ⵉⵎⴰⵀⵉⵍⴻⵏ ⵉⵣⵓⵢⴰⵣ: ⴰⵙⴻⵡⵊⴻⴷ ⵏ ⵜⵜⴰⵡⵉⵍⴰⵜ ⵉⵎⴻⵇⵇⵔⴰⵏⴻⵏ ⵉ ⵓⴹⵎⴰⵏ ⵏ ⵜⴽⴻⵎⵎⵉⵍⵜ ⵏ ⵜⵉⴽⵍⵉ ⵏ ⵓⵏⵉⴳ ⵖⴻⴼ ⵙⵙⴻⴱⴱⴰ ⵏ ⵡⴻⴷⴼⴻⵍ ⴷ ⵓⴳⴻⴼⴼⵓⵔ

ⵜⴻⵙⴱⴳⴻⵙ-ⴷ ⵜⵏⴻⵖⵍⴰⴼⵜ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴷ ⵜⵓⵚⴽⵉⵡⵉⵏ ⵜⵉⵍⵙⴰⵙⵉⵢⵉⵏ ⵜⵜⴰⵡⵉⵍⴰⵜ ⵏ ⵡⴻⵎⴷⴰⵏ ⴷ ⵡⴰⵍⵍⴰⵍⴻⵏ ⵉⵎⴻⵇⵇⵔⴰⵏⴻⵏ ⵉ ⵓⴹⵎⴰⵏ ⵏ ⵜⴽⴻⵎⵎⵉⵍⵜ ⵏ ⵓⵏⵉⴳ ⴷ ⵜⵔⵓⵣⵣⵉⵜ, ⴷ ⵡⴰ ⵖⴻⴼ ⵜⴻⵖⵣⵉ ⵏ ⵍⵡⵉⵍⴰⵢⴰⵜ ⵢⴻⵎⵅⴰⵍⵍⴰⴼⴻⵏ ⵉ ⵢⴻⵜⵜⵡⴰⵃⵓⵣⴰⵏ ⵙ ⵓⴱⴻⴷⴷⴻⵍ ⵏ ⵍⵃⴰⵍ ⴰⵏⴻⴳⴳⴰⵔⵓ, ⴰⴽⴽⴻⵏ ⵉ ⴷ-ⵢⴻⵡⵡⵉ ⵢⵉⵡⴻⵏ ⵏ ⵡⵓⵍⵖⵓ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⴻⵜⵏⴰⵢⴻⵏ.

ⴷⴻⴳ ⵡⴻⵃⵔⵉⵛ-ⴰ, ⵜⵜⵡⴰⵙⴱⴻⴷⴷⴻⵏ ⵢⵉⴽⴰⵜⴰⵔⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵎⵀⴰⵍⵉⵏ ⵏ ⵍⵡⵉⵍⴰⵢⴰ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴰⴽⴽⴻⴷ ⵜⴽⴻⴱⴱⴰⵏⵉⵜ ⵜⴰⵣⵣⴰⵢⵔⵉⵜ ⵏ ⵢⵉⴱⴻⵔⴷⴰⵏ ⵉⵣⵣⴰⵔⴰⵡⴻⵏ, ⴷ ⴰⵙⴻⵍⴽⴻⵎ ⵏ ⵜⵉⵏⴰⴹⵉⵏ ⵏ ⵡⴻⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴷ ⵜⵓⵚⴽⵉⵡⵉⵏ ⵜⵉⵍⵙⴰⵙⵉⵢⵉⵏ, ⵄⴻⴱⴷⴻⵍⵇⴰⴷⴻⵔ ⴵⴻⵍⵍⴰⵡⵉ, ⵉⵎⵉ ⴱⴷⴰⵏⵜ ⵜⵔⴻⴳⵡⴰ ⵏ ⵜⴻⵜⵉⴽⵏⵉⴽⵉⵜ ⴷ ⵓⵙⴻⴳⴳⴻⵎ ⵍⴻⵇⴷⵉⵛⴰⵜ ⵏ ⵜⵓⴽⴽⵙⴰ ⵏ ⵡⴻⴷⴼⴻⵍ ⴷ ⵡⴻⵍⴷⴰⵢ ⵏ ⵢⵉⴱⴻⵔⴷⴰⵏ, ⵔⵏⵓ ⵖⴻⵔ-ⵙ ⴰⵙⵉⵣⴷⴻⴳ ⵏ ⵜⵔⴻⴳⵡⴰ ⵏ ⵡⴰⵎⴰⵏ ⴷ ⵜⵓⴽⴽⵙⴰ ⵏ ⵡⴰⵢⴻⵏ ⵉ ⴷ-ⵢⴻⵊⵊⴰ ⵓⴳⴻⴼⴼⵓⵔ ⴷⴻⴳ ⵓⵣⴻⵟⵟⴰ ⵏ ⵢⵉⴱⴻⵔⴷⴰⵏ ⵉⵖⴻⵍⵏⴰⵡⴻⵏ ⴷ ⵡⵉⴷ ⵏ ⵍⵡⵉⵍⴰⵢⴰ, ⴰⴽⴽⴻⵏ ⵉ ⴷ-ⵢⴻⵙⵙⴻⴼⵀⴻⵎ ⵓⵖⴱⴰⵍⵓ-ⴰ.

