ⵢⴻⵅⴷⴻⵎ ⴰⵙⵙ-ⴰ ⵏ ⵍⵃⴻⴷⴷ ⵓⵏⴻⵖⵍⴰⴼ, ⴰⵡⴰⵍⵉ ⵏ ⵜⵡⵉⵍⴰⵢⵜ ⵏ ⴷⵣⴰⵢⴻⵔ, ⵎoⵀⴰⵎⴻⴷ ⵄⴱⴷⴻⵏⵏoⵓⵔ ⵕⴰⴱⵀⵉ, ⵜⵉⵔⵣⵉ ⵏ ⵓⵙⴻⵏⵇⴻⴷ ⵖⴻⴼ ⵓⵙⴻⵏⴼⴰⵔ ⵏ ⵓⵙⴻⵏⴽⴻⵔ ⵏ ⵓⵖⵔⴻⵎ ⵏ ⵢⵉⴷⵍⴻⵙ ⴷ ⵓⵙⵏⵓⴼⴼⴻⵙ ⴷⴻⴳ ⵜⵖⵉⵡⴰⵏⵜ ⵏ ⴱⴰⵔⴰⴽⵉ, ⵄⵍⴰ ⵃⵙⴰⴱ ⵏ ⵡⵓⵍⵖⵓ ⵏ ⵢⵉⵎⴻⵥⵍⴰ ⵏ ⵜⵡⵉⵍⴰⵢⵜ.
ⵢⴻⵔⵙⴰ ⵓⵙⴻⵏⴼⴰⵔ-ⴰ ⵉ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵜⴰⵔ ⵏ ⵓⵎⴻⴷⵀⴻⵍ ⴰⴷⵣⴰⵢⵔⵉ-ⴰⵛⵉⵏⵡⵉ, ⵙ ⵜⴰⵍⵖⴰ ⵏ ⵜⴻⴽⴼⴰⵡⵜ ⵉ ⴷ-ⵢⴻⴼⴽⴰ ⵜⴻⴳⴷⵓⴷⴰ ⵜⴰⵖⴻⵔⴼⴰⵏⵜ ⵏ ⵛⵛⵉⵏⵡⴰ, ⵖⴻⴼ ⵜⵊⵓⵎⵎⴰ ⵉ ⵉⵇⴻⵕⵕⴱⴻⵏ ⵖⴻⵔ 10 ⵏ ⵢⵉⵀⵉⴽⵟⴰⵔⴻⵏ, ɛⵍⴰ ⵃⵙⴰⴱ ⵏ ⵓⵖⴱⴰⵍⵓ-ⵏⵏⵉ.
ⵢⴻⴳⴱⴻⵔ ⵓⵖⵔⴻⵎ ⵏ ⵢⵉⴷⵍⴻⵙ ⴷ ⵓⵙⵏⵓⴼⴼⴻⵙ ⴷⴷⴻⵇⵙ ⵏ ⵜⵎⴻⵥⵍⴰ ⵜⵉⴷⴻⵍⵙⴰⵏⵉⵏ, ⵜⴰⴷⴷⴰⵍⴰⵏⵉⵏ ⴷ ⵓⵙⵏⵓⴼⴼⴻⵙ, ⵙⴻⴳ-ⵙⴻⵏⵜ ⵜⴰⵅⵅⴰⵎⵜ ⵏ ⵢⵉⴷⵍⴻⵙ, ⵜⴰⵣⴻⵇⵇⴰ ⵏ ⵢⵉⵙⴻⵏⴼⴰⵔⴻⵏ, ⵜⵉⵣⴻⵖⵡⴰ ⵏ ⵙⵙⵉⵏⵉⵎⴰ, ⵔⴻⴱɛⴰ ⵏ ⵢⵉⵎⴻⵥⴷⴰⵖ ⵏ ⵡⴰⵎⴰⵏ, ⴰⵟⴰⵙ ⵏ ⵢⴰⵏⵏⴰⵔⴻⵏ ⴰⴷⴷⴰⵍⴰⵏⴻⵏ, ⴰⵖⴻⵔⴱⴰⵣ ⵏ ⵢⵉⴳⴻⵔⴷⴰⵏ, ⴰⵅⵅⴰⵎ ⵏ ⵢⵉⵍⵎⴻⵥⵢⴻⵏ, ⴷ ⵜⴻⵎⴽⴰⵕⴹⵉⵜ, ⵔⵏⵓ ⵖⴻⵔ ⵜⴰⵍⵍⵓⵏⵉⵏ ⵏ ⴱⴻⵕⵕⴰ ⵉ ⵢⴻⵜⵜⵡⴰⵙⵀⴻⴳⴷⴻⵏ ⵉ ⵓⵃⴻⴱⴱⴻⵔ ⵖⴻⴼ ⵢⵉⵔⵎⵓⴷⴻⵏ ⴷ ⵜⵎⴻⵣⴳⵉⵢⵉⵏ ⵢⴻⵎⴳⴰⵔⴰⴷⴻⵏ.
