ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰ ⵏ , ⵢⴻⴼⴽⴰ ⵍⴰⵎⵔ ⵉ ⵓⵀⴻⴳⴳⵉ ⵏ ⴰⴽⴽ ⵜⵉⴳⵏⴰⵜⵉⵏ ⵉⵍⴰⵇⴻⵏ ⵉ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⴰⴷ ⵄⴻⴷⴷⵉⵏ ⴰⴳⴳⵓⵔ ⵏ ⵔⴻⵎⴹⴰⵏ ⴷⴻⴳ ⵍⵉⵙⴻⵔ ⴷ ⵜⴰⵍⵡⵉⵜ, ⵙ ⵔⵔⴰⵢ ⵏ ⵡⵓⵍⵖⵓ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⵓⵍⵒⵓ-ⵏⵏⵉ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵀⴻⴳⴳⵉ ⵉ ⵡⴰⴳⴳⵓⵔ ⴰⵣⵉⵣⴷⴻⴳ ⵏ ⵔⴻⵎⴹⴰⵏ, "ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⵓⵜⵓⵔ ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏ ⴰⴽⴽ ⵜⵉⴳⵏⴰⵜⵉⵏ ⵢⴻⵍⵀⴰⵏ ⵉ ⵢⵉⵎⴻⵣⴷⴰⵖ-ⵏⵏⴻⵖ ⵉⵡⴰⴽⴽⴻⵏ ⴰⴷ ⵄⴻⴷⴷⵉⵏ ⴰⴳⴳⵓⵔ-ⴰⴳⵉ ⴷⴻⴳ ⵍⵉⵙⴻⵔ, ⵉⵎⵉ ⴰⴳⴳⵓⵔ-ⴰⴳⵉ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⴷ ⵍⵃⵓⵔⵎⴰ ⴳⴰⵔ ⵢⵉⵣⵣⴰⵢⵔⵉⵢⴻⵏ, ⵢⴻⵔⵏⴰ ⴷⴻⴳ-ⵙ ⵉ ⴷ-ⵉⵜⵜⴻⴽⴽ ⵓⴷⵓⴽⴽⵓⵍ ⴷ ⵓⵎⵄⵉⵡⴻⵏ ⴳⴰⵔ ⵢⵉⵎⴷⴰⵏⴻⵏ".
ⴰⵎ ⴰⴽⴽⴻⵏ ⵢⴻⵍⵎⴻⵔ ⴷⴰⵖⴻⵏ ⵉ ⵓⵏⴰⴱⴰⴹ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵙⵡⵉⵔ ⵏ ⵓⵎⴰⵀⵉⵍ ⴷⴻⴳ ⵡⴰⴳⴳⵓⵔ-ⴰⴳⵉ ⵉ ⵓⵙⵜⴻⵇⴱⴻⵍ ⵏ ⵢⴰⵍ ⴰⵖⴱⴻⵍ ⵏ ⵡⴻⴳⴷⵓⴷ, ⵢⴻⵔⵏⴰ ⵉⵛⴻⴽⴽⴻⵔ ⴰⵙⵡⵉⵔ ⵏ ⵓⴼⴰⵔⵉⵙ ⴷⴻⴳ ⵙⵙⵓⵇ (ⵜⴼⴻⵍⵍⴰⵃⵜ ⴷ ⵓⴽⵙⵓⵎ), ⵢⴻⵔⵏⴰ ⵉⵃⴻⵜⵜⴻⵎ ⴱⴻⵍⵍⵉ ⵉⵍⴰⵇ ⴰⵢⴰⴳⵉ ⴰⴷ ⴷ-ⵢⴻⵔⵔ ⵙ ⵍⵉⵙⴻⵔ ⴷⴻⴳ ⵙⵙⵓⵎⴰ ⵏ ⵍⵙⴻⵍⵄⴰ ⴷⴻⴳ ⵡⴰⴳⴳⵓⵔ-ⴰⴳⵉ ⴰⵣⵉⵣⴷⴻⴳ.
ⴰⵔⵏⵓ ⵖⴻⵔ