ⴷⵉ ⵍⵡⵉⵍⴰⵢⴰ ⵏ ⵙⴽⵉⴽⴷⴰ, ⴽⴻⵛⵎⴻⵏⵜ ⵜⵔⴻⴳⵡⴰ ⵏ ⵜⵏⴻⵎⵀⴰⵍⵜ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⵉ ⵜⵓⴽⴽⵙⴰ ⵏ ⵡⴻⴷⴼⴻⵍ ⴷⴻⴳ ⵢⵉⴱⴻⵔⴷⴰⵏ ⵏ ⵍⵡⵉⵍⴰⵢⴰ ⵓⵟⵟⵓⵏ 07 ⴷ 132 ⴷⵉ ⵜⵖⵉⵡⴰⵏⵉⵏ ⵏ ⵇⴻⵏⵡⴰⵄ ⴷ ⵣⵣⵉⵜⵓⵏⴰ ⴷⵉ ⵜⴷⴰⵢⵔⴰ ⵏ ⵣⵣⵉⵜⵓⵏⴰ, ⴰⵏⴷⴰ ⵉ ⴷ-ⵜⴽⴻⵎⵎⵉⵍ ⵜⵉⴳⴰⵡⵜ ⵉ ⵡⴻⵍⴷⴰⵢ ⵏ ⵢⵉⴱⴻⵔⴷⴰⵏ ⴷ ⵓⴹⵎⴰⵏ ⵏ ⵜⵉⴽⵍⵉ ⵏ ⵢⵉⵖⵉⵡⴰⵏⴻⵏ ⴷⴻⴳ ⵜⴻⴳⵏⴰⵜⵉⵏ ⵏ ⵍⴰⵎⴰⵏ.

ⴷⵉ ⵍⵡⵉⵍⴰⵢⴰ ⵏ ⵜⵓⴱⵉⵔⴻⵜ, ⵜⴻⴱⴷⴰ ⵜⴰⵔⴱⴰⵄⵜ ⵏ ⵓⴼⵓⵔⴽ ⵏ ⵃⵉⵣⴻⵔ ⵜⵓⴽⴽⵙⴰ ⵏ ⵡⴻⴷⴼⴻⵍ ⵖⴻⴼ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 33 ⴷⵉ ⵜⴻⵎⵏⴰⴹⵜ ⵏ ⵜⵉⴽⵊⴷⴰ, ⵎⴰ ⴷ ⵜⵉⵔⴻⴳⵡⴰ ⵏ ⵓⵙⴻⴳⴳⴻⵎ ⴽⴻⵛⵎⴻⵏⵜ-ⴷ ⴷⴻⴳ ⵢⵉⴼⵓⵔⴽⴻⵏ ⵢⴻⵎⵅⴰⵍⵍⴰⴼⴻⵏ ⵉ ⵜⵓⴽⴽⵙⴰ ⵏ ⵡⴰⵢⴻⵏ ⵉ ⴷ-ⵢⴻⵊⵊⴰ ⵓⴳⴻⴼⴼⵓⵔ ⴷ ⵓⵙⵉⵣⴷⴻⴳ ⵏ ⵜⵔⴻⴳⵡⴰ ⵏ ⵡⴰⵎⴰⵏ ⴷⴻⴳ ⵓⵣⴻⵟⵟⴰ ⵏ ⵢⵉⴱⴻⵔⴷⴰⵏ.

ⵜⴽⴻⴱⴱⴻⵍ ⴷⴰⵖⴻⵏ ⵜⵔⴻⴳⵡⴰ ⵏ ⵡⴻⵏⵏⴰⵔ ⵜⵉⴳⴰⵡⵉⵏ-ⵉⵙ ⴷⵉ ⴱⵓⵔⵊ ⴱⵓⵄⵔⵉⵔⵉⵊ, ⴰⵔⵎⵉ ⴷ ⵜⵉⵙⵡⴰⵄⵉⵏ ⵜⵉⵎⴻⵣⵡⵓⵔⴰ ⵏ ⵚⵚⴱⴻⵃ ⵏ ⵡⴰⵙⵙ-ⴰ, ⴰⵏⴷⴰ ⵉ ⴷ-ⵢⴻⵍⵍⴰ ⵡⵓⴽⴽⵉⵙ ⵏ ⵡⴻⴷⴼⴻⵍ ⴷ ⵡⴻⵍⴷⴰⵢ ⵏ ⵢⵉⴱⴻⵔⴷⴰⵏ, ⵙ ⵓⵇⴻⵢⵢⴻⴷ ⵏ ⵡⴻⵍⴷⴰⵢ ⵏ ⵢⵉⴱⴻⵔⴷⴰⵏ ⵎⴻⵕⵕⴰ ⵣⴷⴰⵜ ⵏ ⵜⵉⴽⵍⵉ ⵏ ⵜⴽⴻⵕⵕⵓⵙⵉⵏ.