ⵢⴻⵣⵎⴻⵔ ⵍⴻⴱⵏⵉ-ⴰ ⴰⴷ ⵢⵉⵍⵉ "ⴷ ⵜⴰⵖⴰⵡⵙⴰ ⵜⴰⵎⴻⵧⵕⴰⵏⵜ ⵉ ⵜⵙⴻⴷⴷⴰⵡⵜ ⵜⴰⴷⴻⵍⵙⴰⵏⵜ ⴷ ⵓⵙⵏⵓⴼⴼⴻⵙ ⴷⴻⴳ ⵜⵎⴰⵏⴰⵖⵜ, ⵙ ⵓⵙⵉⴳⴻⵥ ⵏ ⵜⴰⵍⵍⵓⵏⵉⵏ ⵉ ⵉⴷⴷⴰⵏ ⴰⴽⴽⴻⴷ ⵜⴷⵢⵏⴰⵎⵉⵜ ⵉ ⵖⴻⴼ ⵜⴻⵥⵔⴰ ⵜⵡⵉⵍⴰⵢⵜ ⵏ ⴷⵣⴰⵢⴻⵔ ⵙ ⵓⵙⵓⴷⴷⴻⵙ ⴷ ⵓⵃⴻⴱⴱⴻⵔ ⵖⴻⴼ ⵜⵎⴻⵣⴳⵉⵢⵉⵏ ⴷ ⵢⵉⵔⵎⵓⴷⴻⵏ ⵢⴻⵎⴳⴰⵔⴰⴷⴻⵏ, ⵔⵏⵓ ⵖⴻⵔ ⵓⵙⵉⴳⴻⵥ ⵏ ⵓⵖⴱⴰⵍⵓ ⴰⵎⴷⵉⵏⴰⵏ ⵉ ⵍⴼⴰⵢⴷⴰ ⵏ ⵢⵉⵍⵎⴻⵥⵢⴻⵏ ⴷ ⵜⵡⴰⵛⵓⵍⵉⵏ, ⵍⴰⴷⵖⴰ ⵉⵎⴻⵣⴷⴰⵖ ⵏ ⵓⵏⴱⴰⴹ ⴰⴷⵉⴳⴰⵏ ⵏ Bⴰⵔⴰⴽⵉ", ⴰⴽⴽⴻⵏ ⵉ ⴷ-ⵢⴻⴷⴷⴰ ⴷⴻⴳ ⵡⵓⵍⵖⵓ.
ⴷⴻⴳ ⵜⵉⵔⵣⵉ-ⴰ, ⵢⴻⴼⴽⴰ-ⴷ ⵎⴰⵙⵙ ⵕⴰⴱⵀⵉ ⴰⵟⴰⵙ ⵏ ⵜⵖⵓⵔⵉⵡⵉⵏ ⵉ ⵢⴻⵙɛⴰⵏ ⵉⵙⵡⵉ ⵏ ⵓⵙⵖⵓⵔⵜⵉ ⵏ ⵡⴰⴷⴷⴰⴷ ⵏ ⵓⵙⴻⵏⴽⴻⵔ, ⵍⴰⴷⵖⴰ ⴰⵢⴻⵏ ⵉ ⵉⵞⵓⴷⴷⴻⵏ ⵖⴻⵔ ⵓⵚⴻⴳⴳⴻⵎ ⵏ ⵜⵏⴻⴳⴳⴰⵔⵉⵏ ⵏ ⵓⵙⴻⵏⴼⴰⵔ ⴷ ⵓɛⴻⵙⵙⴰⵙ ⵖⴻⴼ ⵜⵡⴻⵏⵏⴰⴹⵜ-ⵉⵙ, ⴷ ⵓⵙⵎⴻⴷ ⵏ ⵍⴻⵇⴷⵉⵛⴰⵜ ⵏ ⵓⵇⴻⵍⴰⵙ ⴰⴽⴽⴻⴷ ⵢⵉⵥⴻⴹⵡⴰ ⵢⴻⵎⴳⴰⵔⴰⴷⴻⵏ, ⵙ ⵓⵙⴻⴽⴽⴻⴷ ⵖⴻⴼ ⵡⴰⵣⴰⵍ ⵏ ⵓⵙⵊⴻⵀⴻⴷ ⵏ ⵓⵙⴻⵎⵢⵓⴷⴷⴻⵙ ⴳⴰⵔ ⵢⵉⵎⴻⵥⵍⴰ ⵢⴻⵎⴳⴰⵔⴰⴷⴻⵏ ⴷ ⵢⵉⵎⴻⵜⵜⵉⵢⴻⵏ, ⵙ ⵡⴰⵢⴻⵏ ⵉ ⴷ-ⵢⴻⵜⵜⴰⴽⴽⴻⵏ ⴰⵙⵎⴻⴷ ⵏ ⵍⴻⵇⴷⵉⵛⴰⵜ ⴷ ⵓⵙⵙⵉⵡⴻⴹ ⵏ ⵓⵙⴻⵏⴼⴰⵔ ⴷⴻⴳ ⵢⵉⵎⴻⵏⵣⴰⵢⴻⵏ ⵉ ⵢⴻⵜⵜⵡⴰⵙⴻⴱⴷⴻⵏ, ⵉ ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.

