ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰ ⵏ ⵜⵍⴰⵜⵉⵏ, ⵢⴻⴼⴽⴰ ⵍⴰⵎⵔ ⵉⵡⴰⴽⴽⴻⵏ ⴰⴷ ⴱⴷⴻⵏ ⴰⵙⴱⴻⴷⴷⵉ ⵏ ⵙⵏⴰⵜ ⵏ ⵢⴻⵍⵎⵓⵙⵙⴻⵏ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ (ⵜⴰⵃⵍⵉⵢⴰ) ⴷⵉ ⵜⴰⵎⴻⵏⵖⴰⵙⵜ ⴷ ⵜⵉⵏⴷⵓⴼ, ⴷⴻⴳ ⵡⴰⴳⴳⵓⵔ ⵏ ⵎⴻⵖⵔⴻⵙ ⵉ ⴷ-ⵢⴻⴷⴷⵓⵏ.
ⵖⴻⴼ ⵓⵃⵔⵉⵛ ⵏ ⵡⴰⵎⴰⵏ, ⴰⵙⴻⵍⵡⴰⵢ ⵢⴻⵍⵎⴻⵔ ⴰⵏⵖⵍⴰⴼ ⵏ ⵓⵃⵔⵉⵛ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵊⴻⵀⴷ ⵉ "ⵓⵙⴻⵏⴽⴻⵔ ⵏ ⵙⵏⴰⵜ ⵏ ⵜⵜⴰⵃⴻⵟⵟⴰⵜⵉⵏ ⵏ ⵓⵙⵉⵣⴷⴻⴳ ⵏ ⵡⴰⵎⴰⵏ ⴷⵉ ⵜⴰⵎⴻⵏⵖⴰⵙⵜ ⴷ ⵜⵉⵏⴷⵓⴼ ⵉ ⵍⴼⴰⵢⴷⴰ ⵏ ⵢⵉⵎⴻⵣⴷⴰⵖ ⵏ ⴷⵉⵏⵏⴰ", ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵉⵙⴻⵏⴼⴰⵔⴻⵏ-ⴰⴳⵉ "ⴷ ⵡⵉⴷ ⴰⵙⴻⵜⵔⴰⵜⵉⵊⴰⵏⴻⵏ ⵉ ⵢⵉⵎⴻⵣⴷⴰⵖ ⵏ ⵓⵏⵥⵓⵍ-ⵏⵏⴻⵖ ⴰⵎⴻⵇⵇⵔⴰⵏ", ⵙ ⵔⵔⴰⵢ ⵏ ⵡⵓⵍⵖⵓ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⴰⵎ ⴰⴽⴽⴻⵏ ⵢⴻⵍⵎⴻⵔ ⴷⴰⵖⴻⵏ ⴰⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵜⴰⵃⴻⵟⵟⴰⵜ ⵜⴰⵎⴰⵢⵏⵓⵜ ⴷⵉ ⵜⵉⵏⴷⵓⴼ ⵉ ⵓⵙⵉⵣⴷⴻⴳ ⵏ ⵡⴰⵎⴰⵏ ⵉ ⵢⴻⵜⵜⵡⴰⵇⴷⵛⴻⵏ, ⵍⴰⴷⵖⴰ ⵉ ⵢⵉⵙⴻⵏⴼⴰⵔⴻⵏ ⵏ ⵜⴼⴻⵍⵍⴰⵃⵜ ⵉ ⴷ-ⵢⴻⵜⵜⴰⵍⵉⵏ. ⴷⴻⴳ ⵓⵏⵏⴰⵔ ⵏⵏⵉⴹⴻⵏ, ⴰⵙⴻⵍⵡⴰⵢ ⵢⴻⵙⵙⵓⵜⵓⵔ ⵓⵃⴰⴷⴻⵔ ⴰⵎⴻⵇⵇⵔⴰⵏ ⴷⴻⴳ ⵓⴼⵔⴰⵖ ⵏ ⵡⴰⵎⴰⵏ ⵏ ⵢⵉⵙⴻⴳⴳⵉⴷ (ⴰⵙⵙⵓⴷⵓⴷ) ⵉ ⵢⵞⵞⵓⵔⴻⵏ ⵉⵡⴰⴽⴽⴻⵏ ⵓⵔ ⴷ-ⵜⵜⴻⵍⵍⵉⵏ ⴰⵔⴰ ⵉⵅⴻⵚⵚⴰⵔⴻⵏ.
ⵢⴻⵔⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵉⵍⴰⵇ ⵓⵇⴰⴷⴻⵔ ⵏ ⵡⴰⵀⵉⵍⴻⵏ ⵏ ⵓⴱⴰⴷⴷⵓ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⴰⴽⴽ ⵜⴰⵎⵓⵔⵜ ⴷⴻⴳ ⵓⵙⴻⴳⴳⴰⵙ ⵎⴻⵕⵕⴰ. ⴷⴻⴳ ⵓⵏⵏⴰⵔ-ⴰⴳⵉ, ⵢⴻⵏⵏⴰ-ⴷ ⴱⴻⵍⵍⵉ "ⴰⵏⵇⵉⵟ ⵏ ⵡⴰⵎⴰⵏ ⵖⴻⴼ ⵢⵉⵎⴻⵣⴷⴰⵖ ⵏ ⵍⵡⵉⵍⴰⵢⴰ ⵏ ⵛⵍⴻⴼ ⴷ ⴰⵢⴻⵏ ⵓⵔ ⵏⴻⵇⴱⵉⵍ ⴰⵔⴰ ⵢⴰⴽⴽ, ⵢⴻⵔⵏⴰ ⵢⴰⵍ ⵡⴰ ⴰⴷ ⵉⴹⴻⴱⴱⴻⵔ ⵜⴰⵎⴰⵙⵉⵜ-ⵉⵙ", ⵢⴻⵙⵙⴰⴳⴳⴻⴷ ⵎⴳⴰⵍ ⵢⴰⵍ ⴰⵙⴻⵏⵅⴻⴹ (ⵜⴰⵔⴰⵅⵉ) ⵉ ⴷ-ⵢⴻⵜⵜⴰⵡⵉⵏ ⴷⵢⴰ ⴰⵎ ⵜⴰⴳⵉ.
ⴰⵔⵏⵓ ⵖⴻⵔ