ⵙⴻⴳ ⵜⴰⵎⴰ-ⵙ, ⴽⴻⵛⵎⴻⵏⵜ ⵜⵔⴻⴳⵡⴰ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴷⵉ ⵜⴷⴰⵢⵔⵉⵡⵉⵏ ⵏ ⵍⵊⴻⵄⴰⴼⵔⴰ ⴷ ⴱⵓⵔⵊ ⵣⵣⴻⵎⵎⵓⵔⴰ ⵉ ⵡⴻⵍⴷⴰⵢ ⵏ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 76 ⴰⴽⴽⴻⴷ ⵓⴱⵔⵉⴷ ⵏ ⵍⵡⵉⵍⴰⵢⴰ ⵓⵟⵟⵓⵏ 43.

ⵎⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵍⵡⵉⵍⴰⵢⴰ ⵏ ⴱⴳⴰⵢⴻⵜ, ⵜⵜⴻⴷⴷⵓ ⵜⵓⴽⴽⵙⴰ ⵏ ⵡⴻⴷⴼⴻⵍ ⵖⴻⴼ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 26A ⵙ ⵓⴽⵛⴰⵎ ⵏ ⵜⵔⴻⴳⵡⴰ ⵏ ⵓⴳⴻⵣⴷⵓ ⴰⵎⴻⴷⴷⴰⵣ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴷⴻⴳ ⵓⵇⴱⵓ, ⵔⵏⵓ ⵖⴻⵔ-ⵙ ⴰⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 75 ⵙ ⵓⴽⵛⴰⵎ ⵏ ⵜⵔⴻⴳⵡⴰ ⵏ ⵓⴳⴻⵣⴷⵓ ⴰⵎⴻⴷⴷⴰⵣ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ ⴷⵉ ⴱⴻⵔⴱⴰⵛⵛⴰ, ⴰⵏⴷⴰ ⵜⴻⴱⴷⴰ ⵜⵉⴳⴰⵡⵜ-ⴰ ⵙⴻⴳ ⵜⴻⵏⵇⵉⴹⵜ ⵜⴰⴽⵉⵍⵓⵎⵉⵜⵔⵉⵜ 40 ⴰⵔⵎⵉ ⴷ ⵜⴰⵏⵇⵉⴹⵜ ⵜⴰⴽⵉⵍⵓⵎⵉⵜⵔⵉⵜ 52 ⵖⴻⵔ ⵜⵍⵉⵙⴰ ⴰⴽⴽⴻⴷ ⵍⵡⵉⵍⴰⵢⴰ ⵏ ⵙⵟⵉⴼ.

