜⵜⴻⴽⴽⴻⵙ ⴷⴻⴳ ⵓⵙⴰⵜⴰⵍ ⵏ ⵓⵙⴻⵏⵏⴻⵔⵏⵉ ⵏ ⵓⵀⴻⴱⴻⵍ ⵏ ⵜⵎⵓⵇⵓⵍⴰⵏⵜ ⵖⵓⵔ ⵢⵉⴼⴻⴷⴷⴰⴳⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵓⵙⵉⵍⴻⵖ ⵏ ⵓⵎⴰⵀⵉⵍ, ⵍⴰⴷⵖⴰ ⵡⵉⴷ ⵏ ⵜⴰⵜⵉⵇⵏⵉⵢⵉⵏ ⵢⴻⵇⵇⵏⴻⵏ ⵖⴻⵔ ⵓⴱⴻⴷⴷⴻⵍ ⵏ ⵓⴷⵉⵊⵉⵜⴰⵍ. ⴷⵔⴰⵏ-ⴷ ⴷⴻⴳ ⵓⵙⵉⵍⴻⵖ-ⴰⴳⵉ ⵢⵉⵏⴻⵍⵎⴰⴹⴻⵏ ⵏ ⵓⵙⵡⵉⵔ ⴰⵖⴻⵍⵏⴰⵡ ⵏ ⵓⵙⵉⵍⴻⵖ ⵏ ⵓⵎⴰⵀⵉⵍ "ⵟⴰⵢⴻⴱ ⴱⵓⵙⵙⴻⵏⴰ", ⵏ ⵜⵖⴻⵍⵍⵉⵙⵜ ⵏ ⵓⴷⵉⵊⵉⵜⴰⵍ, ⵉⵡⴰⴽⴽⴻⵏ ⴰⴷ ⵎⵉⵔⴻⵏ ⵉⵍⵎⴻⵥⵢⴻⵏ ⴰⴷ ⵔⵔⴻⵏ ⵜⵉⵣⴰⵎⵎⴰⵔ-ⵏⵙⴻⵏ ⵏ ⵜⵜⵉⵇⵏⵉ ⵖⴻⵔ ⵢⵉⵙⴻⵏⴼⴰⵔⴻⵏ ⵏ ⵡⴰⵙⵙⴻⵎⵔⴻⴹ ⵢⴻⵣⵎⵔⴻⵏ ⴰⴷ ⴷ-ⵉⵍⴰⵍⴰⵏ.
ⴰⵀⴻⴱⴻⵍ-ⴰⴳⵉ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ, ⵢⴻⵙⵄⴰ ⴽⵔⴰ ⵏ ⵢⵉⵃⵔⵉⵛⴻⵏ ⵉ ⵓⵙⴻⵏⵎⴰⵍⵢ ⵏ ⵜⵉⴽⵜⵉ ⵏ ⵓⵙⴻⵏⴼⴰⵔ, ⴰⵙⴻⵔⴱⴻⴷ ⵏ ⵓⵣⴻⵏⴼⴰⵍⵉ ⵏ ⵓⴼⴰⵔⵉⵙ, ⴰⴽⴽⴻⴷ ⵓⵙⴽⴰⵏ ⵏ ⵡⴰⵍⵍⴰⵍⴻⵏ ⵏ ⵓⵙⴻⴷⵍⴻⵍ ⵉ ⴷ-ⵜⴻⴼⴽⴰ ⵜⴻⵇⴻⵔⵔⴰⵛⵜ "ⵏⴻⵙⴷⴰ". ⴷⴻⴳ ⵜⴰⵔⵔⴰⵢⵜ-ⴰⴳⵉ, ⴼⴽⴰⵏ-ⴷ ⴷⴰⵛⵓ ⵉ ⴷ ⴰⵣⵔⴻⴼ ⵢⴻⵇⵇⵏⴻⵏ ⵖⴻⵔ ⵓⵙⴻⴷⵍⴻⵍ ⵏ ⵜⵎⵓⵇⵓⵍⴰⵏⵜ, ⵍⴰⴷⵖⴰ ⴰⴽⴽⴻⵙ ⵏ ⵜⴱⴰⵖⵓⵔⵜ, ⴰⵍⵍⴰⵍⴻⵏ ⵏ ⵓⵙⴻⴷⵍⴻⵍ ⵏ ⵜⵜⵉⵇⵏⵉ ⴷ ⵜⴷⴻⴱⴻⵍⵜ, ⴰⴽⴽⴻⴷ ⵡⵓⴷⴻⵎ ⵏ ⵓⵙⴻⴷⵔⵉⵎ ⵉ ⵡⵉⴷ ⵢⴻⵙⵄⴰⵏ ⵢⵉⵙⴻⵏⴼⴰⵔⴻⵏ.
ⵢⵉⵏⴻⵍⵎⴰⴹⴻⵏ ⴷⵔⴰⵏ-ⴷ ⴷⴻⴳ ⵓⴷⵉⵡⴻⵏⵏⵉ, ⵍⴰⴷⵖⴰ ⵖⴻⴼ ⴷⴰⵛⵓ ⵉ ⵔⵏⴰⵏ ⴷ ⵜⴰⵣⴰⵎⵎⴰⵔ ⵏ ⵜⵖⴻⵍⵍⵉⵙⵜ ⵏ ⵓⴷⵉⵊⵉⵜⴰⵍ ⵉ ⵜⵎⵓⵇⵓⵍⴰⵏⵜ ⵜⴰⵎⴰⵢⵏⵓⵜ ⵉ ⵢⴻⵙⵄⴰⵏ ⴰⵎⴽⴰⵏ ⴷⵉ ⵙⵙⵓⵇ ⵏ ⵜⵎⵓⵔⵜ. ⵓⵙⵉⵍⴻⵖ-ⴰⴳⵉ ⴰⴷ ⵉⴽⴻⵎⵎⴻⵍ ⴰⵔ ⵜⴰⴳⴳⴰⵔⴰ ⵏ ⵢⵉⵎⴰⵍⴰⵙⵙ, ⴰⴷ ⵉⵡⴻⵙⵄ ⵉⵡⴰⴽⴽⴻⵏ ⴰⴷ ⵢⴻⵙⵄⵓ ⵜⴰⵜⵉⵇⵏⵉⵢⵉⵏ ⵏⵏⵉⴹⴻⵏ ⴷⴻⴳ ⵓⵙⴻⴳⴳⴰⵙ-ⴰⴳⵉ.
ⴰⵔⵏⵓ ⵖⴻⵔ
