ⴷⵣⴰⵢⴻⵔ ⵜⴰⵎⴰⵏⴻⵖⵜ- ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⵎⵉ ⵢⴻⵙⵙⴻⵍⵡⵉ ⴰⵙⵙ ⵏ ⵓⵙⴰⵎⴰⵙ, ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵙ ⵜⴹⵓⵍⵍⵉⵜ ⵏ ⵓⵙⵉⵙⵉ ⵏ ⵜⵡⵉⵍⴰⵡⵉⵏ ⵏ ⵛⵛⵍⴻⴼ, ⵎⴻⵙⵜⵖⴰⵏⴻⵎ ⴷ ⵜⵍⴻⵎⵙⴰⵏ ⵙ ⵡⴰⵎⴰⵏ ⵏ ⵢⵉⵍⴻⵍ ⵢⴻⵜⵜⵡⴰⵙⵉⵣⴷⴳⴻⵏ ⵖⴻⴼ ⵣⵉⴽ, ⵉⵎⵉ ⵍⵍⴰⵏⵜ ⴷⴻⴳ ⵜⴻⴳⵏⵉⵜ ⵜⵓⵣⵡⵉⵔⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⵢⴻⵙⵙⴻⴳⵣⴰ-ⴷ ⵓⵖⴱⴰⵍⵓ-ⴰ ⴷⴰⴽⴽⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴻⵏⴼⴰⵔⴻⵏ ⵏ ⵓⵣⵎⴰⵍ ⵏ ⵢⵉⴳⵓⵜⴰ ⵙ ⵓⵙⵜⴰⴳ ⵓⵙⵔⵉⴷ ⵉ ⵢⵉⵎⴰⵀⵉⵍⴻⵏ ⵏ ⵓⵙⴼⵓⵔⴻⴽ ⴰⵙⴰⴷⴷⴰⵏ ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ ⵏ ⵓⵙⵔⵉⵙⴻⵏ ⴷⴻⴳ ⵜⵡⵉⵍⴰⵡⵉⵏ -ⴰ, ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵜⴰⴹⵓⵍⵍⵉⵜ ⵏ ⵓⴹⴽⴰⵍ ⵓⵜⵔⵉⴱ ⵙ ⵓⵙⵉⵙⵉ ⵏ ⵜⵡⵉⵍⴰⵢⵉⵏ ⵏ ⵛⵍⴻⴼ, ⵎⵓⵙⵜⵖⴰⵏⴻⵎ, ⴷ ⵜⵍⴻⵎⵙⴰⵏ ⵙ ⵡⴰⵎⴰⵏ ⵏ ⵢⵉⵍⴻⵍ ⵢⴻⵜⵜⵡⴰⵙⴻⵣⴷⴳⴻⵏ, ⵉⵎⵉ ⵍⵍⴰⵏⵜ ⴷⴻⴳ ⵜⴻⴳⵏⵉⵜ ⵜⵓⵣⵡⵉⵔⵜ, ⵙⴰⴽⴽⵉⵏ ⴰⴷ ⵜⴻⵜⵜⵡⴰⵙⴻⵎⵖⴻⵔ ⵜⴻⵎⵀⴻⵍⵜ ⵏ ⵓⵙⵉⵡⵡⴻⴹ ⵏ ⵡⴰⵎⴰⵏ-ⴰ ⵖⴻⵔ ⵜⵡⵉⵍⴰⵢⵉⵏ ⵏⵉⴹⴻⵏ, ⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⵜⴻⵣⵔⴰⵡⵜ ⵜⴰⵜⵡⵉⵍⴰⵏⵜ ⵏ ⵢⴰⵍ ⵜⴻⴳⵏⵉⵜ ⴰⴽⴽⴻⵏ ⴰⴷ ⴷ-ⵙⴻⴱⴹⴻⵏ ⵙ ⵜⵙⴻⴷⴷⵉ ⵜⵉⵣⴻⵎⵎⴰⵔ-ⵏⵙⴻⵏⵜ ⵜⵉⴷⵉⴳⴰⵏⵉⵏ ⵏ ⵡⴰⵎⴰⵏ ⵉⴼⵍⴰⵙⴻⵏ ⴷ ⵡⴰⵎⴰⵏ ⵏ ⴷⴷⴰⵡ ⵜⵎⵓⵔⵜ ⵓⵇⴱⴻⵍ ⵎⴰ ⵙⴼⴰⵢⴷⵉⵏ ⵙⴻⴳ ⵜⴻⵜⵡⵉⵍⵜ ⵏ ⵓⵙⵉⵥⴻⴹ ⵏ ⵡⴰⵎⴰⵏ ⵏ ⵢⵉⵍⴻⵍ.
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⵓⵍⴻⵙ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵏⵓⴹⴻⴼ ⵓⵎⵇⵉⵜ ⵏ ⵜⵓⴽⵛⵉ ⵏ ⵜⵉⵙⵎⴰⵡⵉⵏ ⵏ ⵜⵖⵓⵣⵉ ⵏ ⵡⵓⵏⴰⵏ ⵉ ⵓⵃⵔⴰⵣ ⵏ ⵡⴰⵎⴰⵏ ⵏ ⴷⴷⴰⵡ ⵜⵎⵓⵔⵜ.
ⵢⵓⵎⴻⵕ ⴷⴰⵖ ⴰⵏⴰⴱⴰⴹ ⴰⴽⴽⴻⵏ ⴰⴷ ⵢⴻⵔⵔ ⵙⵏⴰⵜ ⵏ ⵜⵏⴻⵇⵇⵉⴹⵉⵏ-ⴰ ⴷⴻⴳ ⵓⵙⴻⵏⴼⴰⵔ ⵏ ⵓⵙⴰⴹⵓⴼ ⵏ ⵡⴰⵖⴰⴷ ⴰⴽⴻⵔⵔⴰⵣⴰⵏ ⵉ ⵍⴰ ⴷ-ⵢⴻⵜⵜⵡⴰⵙⵎⵓⵜⵓⴳⴻⵏ ⵉⵎⵉⵔ-ⴰ, ⵢⴻⵔⵏⵓ ⴰⴷ ⵢⴻⵜⵜⵡⴰⵙⵎⴰⵀⵉ ⵉ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵔⵣⴰⵏ ⴰⴳⵣⵓⵎ ⵏ ⵜⴽⴻⵔⵔⴰⵣⵜ, ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵍⵖⵓ-ⴰ.
ⴰⵔⵏⵓ ⵖⴻⵔ
