ⵜⴻⵙⵙⵓⴼⴼⴻⵖ-ⴷ ⵜⵏⴻⵖⵍⴰⴼⵜ ⵏ ⵡⴰⴷⴷⴰⵍ ⴷⴻⴳ ⵓⴷⵢⴰⵏ-ⵉⵙ, ⴰⵙⵉⵡⴻⵍ ⵖⴻⴼ ⵓⵙⴰⵍⵉ ⵏ ⵡⴰⵟⴰⵙ ⵏ ⵢⵉⵙⵓⵢⴰⵙ ⵏ ⵓⵙⵉⵍⴻⵖ ⵉⵅⴻⴷⴷⵎⴻⵏ ⴷⴻⴳ ⵡⴰⵏⵏⴰⵔ ⴷⴻⴳ ⵡⴰⵟⴰⵙ ⵏ ⵜⵙⵓⴷⴰ ⵏ ⵓⵙⵉⵍⴻⵖ ⵜⵉⵖⴻⵍⵏⴰⵡⵉⵏ, ⵙⴻⴳ ⵡⴰⴳⴳⵓⵔ ⵏ ⵢⴻⴱⵔⵉⵔ-ⴰⴳⵉ. ⴰⵢⴰⴳⵉ ⵢⵓⵙⴰ-ⴷ ⴷⴻⴳ ⵓⵏⴰⴳⵔⴰⵡ ⵏ ⵜⵙⴻⵔⵜⵉⵜ ⵏ ⵓⵃⵔⵉⵛ ⵉⵡⴻⵙⵏⴻⵔⵏⵉ ⵏ ⵓⴳⴻⵔⵔⵓⵞ ⵏ ⵓⵎⴷⴰⵏ ⴷ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵙⴻⴷⴷⴻⵙ ⵏ ⵡⴰⴷⴷⴰⵍ.
ⵉⵙⵓⵢⴰⵙ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⴷⵢⴰⵏ-ⵏⵏⵉ, ⴷ ⵡⵉⴷ ⵉ ⴷ-ⵢⵓⵙⴰⵏ ⴷⴻⴳ ⵜⴰⵔⵔⴰⵢⵜ ⵜⴰⵖⴻⵍⵏⴰⵡⵜ ⵉ ⵡⴻⵙⴱⴻⴷⴷⵓ ⵏ ⵢⵉⵎⴷⴻⴱⴱⵔⴻⵜ ⵏ ⵡⴰⴷⴷⴰⵍ ⴷ ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ-ⵏⵙⴻⵏ. ⴱⴷⴰⵏ ⵢⵉⵙⵓⵢⴰⵙ ⵏ ⵓⵙⵉⵍⴻⵖ ⵉ ⵡⴰⴽⴽⴻⵏ ⴰⴷ ⴷ-ⴰⵡⵉⵏ ⴰⴳⴻⵔⴷⴰⵙ ⵏ "ⵓⵎⵔⴻⴱⵉ ⵏ ⵡⴰⴷⴷⴰⵍ" (ⴰⵙⵡⵉⵔ ⴰⵎⴻⵏⵣⵓ ⴷ ⵡⵉⵙ ⵙⵉⵏ) ⴷⴻⴳ ⵡⴰⵏⵏⴰⵔⴻⵏ ⵏ: ⴰⴷⴷⴰⵍ ⵏ ⵓⵣⴻⵍⵣⴻⵍ (ⴰⵜⵀⵍéⵜⵉⵙⵎⴻ), ⴷⴰⴱⴰⵅ ⵏ ⵓⴼⵓⵙ (ⵀⴰⵏⴷⴱⴰⵍⵍ), ⵍⵊⵉⵎⵏⴰⵣⵜⵉⴽ ⴷ ⵍⵉⴷⵓ. ⴰⵢⴰⴳⵉ ⵢⴻⴱⴷⴰ ⵙⴻⴳ 12 ⵢⴻⴱⵔⵉⵔ 2026, ⴷⴻⴳ ⵡⴰⵎⵎⴰⵙ ⵏ ⵡⴰⴷⴷⴰⵍ ⵎⵉⵍⵓⵓⴷ ⵀⴰⴷⴻⴼⵉ ⴷⴻⴳ ⵡⴻⵀⵔⴰⵏ, ⴰⴽⴽⴻⴷ ⵓⵖⴻⵔⴱⴰⵣ ⵏ ⵄⵉⵏ ⴱⵉⵏⵢⴰⵏ ⵉⵍⵎⴻⵏⴷ ⵏ ⵡⴰⴷⴷⴰⵍ ⵏ ⵓⵣⴻⵍⵣⴻⵍ.
