ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵎⴰⵙⵙ ⴽⴰⵎⴻⵍ ⴱⴰⴷⴷⴰⵔⵉ, ⵉⵛⴻⴽⴽⴻⵔ ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵍⵡⵉⵍⴰⵢⴰ ⵏ ⵄⵉⵏ ⴷⴻⴼⵍⴰ, ⴰⴱⴻⴷⴷⴻⵍ ⵏ ⵜⴻⵙⴷⴰⵡⵉⵜ "ⴷⵊⵉⵍⴰⵍⵉ ⴱⵓⵏⵄⴰⴰⵎⴰ" ⵏ ⵅⴻⵎⵎⵉⵙ ⵎⵍⵢⴰⵏⴰ ⵖⴻⵔ "ⵢⵉⵡⴻⵏ ⵏ ⵡⴰⴷⴻⴳ ⵉⵊⴻⵒⴷⴻⵏ ⵉ ⵜⴰⵍⵍⴻⵍⵜ ⵏ ⵜⴷⴰⵎⵙⴰ ⵏ ⵜⴻⵙⴷⴰⵡⵉⵜ".
ⴰⵏⴻⵖⵍⴰⴼ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵜⴰⵙⴷⴰⵡⵉⵜ-ⴰⴳⵉ ⵜⵓⵖⴰⵍ ⴷ ⴰⵎⴽⴰⵏ ⵉⵡⴰⴽⴽⴻⵏ ⴰⴷ ⴷ-ⴱⴰⵏⴻⵏ ⵢⵉⵜⴰⵎⵎⵓⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵏⴻ. ⵉⵛⴻⴽⴽⴻⵔ ⴷⴰⵖⴻⵏ ⵉⵏⴻⵍⵎⴰⴷⴻⵏ ⵉ ⵉⵕⵓⵒⴻⵏ ⵖⴻⵔ ⵜⵙⵏⴻⴱⴱⴰⵡⵜ (entrepreneuriat) ⵙ ⵓⴱⴻⴷⴷⴻⵍ ⵏ ⵢⵉⵙⵡⵉⵏⴳⵉⵎⴻⵏ-ⵏⵙⴻⵏ ⵖⴻⵔ ⵜⵙⵓⴷⴷⵡⵉⵏ ⵜⵉⴷⴰⵎⵙⴰⵏⵉⵏ ⴰⵎ "ⵙⵜⴰⵔⵜⵓⴱⵙ", ⵙ ⵜⴰⵍⵍⴻⵍⵜ ⵏ ⵓⵡⴰⵏⴰⴽ ⵙ ⵓⴼⵓⵙ ⵏ ⵢⵉⵙⴰⵍⵓⵢⴻⵏ ⵏ ⵍⴻⵇⴷⵉⵛ ⴷ ⵜⴰⵎⵓⵙⵙⵏⵉ ⵏ ⵜⴽⴻⵔⴽⴰⵙ.
ⵎⴰⵙⵙ ⴱⴰⴷⴷⴰⵔⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⴷⴰⵡⵉⵜ-ⴰⴳⵉ ⵜⴻⵙⵄⴰ 61 ⵏ ⵢⵉⵙⴻⵏⴼⴰⵔⴻⵏ ⵏ ⵜⵙⵏⴻⴱⴱⴰⵡⵜ, ⴷ 27 ⵏ ⵢⵉⵙⴻⵏⴼⴰⵔⴻⵏ ⵏ ⵜⴷⴰⵎⵙⴰ ⵉ ⴱⴷⴰⵏ ⵢⴰⴽⴰⵏ ⵍⴻⵇⴷⵉⵛ-ⵏⵙⴻⵏ. ⵢⴻⵙⵙⴰⵡⴻⵍ ⵉ ⵢⵉⵏⴻⵍⵎⴰⴷⴻⵏ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⴻⴼⵔⴰⵜⵉⵏ ⵉ ⵜⴼⴻⵍⵍⴰⵒⵜ ⴷⴻⴳ ⵍⵡⵉⵍⴰⵢⴰ-ⴰⴳⵉ.
ⴷⴻⴳ ⵜⴰⴳⴳⴰⵔⴰ, ⵎⴰⵙⵙ ⴱⴰⴷⴷⴰⵔⵉ ⵉⵡⴰⵍⴰ ⵍⴻⵇⴷⵉⵛ ⵏ 2000 ⵏ ⵢⵉⵎⵓⴽⴰⵏ ⵏ ⵓⵙⴻⵍⵎⴻⴷ ⵉⵎⴰⵢⵏⵓⵜⵉⵏ. ⵢⴻⵔⵣⴰ ⴷⴰⵖⴻⵏ ⵖⴻⵔ ⵢⵉⵡⴻⵜ ⵏ ⵜⵎⴻⵣⵏⵓⵜ ⵏ ⵜⵙⵏⴻⴱⴱⴰⵡⵜ ⵏ ⵢⵉⵏⴻⵍⵎⴰⴷⴻⵏ, ⵢⴻⵔⵏⴰ ⵢⴻⵙⵙⴰⵔⴻⵎ-ⴰⵙⴻⵏ ⵜⴰⵡⴼⵉⵇ ⴷⴻⴳ ⵓⵙⴻⵊⵒⴻⴷ ⵏ ⵜⴷⴰⵎⵙⴰ ⵜⴰⵖⴻⵍⵏⵉⵜ.
ⴰⵔⵏⵓ ⵖⴻⵔ
