ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵜⵓⴷⴷⵎⴰ ⵏ ⵡⴰⴽⴰⵜⴻⵏ ⵉⴷⴻⵖⵢⴰⵏⴻⵏ ⵉ ⵜⵙⴻⵎⵙⴻⴷⴷⵓⵜ ⵏ ⵓⴹⴼⴰⵔ ⵏ ⵡⴰⵜⵉⴳⴻⵏ ⵏ ⵜⵏⴰⵎⴻⵜ ⵏ ⵢⵉⴼⴰⵔⵉⵙⴻⵏ ⵏ ⵓⵙⵓⴻⵔ ⴰⵎⴻⵇⵇⵔⴰⵏ ⴷ ⵜⵉⵍⵍⵉⵏ-ⵏⵙⴻⵏ

ⴷⵣⴰⵢⴻⵔ ⵜⴰⵎⴰⵏⴻⵖⵜ- ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵓⵏⴻ, ⵎⵉ ⵢⴻⵙⵙⴻⵍⵡⵉ, ⴰⵙⵙ ⵏ ⵓⵙⴰⵎⴰⵙ, ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵙ ⵜⵓⴷⴷⵎⴰ ⵏ ⵡⴰⴽⴰⵜⴻⵏ ⵉⴷⴻⵖⵢⴰⵏⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵎⵙⴻⴷⴷⵓⵜ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⵉ ⵓⴹⴼⴰⵔ ⴰⵢⴰⵍⴰⵙ ⵏ ⵡⴰⵜⵉⴳⴻⵏ ⴷ ⵜⵏⴰⵎⴰⵍⵜ ⵏ ⵢⵉⴼⴰⵔⵉⵙⴻⵏ ⵏ ⵓⵙⵓⴷⴻⵔ ⴰⵎⴻⵇⵇⵔⴰⵏ ⴷ ⵜⵉⵍⵍⵉⵏ-ⵏⵙⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴻⵍⵍⵓⵢ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ  ⵓⵍⵖⵓ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.

ⵢⴻⵙⵙⴻⴳⵣⴰ-ⴷ ⵓⵖⴱⴰⵍⵓ-ⴰ ⴷⴰⴽⴽⴻⵏ “ ⴷⴻⴳ ⵡⴰⵢⴻⵔⵏ ⵢⴻⵔⵣⴰⵏ ⵜⴰⵙⴻⵎⵙⴻⴷⴷⵓⵜ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⵉ ⵓⴹⴼⴰⵔ ⴰⵢⴰⵍⴰⵙ ⵏ ⵡⴰⵜⵉⴳⴻⵏ ⴷ ⵜⵏⴰⵎⴰⵍⵜ ⵏ ⵢⵉⴼⴰⵔⵉⵙⴻⵏ ⵏ ⵓⵙⵓⴷⴻⵔ ⴰⵎⴻⵇⵇⵔⴰⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⴳⴻⵍⵍⵓⵢ ⴰⵖⴻⵍⵏⴰⵡ, ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵜⵓⴷⴷⵎⴰ ⵏ ⵡⴰⴽⴰⵜⴻⵏ-ⴰ : ⴰⵙⵎⵓⵜⴻⴳ ⵏ ⵓⵙⴻⵏⴼⴰⵔ ⴰⴹⵔⵉⵙ ⵉ ⵓⵙⵓⴷⴷⴻⵙ ⵓⵎⵇⵉⵜ ⵏ ⵡⴻⵔⵎⵓⴷ ⵏ ⵢⵉⵏⴻⴱⴷⴰⵎⵎⴰⵙⴻⵏ ⵏ ⵓⵙⴻⵏⵣⵉ ⵊⴰⵔ ⵉⵏⴼⴰⵔⴰⵙⴻⵏ ⴷ ⵢⵉⵖⴻⵔⵎⴰⵏⴻⵏ, ⵢⴻⵙⵙⴻⵏⴷⴻⵀ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴷ ⵢⴻⵔⵥⴻⵎ ⵜⴰⵙⴻⵙⵜⴰⵏⵜ ⵜⴰⴷⴻⵖⵢⴰⵏⵜ ⵖⴻⴼ ⵜⴰⵎⵍⵉⵍⵜ ⵜⴰⵏⴻⵎⴳⴰⵍⵜ ⵏ ⴽⵔⴰ ⵏ ⵢⵉⵎⴰǧⴰⵡⴻⵏ ⴷⴻⴳ ⵓⴽⵡⴰⵛ ⵏ ⴷ ⵓⵙⵏⴻⵔⵏⵉ ⵏ ⵡⴰⵜⵉⴳⴻⵏ ⵏ ⵉⴽⴻⵙⵎⴰⵏ ⴷ-ⵢⴻⵜⵜⵡⴰǧⴰⵡⴻⵏ ⴰⴽⴽⴻⴷ ⴽⵔⴰ ⵏ ⵢⵉⴳⴻⵣⵣⴰⵔⴻⵏ ⵉ ⵜⴻⵏ-ⵢⴻⵣⵣⵏⵓⵣⴰⵏ ⵙ ⵡⴰⵜⵉⴳ ⵏ ⵉⴽⴻⵙⵎⴰⵏ ⴰⴷⵉⴳⴰⵏ, ⴷ ⵓⵎⴳⴰⵔⴻⴷ ⵊⴰⵔ ⵏ ⵡⴰⵜⵉⴳⴻⵏ ⵏ ⵉⴽⴻⵙⵎⴰⵏ ⴷ-ⵢⴻⵜⵜⵡⴰǧⵡⴻⵏ ⵖⴻⵔ ⵜⴻⴳⵣⴰⵔⵉⵏ ⴷⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⵢⴻⵔⵏⵓ ⵓⵍⴰ ⴷⴻⴳ ⵉⴳⵎⴰⵎⴻⵏ.
