ⵍⵣⵣⴰⵢⴻⵔ ⵜⴰⵎⴰⵏⴻⵯⵜ – ⵢⴻⵙⵙⴻⵍⵡⴰⵢ ⵓⵎⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ, ⴰⵙⵙ-ⴰ ⵏ ⵍⵃⴻⴷ, ⵢⵉⵡⴻⵜ ⵏ ⵜⵉⵎⵍⵉⵍⵉⵜ ⵏ ⵡⴰⵙⵉⵔⴰ ⵏ ⵓⴳⵔⴰⵡ, ⵉ ⴷⴻⴳ ⵥⵔⴰⵏ ⴰⵟⴰⵙ ⵏ ⵢⵉⴼⴰⵢⵍⴻⵏ ⵏ ⵍⵇⴰⵏⵓⵏ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵯⵓ ⵏ ⵓⴳⵔⴰⵡ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵯⵓ-ⵏⵏⵉ ⴱⴻⵍⵍⵉ ⴷⴻⴳ ⵜⵉⵎⵍⵉⵍⵉⵜ-ⴰⴳⵉ, ⵥⵔⴰⵏ ⴰⵢⴻⵏ ⵉ ⴷ-ⵙⵓⵎⵔⴻⵏ ⵏ ⵓⴱⴻⴷⴷⴻⵍ ⵏ ⵍⵇⴰⵏⵓⵏ ⵓⵏⵚⵉⴱ ⵢⴻⵔⵣⴰⵏ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ. ⴰⴽⴽⴻⵏ ⴷⴰⵯⴻⵏ ⵉ ⵡⴰⵍⴰⵏ ⵜⵉⵔⵉⵛⵉⵏ ⵉ ⴷ-ⵢⵓⵔⴰⵏ ⵯⴻⴼ ⵓⴹⵔⵉⵙ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵙⴻⴳⴳⴻⵎ ⴰⴷⵉⴳⴰⵏ ⵏ ⵜⵎⵓⵔⵜ.
ⴷⴻⴳ ⵓⵡⴰⵀⵉⵍ ⵏ ⵓⵎⴰⵀⵉⵍ, ⵍⵍⴰⵏ ⴷⴰⵯⴻⵏ ⴽⵔⴰ ⵏ ⵢⵉⵙⵓⵎⵔⴻⵏ ⵏ ⵍⵇⴰⵏⵓⵏ ⵏⵏⵉⴹⴻⵏ ⵉ ⴷ-ⵙⵙⴻⵔⵙⴻⵏ ⵢⵉⵎⴱⴻⵇⵇⴰⵙⴻⵏ (ⵢⵉⵎⴻⵙⵍⴻⵢⴻⵏ) ⵏ ⵓⴳⴷⵓⴷ. ⴰⵎ ⵢⴻⴽⴽⴰ ⵍⵇⴰⴷ, ⵡⴰⵍⴰⵏ ⵉⵙⴻⵇⵙⵉⵢⴻⵏ ⵢⵓⵔⴰⵏ ⵉ ⴷ-ⴼⴽⴰⵏ ⵢⵉⵎⴱⴻⵇⵇⴰⵙⴻⵏ, ⵉ ⵡⴰⴽⴽⴻⵏ ⴰⴷ ⵛⴻⵢⵢⵄⴻⵏ ⵡⵉⴷ ⵢⴻⵇⵇⴰⴷⵔⴻⵏ ⵢⵉⵍⵓⴳⴰⵏ ⵏ ⵍⵇⴰⵏⵓⵏ ⵯⴻⵔ ⵜⵏⴻⴱⴱⴰⴹⵜ.
ⵜⴰⴳⴳⴰⵔⴰ, ⵜⵉⵎⵍⵉⵍⵉⵜ-ⴰⴳⵉ ⵜⴻⵙⴽⴰⵏⴰⵢ-ⴷ ⵍⴻⵇⴷⵉⵛ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ ⴷⴻⴳ ⵓⵙⴻⴳⴳⴻⵎ ⵏ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⵜⴰⵎⴰⴳⴷⴰⵢⵜ ⴷ ⵜⵎⴻⵔⵙⴻⵍⵉⵏ ⵏ ⵓⵡⴰⵏⴰⴽ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
