ⵙ ⵓⵙⴻⵍⵃⵓ ⵏ ⵜⵉⵡⵙⵉⵡⵉⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵍⵍⴰ ⵡⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⵙⵉⴼⵉ ⵖⴰⵔⵉⴱ, ⴷ ⴰⵙⴻⵍⵡⴰⵢ ⵖⴻⴼ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵢⴻⵛⴻⵔⴽⴻⵏ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵓⵙⴻⵏⵇⴻⴷ ⵏ ⵓⵙⴻⵡⵊⴻⴷ ⵏ ⵓⵖⴰⵡⴰⵙ ⵏ ⵍⴻⵇⴷⵉⵛ ⵏ ⵣⵉⴽ ⵉ ⴷ-ⵢⴻⵜⵜⵡⴰⴳⴻⴷⵍⴻⵏ ⵉⵡⴰⴽⴽⴻⵏ ⴰⴷ ⵙⵃⴻⴱⵙⴻⵏ ⴰⵎⵓⵣⵣⴰⵔ ⵏ ⵡⴻⵊⵔⴰⴷ ⴷⴻⴳ ⴽⵔⴰ ⵏ ⵍⵡⵉⵍⴰⵢⴰⵜ ⵏ ⵡⴻⵏⵥⵓⵍ ⵓⵜⵔⵉⵎ, ⴰⵢⴰ ⵙ ⵜⵜⴻⴽⴽⵉ ⵏ ⵍⵡⴰⵍⵉⵢⴻⵏ ⵢⴻⵄⵏⴰⵏ ⵜⴰⵍⵓⴼⵜ ⵙ ⵜⵜⴰⵡⵉⵍ ⵏ ⵜⴻⵎⵍⵉⵍⵉⵜ ⵙ ⵜⵎⵓⵖⵍⵉ ⵙⵉ ⵍⴱⴻⵄⴷ, ⴰⴽⴽⴻⵏ ⵉ ⵜ-ⵉⴷ-ⵢⴻⵡⵡⵉ, ⴰⵙⵙ-ⴰ ⵏ ⵍⵃⴻⴷ, ⵢⵉⵡⴻⵏ ⵏ ⵡⴻⵍⵖⵓ ⵏ ⵜⵏⴻⵖⵍⴰⴼⵜ ⵜⴰⵎⴻⵣⵡⴰⵔⵓⵜ.
ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴻⵍⵖⵓ-ⴰ, ⵜⴻⵎⵍⵉⵍⵉⵜ-ⴰ "ⵜⴻⴽⵛⴻⵎ ⴷⴻⴳ ⵡⴰⵀⵉⵍ ⵏ ⵓⵙⴻⵏⵇⴻⴷ ⴰⵎⴻⵣⵖⵉ ⵏ ⵢⵉⵎⵉⵀⵉⵢⴻⵏ ⵏ ⵡⴻⵎⵣⴰⵔ ⵏ ⵡⴻⵊⵔⴰⴷ ⵏ ⵚⵚⴻⵃⵔⴰ ⴷ ⵓⵙⵏⴻⵔⵏⵉ-ⵉⵏⴻⵙ ⴷⴻⴳ ⵜⴻⵎⵏⴰⴹⵜ ⵖⴻⴼ ⵍⴻⵃⵙⴰⴱ ⵏ ⵢⵉⵙⴰⵍⵍⴻⵏ ⵉⵎⴰⵢⵏⵓⵜⴻⵏ ⵏ ⵜⵓⴷⴷⵙⴰ ⵏ ⵓⵞⵞⵉ ⴷ ⵜⵢⴻⵔⵣⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⵍⴻⵏ, ⴰⴽⴽⴻⴷ ⵓⵙⴻⵇⴷⴻⵛ ⵏ ⵜⴻⵣⵎⴻⵔⵜ ⵜⴰⵖⴻⵍⵏⴰⵡⵜ ⴷⴻⴳ ⵓⵏⵏⴰⵔ ⵏ ⵢⵉⵜⵔⴰⵏ ⵉⵎⴻⵙⵏⵓⵍⴼⵓⵢⴻⵏ. ⵉⵎⵉ ⵙⵙⴻⴱⴳⴻⵏ-ⴷ ⵢⵉⵙⴽⴰⵏⴻⵏ ⵉ ⴷ-ⵢⴻⵜⵜⵡⴰⴼⴽⴰⵏ ⴰⵙⴻⵡⵊⴻⴷ ⵏ ⵢⵉⵖⴰⵡⴰⵙⴻⵏ ⵏ ⵍⴻⵇⴷⵉⵛ ⴷⴻⴳ ⵓⵏⵏⴰⵔ ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⵉ ⵢⴻⵙⵡⵉ-ⴰ, ⵉ ⴷ-ⵢⴻⵎⵍⴰⵏ ⵜⴰⵙⵎⵉⵍⵜ-ⵏⵙⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ, ⴰⴽⴽⴻⴷ ⵓⵙⵏⴻⵔⵏⵉ ⵏ ⵓⵙⴻⵡⵊⴻⴷ ⵏ ⵡⴰⵍⵍⴰⵍⴻⵏ ⵏ ⵜⵉⴹⴰⴼ ⴷ ⵓⵄⴰⵙⵙⵉ ⴷⴻⴳ ⵍⵡⵉⵍⴰⵢⴰⵜ ⵏ ⵜⵍⵉⵙⴰ ⵏ ⵡⴻⵏⵥⵓⵍ ⵉ ⴷ-ⵢⴻⵎⵍⴰⵏ ⴰⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵇⴰⴱⴻⵍ, ⴷ ⵓⵙⴻⴵⵀⴻⴷ ⵏ ⵜⵜⴰⵡⵉⵍⴰⵜ ⵏ ⵓⵏⴻⴽⵛⵓⵎ ⵏ ⵜⵎⵓⵔⵜ ⴷ ⵢⵉⴳⴻⵏⵏⵉ, ⵍⴰⴷⵖⴰ ⵡⵉⴷ ⵢⴻⵜⵜⴰⴱⴰⵄⴻⵏ ⴰⵖⵍⵉⴼ ⵏ ⵓⵃⵓⴷⴷⵓ ⴰⵖⴻⵍⵏⴰⵡ".
ⴰⵔⵏⵓ ⵖⴻⵔ