ⵢⴻⵙⵙⴻⵏⴷⴻⵀ ⴰⵏⴻⵖⵍⴰⴼ ⵏ ⵓⴳⴻⵏⵙⵓ ⴰⴽⴽⴻⵏ « ⴰⴷ ⵢⴻⵙⵙⴻⵎⵢⵓⴷⴷⴻⵙ ⴷ ⵢⵉⵡⴰⵍⵉⵢⴻⵏ ⵏ ⵜⴻⴳⴷⵓⴷⴰ ⴰⴽⴽⴻⵏ ⴰⴷ ⴷ-ⵙⵎⵓⵢⴻⵏⵜⴻⵏ ⵜⴰⵙⴻⵎⵙⴻⴷⴷⵓⵜ ⴰⵔⴰ ⵢⴻǧǧⴻⵏ ⴰⴷ ⴷ-ⵢⵉⵍⵉ ⵓⵙⵖⴰⵢ ⵏ ⵜⵎⴻⵔⵏⵉⵡⵜ ⵏ ⵢⵉⴼⴰⵔⵉⵙⴻⵏ ⵉⴷⵉⴳⴰⵏⴻⵏ ⴷ ⵓⵙⴻⵎⴷⴻⵍ-ⵏⵙⴻⵏ ⴷ ⵓⵙⴻⵔⵙⵉ-ⵏⵙⴻⵏ ⴷⴻⴳ ⵓⵍⵣⵓⵣⴻⵏ ⵎⵉ ⵜⵜⵡⴰⴽⴻⵍⵙⴻⵏ ⵉⵎⴰⵜⴰⵔⴻⵏ ⵉⵎⴻⵣⵡⵓⵔⴰ ⵏ ⵓⵏⴼⴰⵍ ⵏ ⵡⴰⵜⵉⴳⴻⵏ ⵖⴻⴼ ⵢⵉⵙⵡⵉ ⵏ ⵉⵃⵔⴰⵣ ⵏ ⵜⴻⵣⵎⴻⵔⵜ ⵏ ⵜⵎⴻⵙⵖⵉⵡⵜ ⵏ ⵢⵉⵖⴻⵔⵎⴰⵏⴻⵏ », ⵉⴷ ⵏ « ⵓⵙⵎⵓⵜⴻⴳ ⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⵙⵖⵓⵔ ⵓⵖⵍⵉⴼ ⵏ ⵜⵏⴻⵣⵣⵓⵜ ⵜⴰⴳⴻⵏⵙⵉⵜ ⵉ ⵓⵙⵉⵍⴻⵜ ⵏ ⵡⴰⵜⵉⴳⴻⵏ ⴷ ⵓⵙⴱⴰⴹ ⵏ ⵜⴰⵎⴰ ⵜⴰⴱⴰⵖⵓⵔⴰⵏⵜ ⴷⴻⴳ ⵜⵉⴷⴰⵍ, ⵉⵃⵍⵓⵍⴻⵏ, ⵉⵔⴻⴽⵜⵉⵢⴻⵏ ⴷ ⵉⴽⴻⵙⵎⴰⵏ, ⵉⴷ ⵏ ⵜⵓⴷⴷⵎⴰ ⴷⴻⴳ ⵍⴻⵃⵙⴰⴱ ⵏ ⵜⴻⵣⵔⴰⵔⵉⵏ ⵏ ⵓⴼⴰⵔⴻⵙ ⴷ ⵓⵙⵖⴻⵏⵣ ».