ⴷⴰⵖⴻⵏ, ⵓⵖⴻⵔⴱⴰⵣ ⵓⵏⵏⵉⴳ ⵏ ⵜⵎⵓⵙⵏⵉⵡⵉⵏ ⵏ ⵡⴰⴷⴷⴰⵍ ⴷ ⵜⴻⵜⵉⴽⵏⵓⵍⵓⵞⵉⵢⵉⵏ-ⵉⵙ ⴰⴷ ⴷ-ⵢⴰⵡⴻⵟ, ⵙⴻⴳ 20 ⵢⴻⴱⵔⵉⵔ 2026, ⴰⵙⵉⵍⴻⵖ ⵏⵏⵉⴹⴻⵏ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴳⴻⵔⴷⴰⵙ ⵏ "ⵓⵎⵔⴻⴱⵉ ⵏ ⵡⴰⴷⴷⴰⵍ" (ⴰⵙⵡⵉⵔ ⵡⵉⵙ ⴽⵔⴰⴷ) ⵉ ⵢⵉⵎⵔⴻⴱⵉⵢⴻⵏ ⵉⵎⴻⵇⵇⵔⴰⵏⴻⵏ ⵏ ⵢⵉⵏⴰⵔⵎⴰⴷⴻⵏ ⵏ ⵍⴻⵜⵜⴰ ⴷ ⵡⴰⴷⴷⴰⵍ, ⵙ ⵓⵏⵢⵓⴷⴷⵓ ⴰⴽⴽⴻⴷ ⵓⵖⴻⵔⴱⴰⵣ ⴰⵖⴻⵍⵏⴰⵡ ⵏ ⵡⴰⴷⴷⴰⵍ ⵏ ⵓⵍⵉⵎⵃⵉⴽ ⵏ ⵙⵟⵉⴼ.
ⴷⴻⴳ ⵡⴰⵏⵏⴰⵔ-ⴰⴳⵉ, ⴰⴷ ⴷ-ⵢⵉⵍⵉ ⵓⵙⵉⵍⴻⵖ ⵏ "ⵓⵎⵓⵙⵙⴰⵏ ⵏ ⵍⴻⵜⵜⴰ" (ⴼⵉⵜⵏⴻⵙⵙ ⵛⵓⴰⵛⵀ) ⵉ ⵡⵉⴷ ⵉⵍⴰⵏ ⴰⴳⴻⵔⴷⴰⵙ ⵏ ⵍⵉⵙⵉⵏⵏⵙ ⴷⴻⴳ ⵓⵙⵉⵍⴻⵖ ⵏ ⵍⴻⵜⵜⴰ ⴷ ⵡⴰⴷⴷⴰⵍ, ⴰⴽⴽⴻⴷ ⵡⴻⵙⵡⵉⵔ ⵏ ⵓⵎⵔⴻⴱⵉ ⴰⵎⴻⵇⵇⵔⴰⵏ, ⴷⴻⴳ ⵓⵖⴻⵔⴱⴰⵣ ⵏ ⵜⵎⴻⵏⵏⴰ ⵏ ⵡⴰⴷⴷⴰⵍ ⵏ ⵓⵍⵉⵎⵃⵉⴽ ⵏ ⴱⵉⵙⴽⵔⴰ, ⵙⴻⴳ 12 ⵢⴻⴱⵔⵉⵔ 2026.
ⴰⵙⵉⵍⴻⵖ-ⴰⴳⵉ ⵍⵎⴻⵏⵜ ⴷⴰⵖⴻⵏ ⵡⵉⴷ ⵉⵍⴰⵏ ⴰⵙⵡⵉⵔ ⵏ ⵜⴻⵙⵏⴰⵡⵉⵜ (ⵍⵢⵛⴻ) ⴷ ⵡⴰⵢⴻⵏ ⵉ ⵜ-ⵢⵓⴳⴰⵔⴻⵏ, ⵙ ⵓⵀⴻⴳⴳⵉ ⵏ ⵢⵉⵙⵓⵢⴰⵙ ⵏ ⵓⵎⵓⵙⵙⴰ ⵏ ⵍⴻⵜⵜⴰ ⴷⴻⴳ ⵡⴰⵎⵎⴰⵙ ⵏ ⵓⵀⴻⴳⴳⵉ ⵏ ⵢⵓⴼⵔⴰⵔⴻⵏ ⵜⵉⵖⴻⵍⵏⴰⵡⵉⵏ ⵏ ⵙⵔⴰⵢⴷⵉ (ⴱⵏⴰⴱⴰ), ⵙⴻⴳ ⵡⴰⵙⵙ-ⵏⵏⵉ ⴽⴰⵏ.
ⴰⵃⵔⵉⵛ ⵏ ⵡⴰⴷⴷⴰⵍ, ⵙ ⵡⴰⵀⵉⵍⴻⵏ-ⴰⴳⵉ, ⵉⵙⴱⴻⴳⴳⴻⵏ-ⴷ ⴱⴻⵍⵍⵉ ⴰⴷ ⵉⴽⴻⵎⵎⴻⵍ ⴷⴻⴳ ⵓⵃⵔⴰⵣ ⵏ ⵓⴳⴻⵔⵔⵓⵞ ⵏ ⵓⵎⴷⴰⵏ ⴷ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵙⴻⴷⴷⴻⵙ, ⵉⵡⴰⴽⴽⴻⵏ ⴰⴷⴷⴰⵍ ⴰⵖⴻⵍⵏⴰⵡ ⴰⴷ ⴷ-ⵢⴰⵡⵉ ⵉⴳⴻⵎⵎⴰⴹ ⵢⴻⵍⵀⴰⵏ ⴷⴻⴳ ⵜⴻⴼⵔⵉⵇⵜ ⴷ ⴷⴷⵓⵏⵉⵜ ⴽⴰⵎⴻⵍ.
ⴰⵔⵏⵓ ⵖⴻⵔ
