ⵢⴻⵔⵎⴻⵙ ⵓⵏⴻⵖⵍⴰⴼ ⵏ ⵜⵏⴻⵣⵣⵓⵜ ⵜⵓⴼⴼⵉⵖⵜ ⴷ ⵓⵙⵎⴰⵍ ⵏ ⵢⵙⵉǧⵡⴻⵏ, ⴽⴰⵎⴻⵍ ⵔⴻⵣⵉⴳ, ⴰⵙⵙ ⵏ ⵓⴽⵡⴰⵙ (ⵍⴻⵅⵎⵉⵙ), ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⴰⵎⵣⴰⵍ ⵏ ⵜⵓⴳⴷⵓⴷⴰ ⵜⴰⵏⵎⴰⵍⴰⵢⵜ ⵏ ⵯⵉⴻⵜⵏⴰⵎ ⴷⴻⴳ ⴷⵣⴰⵢⴻⵔ, ⵛⵀⴰⵏ ⵇⵓoⵛ ⵀⴰⵏⵀ, ⵎⴰⵏⵉ ⵓⵔⵣⵉⵏ ⵙⵉⵏ-ⴰ ⵏ ⵢⵉⴷⵉⵙⴰⵏ ⵖⴻⴼ ⵡⴰⵎⵎⴰⴽⴻⵏ ⵏ ⵓⵙⴻǧⵀⴻⴷ ⵏ ⵓⵏⵎⵉⵔⴻⴳ ⴰⵏⴻⵣⵣⴰⵏ ⴳⴰⵔ ⵏ ⵜⵎⵓⵔⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.
ⵉⵍⵎⴻⵏⴷ ⵏ ⵜⴻⵎⵍⵉⵍⵉⵜ-ⴰ, “ⵎⵙⴻⴳⵣⴰⵏ ⵖⴻⴼ ⵜⵖⵓⵍⵍⵉⵜ ⵏ ⵓⵙⴻⵖⵏⴻⵡ ⵏ ⵓⵙⴻⵇⵇⴰⵎⵓ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵯⵉⴻⵜⵏⴰⵎⵉ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⴽⴰⵜⴰⵔ ⴰⵎⵙⴻⴽⵔⴰⵏ ⵉ ⵓⵙⴷⵓⵙⵓ ⵏ ⵡⴰⵙⵙⴰⵖⴻⵏ ⴳⴰⵔ ⵢⵉⵎⵙⴻⵎⵀⴰⵍⴻⵏ ⵉⴷⵎⴰⵙⴰⵏⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⵙⵓⴷⴷⵙⴻⵏ ⵜⵉⵎⵓⴳⵔⵉⵏ ⵏ ⵢⵉⴼⴰⵔⵉⵙⴻⵏ ⴷⴻⴳ ⵙⵏⴰⵜ ⵏ ⵜⵎⵓⵔⴰ, ⵙ ⵎⴰⵜⵜⴰ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⴷⵀⴰⵍ ⵏ ⵉⵎⵙⴻⵏⴼⴰⵍⴻⵏ ⵉⵏⴻⵣⵣⴰⵏⴻⵏ ⴷ ⵓⵙⵉⵀⵔⴻⵡ ⵏ ⵜⵖⵓⵍⴰ ⵏ ⵓⴱⵍⴰⴳ ⴰⵙⵉⵏⴷⵉⵙⴰⵏ”, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⴰ.
ⵙⵉⵏ-ⴰ ⵏ ⵢⵉⴷⵉⵙⴰⵏ ⵡⴻⴽⴽⴷⴻⵏ-ⴷ ⴷⴰⵖ ⴰⵙⴻⵃⴱⵉⴱⴻⵕ-ⵏⵙⴻⵏ ⴰⴽⴽⴻⵏ ⴰⴷ ⵙⴻⵎⵍⴻⵏ ⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ, ⵙ ⵎⴰⵜⵜⴰ ⴰⴷ ⴷ-ⵉⴱⴻⴳⴳⵏⴻⵏ ⵜⴰⴷⵓⵙⵉ ⵏ ⵡⴰⵙⵙⴰⵖⴻⵏ ⵉ ⵢⴻⵍⵍⴰⵏ ⴳⴰⵔ ⴷⵣⴰⵢⴻⵔ ⴷ ⵯⵉⴻⵜⵏⴰⵎ.