ⵢⵓⵎⴻⵕ ⴷⴰⵖ « ⴰⵙⴻⵔⵙⵉ ⵏ ⵢⵉⵡⴻⵏ ⵏ ⵓⵏⴰⴳⵔⴰⵡ ⵓⵔⵏⴻⵎⵎⴰⵙ ⵉⴷⴻⴳ ⴰⴷ ⵔⴻⴼⴷⴻⵏ ⵉⵏⴻⵎⵀⴰⵍⴻⵏ ⵏ ⵜⵏⴻⵣⵣⵓⵜ, ⴷⴷⴰⵡ ⵜⵎⴰⵙⵉⵜ ⵏ ⵢⵉⵡⴰⵍⵉⵢⴻⵏ, ⴰⴹⴼⴰⵔ ⴰⴷⵉⴳⴰⵏ ⴰⵢⴰⵍⴰⵙ ⵏ ⵡⴰⵜⵉⴳⴻⵏ ⵏ ⴷ ⵜⵏⴰⵎⴰⵍⵜ ⵏ ⵢⵉⴼⴰⵔⵉⵙⴻⵏ ⵏ ⵓⵙⵓⴷⴻⵔ ⴰⵎⴻⵇⵇⵔⴰⵏ », ⵔⵏⵓ-ⴰⵙ « ⴰⵙⵏⴻⵔⵏⵉ ⵏ ⵓⵎⴹⴰⵏ ⵏ ⵜⴻⵖⵍⴰⵎⵉⵏ ⵏ ⵓⴹⴼⴰⵔ ⵏ ⵡⴰⵜⵉⴳⴻⵏ ⴷⴷⴰⵡ ⵓⵖⵍⵉⴼ ⵏ ⵜⵏⴻⵣⵣⵓⵜ ⵜⴰⴳⴻⵏⵙⵉⵜ, ⵙ ⵓⵙⵡⴰⴹ ⵏ ⵓⵏⵔⴰⵔ ⴰⵢⴰⵍⴰⵙ ⵢⴻⵜⵜⴽⴻⵎⵎⵉⵍⴻⵏ ⴷⴻⴳ ⵜⵣⴻⴳⵔⴻⵜ ⵏ ⵓⵙⴻⴳⴳⴰⵙ ».
ⵢⵓⵎⴻⵔ ⴷⴰⵖ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ “ⴰⵙⴻⵎⵢⵓⴷⴷⴻⵙ ⴳⴰⵔ ⵓⵖⵍⵉⴼ ⵏ ⵓⴳⴻⵏⵙⵓ, ⴰⵖⵍⵉⴼ ⵏ ⵜⵏⴻⵣⵣⵓⵜ ⵜⴰⴳⴻⵏⵙⵉⵜ, ⴷ ⵜⵏⴻⴱⴷⴰⵜ ⵏ ⵓⵙⴻⵎⴹⴻⵏ ⵉ ⵓⵙⴻⵖⵏⴻⵡ ⵏ ⵢⵉⵡⴻⵜ ⵏ ⵜⵖⴻⵔⵖⴻⵔⵜ ⵏ ⵢⵉⵙⴻⴼⴽⴰ ⵜⵓⵎⴹⵉⵏⵜ ⵉ ⵓⵙⵏⵉⴹⴻⴼ ⴰⵔⵓⵔⴰⴷ ⵏ ⵡⴰⵜⵉⴳⴻⵏ, ⴰⴷ ⵜⵉⵍⵉ ⴷ ⵜⴰⵙⴻⵎⵙⴻⴷⴷⵓⵜ ⵏ ⵓⵙⵃⵓⵍⴼⵓ, ⵢⴻⵔⵏⵓ ⴰⴷ ⵢⴻǧǧ ⵉⵎⴻⵥⵍⴰ ⵉ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴷ-ⵔⵔⴻⵏ ⴰⵎⵏⴻⴽⵏⵉ ⴷⴻⴳ ⵡⴰⵜⵉⴳⴻⵏ ⵏ ⵢⵉⵍⵣⴰⵣⴻⵏ ⴷⴻⴳ ⵜⴻⴳⵏⵉⵜ ⵏ ⵡⴰⵍⵍⵓⵢ-ⵏⵙⴻⵏ ⵙ ⵜⴻⵍⵖⴰ ⵜⵓⵔⵎⴰⴳⵓⵏⵜ ».