ⴰⵙⴰⵍⴰⵢ "ⵓⵙⵙⴰⵏ ⵏ ⵍⵒⴻⵔⴼⴰⵜ", ⵉ ⴷ-ⵢⴻⴱⴷⴰⵏ ⵜⴰⵎⴻⴷⴷⵉⵜ ⵏ ⵍⴻⵜⵏⵉ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵎⵓⴼⴷⵉ ⵣⴰⴽⴰⵔⵉⴰ ⴷⵉ ⵡⴰⵔⴻⴳⵍⴰ, ⵢⵓⴼⴰ-ⴷ ⵓⵔⵣⵓ ⴰⵎⴻⵇⵇⵔⴰⵏ ⵏ ⵢⵉⵍⵎⴻⵣⵢⴻⵏ ⵉ ⴷ-ⵢⵓⵙⴰⵏ ⵉⵡⴰⴽⴽⴻⵏ ⴰⴷ ⵡⴰⵍⴰⵏ ⵢⴰⴽⴽ ⵢⵉⴱⴻⵔⴷⴰⵏ ⵏ ⵍⵅⴻⴷⵎⴰ ⴷ ⵜⴰⴳⵏⴰⵜⵉⵏ ⵏ ⵓⵙⴱⴻⴷⴷⵉ ⵏ ⵜⵙⵓⴷⴷⵡⵉⵏ ⵏ ⵓⵏⵓⵍⴼⵓ (ⵙⵜⴰⵔⵜⵓⴱⵙ).
ⵜⴰⴳⵏⵉⵜ-ⴰⴳⵉ ⵜⴻⵡⵡⵉ-ⴷ ⴰⵙⵙⴻⴱⴳⴻⵏ ⵏ ⵡⴰⵟⴰⵙ ⵏ ⵍⵒⴻⵔⴼⴰⵜ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵏ ⵍⵒⴻⵔⴼⴰ, ⵔⵏⵓ ⵖⴻⴼ ⵡⴰⵢⴰⴳⵉ ⵜⵎⵓⵖⵍⵉ ⵖⴻⴼ ⵡⴰⵢⴻⵏ ⵉ ⴷ-ⵅⴻⴷⵎⴻⵏ ⵢⵉⵏⴻⵍⵎⴰⴷⴻⵏ ⵏ ⵢⵉⵖⴻⵔⴱⴰⵣⴻⵏ-ⴰⴳⵉ, ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⵜⴰⵣⴰⵎⴻⵔⵜ ⵉ ⴷ-ⵓⴳⵎⴻⵏ ⴷⴻⴳ ⵓⴱⵔⵉⴷ ⵏ ⵓⵙⵉⵍⴻⵖ.
ⴷⴻⴳ ⵓⴱⵔⵉⴷ-ⴰⴳⵉ, ⴰⵏⴻⵎⵒⴰⵍ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵏ ⵍⵒⴻⵔⴼⴰ ⵏ ⵍⵡⵉⵍⴰⵢⴰ ⵏ ⵡⴰⵔⴻⴳⵍⴰ, ⵎⴰⵙⵙ ⴰⵒⵎⴻⴷ ⴱⴰⵍⵅⴰⴷⴻⵎ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⴰⵙⴼⵓⴳⴳⵓⵍ ⵙ "ⵓⵙⵙⴰⵏ ⵏ ⵍⵒⴻⵔⴼⴰⵜ" ⵢⴻⵙⵡⴰ ⵓⵇⴻⵔⵔⴻⴱ ⵏ ⵢⵉⵍⵎⴻⵣⵢⴻⵏ ⵖⴻⵔ ⵍⵒⴻⵔⴼⴰⵜ ⵉ ⴷ-ⵢⴻⵜⵜⴰⴽ ⵢⵉⵒⵔⵉⵛ-ⴰⴳⵉ ⴷ ⵜⵎⵓⵙⵙⵏⵉ ⵏ ⵢⵉⵎⴰⵍ-ⵏⵙⴻⵏ.
ⴷⴻⴳ ⵓⵙⴰⵍⴰⵢ-ⴰⴳⵉ, ⵍⵍⴰⵏ-ⴷ ⴷⴰⵖⴻⵏ ⵢⵉⵎⴰⵡⵍⴰⵏ ⵏ ⵜⵙⵓⴷⴷⵡⵉⵏ ⵏ ⵓⵏⵓⵍⴼⵓ ⴷⴻⴳ ⵍⵡⵉⵍⴰⵢⴰ ⵉ ⴷ-ⵢⴻⴼⴽⴰⵏ ⴰⵎⴻⴷⵢⴰ ⵏ ⵡⴰⵢⴻⵏ ⵅⴻⴷⵎⴻⵏ ⴷ ⴰⵎⴻⴽ ⵉ ⴷ-ⵙⵓⴼⴼⵓⵖⴻⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ.
ⵍⴻⵇⴷⵉⵛ-ⴰⴳⵉ ⴰⵔⴰ ⵢⵉⴷⵓⵎⵎⴻⵏ ⵙⵉⵏ ⵏ ⵡⵓⵙⵙⴰⵏ (9 ⴷ 10 ⵎⴻⵖⵔⴻⵙ), ⴷ ⴰⵎⵓⵔ ⵙⴻⴳ ⵓⵙⴻⵏⴼⴰⵔ ⵏ ⵍⴻⵇⴷⵉⵛ ⵏ ⵢⵉⵒⵔⵉⵛ ⵏ ⵓⵙⵉⵍⴻⵖ ⵉⵡⴰⴽⴽⴻⵏ ⴰⴷ ⵢⴻⵙⵏⴻⵔⵏⵉ ⵛⵛⴱⴰⵃⴰ ⵏ ⵓⴱⵔⵉⴷ-ⴰⴳⵉ ⵏ ⵜⵎⵓⵙⵙⵏⵉ.
ⴰⵔⵏⵓ ⵖⴻⵔ