ⵖⴻⴼ ⵡⴻⵙⵡⵉⵔ ⵏ ⵍⵡⵉⵍⴰⵢⴰ ⵏ ⴱⴰⵜⵏⴰ, ⵜⵓⵖⴰⵍ-ⴷ ⵜⵉⴽⵍⵉ ⵖⴻⵔ ⵓⵏⴳⴰⵍ-ⵉⵙ ⴷⴻⴳ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 31 ⴳⴰⵔ ⵜⴻⵏⵇⵉⴹⵜ ⵜⴰⴽⵉⵍⵓⵎⵉⵜⵔⵉⵜ 30 ⴷ 48, ⵢⴻⵔⵏⴰ ⵢⴻⵍⴷⵉ ⵓⴱⵔⵉⴷ ⴰⵖⴻⵍⵏⴰⵡ ⵓⵟⵟⵓⵏ 77 ⴷⵉ ⵜⵖⵉⵡⴰⵏⵜ ⵏ ⵎⴻⵔⵡⴰⵏⴰ ⴷⴻⴼⴼⵉⵔ ⵜⵓⴽⴽⵙⴰ ⵏ ⵡⴻⴷⴼⴻⵍ ⵢⴻⵜⵜⵡⴰⵇⴻⵊⵎⴻⵏ ⵙ ⵓⵙⴻⵇⴷⴻⵛ ⵏ ⵡⴰⵍⵍⴰⵍⴻⵏ ⵉⵥⴰⵢⴰⵏⴻⵏ ⵏ ⵢⵉⵎⴻⵥⵍⴰ ⵏ ⵢⵉⵎⴰⵀⵉⵍⴻⵏ ⵉⵣⵓⵢⴰⵣ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⵜⴻⴷⴷⵓⵏⵜ ⵜⵉⴳⴰⵡⵉⵏ ⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵜ ⵜⴰⵣⵣⴰⵢⵔⵉⵜ ⵏ ⵢⵉⴱⴻⵔⴷⴰⵏ ⵉⵣⵣⴰⵔⴰⵡⴻⵏ ⵖⴻⴼ ⵡⴻⵎⴷⴰ ⵏ ⵓⴱⵔⵉⴷ ⴰⵣⵣⴰⵔⴰⵡ ⴰⴳⵎⵓⴹ-ⴰⵎⴰⵍⵓ, ⵍⴰⴷⵖⴰ ⵖⴻⵔ ⵢⵉⵎⵙⴻⵍⴽⴰⵎⴻⵏ ⵏ ⵍⵢⴰⵛⵉⵔ ⴷ ⴱⵓⵔⵊ ⴱⵓⵄⵔⵉⵔⵉⵊ ⴰⴽⴽⴻⴷ ⵡⴻⵃⵔⵉⵛ ⵏ ⵣⴻⵏⵏⵓⵏⴰ, ⴰⵏⴷⴰ ⵢⴻⵜⵜⵡⴰⵙⴱⴻⴷⴷ ⵡⴻⵃⵔⵉⵛ ⵏ ⵓⵙⴻⴳⴳⴻⵎ ⴷ ⵢⵉⵎⵏⴰⵢⴻⵏ ⵏ ⵡⴰⵍⵍⴰⵍⴻⵏ ⵉⵥⴰⵢⴰⵏⴻⵏ ⴷ ⴼⴻⵙⵙⵓⵙⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⵓⵣⵣⵢⴰ ⵉ ⵜⵓⴽⴽⵙⴰ ⵏ ⵡⴻⴷⴼⴻⵍ ⴷ ⵓⵔⵛⴰⵛ ⵏ ⵍⵎⴻⵍⵃ ⵖⴻⴼ ⵙⵙⴻⴱⴱⴰ ⵏ ⵜⵙⴰⵙⵉⵢⵉⵏ ⵏ ⵡⴻⴳⵔⵉⵙ, ⵍⴰⴷⵖⴰ ⵖⴻⴼ ⵡⴻⵙⵡⵉⵔ ⵏ ⵡⴻⵃⵔⵉⵛ ⵏ ⴱⵓⵔⵊ ⴱⵓⵄⵔⵉⵔⵉⵊ ⴰⴳⵎⵓⴹ.

ⵜⴻⵙⵙⴻⴽⴼⴻⵍ-ⴷ ⵜⵏⴻⵖⵍⴰⴼⵜ ⴱⴻⵍⵍⵉ ⵉⵎⴻⵥⵍⴰ ⵢⴻⵎⵅⴰⵍⵍⴰⴼⴻⵏ ⵉ ⴷ-ⵢⴻⵜⵜⵡⴰⵛⵓⴷⴷⴻⵏ ⴰⴷ ⵇⵇⵉⵎⴻⵏ ⴷⴻⴳ ⵓⵀⴻⵢⵢⵉ ⴰⵎⴻⵣⵖⵉ ⵉ ⵓⴹⴼⴰⵕ ⵏ ⵜⴻⵎⵀⴰⵣⵜ ⵏ ⵜⴻⴳⵏⵉⵜ ⴷ ⵓⴽⵛⴰⵎ ⵎ'ⴰⵔⴰ ⴷ-ⵢⵉⵍⵉ ⵍⵃⴰⵊⴰ, ⵙ ⵡⴰⵢⴻⵏ ⴰⵔⴰ ⵢⴻⴹⵎⴻⵏⵏⴻⵏ ⵍⴰⵎⴰⵏ ⵏ ⵢⵉⵎⴻⵙⵙⴻⵇⴷⴰⵛⴻⵏ ⵏ ⵓⴱⵔⵉⴷ ⴷ ⵜⴽⴻⵎⵎⵉⵍⵜ ⵏ ⵜⵉⴽⵍⵉ ⴷⴻⴳ ⵓⵣⴻⵟⵟⴰ ⵏ ⵢⵉⴱⴻⵔⴷⴰⵏ ⵉⵖⴻⵍⵏⴰⵡⴻⵏ ⴷ ⵡⵉⴷ ⵏ ⵍⵡⵉⵍⴰⵢⴰ.