ⵜⴻⵔⵏⴰⵜ ⵜⵎⵉⵢⵢⴰ ⵏ ⵜⴱⵓⵍⴰⴷⵉⵏ ⵏ ⵓⵏⵉⴳⵉ ⵙ ⵓⴱⵔⵉⴷ ⵉ ⴷ-ⵢⵓⵖⴻⵏ ⵙ ⴰⵏⵜⵉⵔⵏⵉⵜ, ⵙ ⵓⵙⵉⵔⵉⴷ "ⵎⴰⵃⴰⵟⵟⴰⵜⵉ", ⵙ 160% ⴷⴻⴳ ⵓⵙⴻⴳⴳⴰⵙ ⵏ 2025, ⵜⴻⵡⵡⴻⴹ ⴰⵔ 2.026.784 ⵏ ⵜⴱⵓⵍⴰⴷⵉⵏ, ⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴽⴻⵔⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⴻⵅⴷⴻⵎ ⴷ ⵜⴷⴻⴱⴱⴻⵔⵜ ⵏ ⵜⵎⴰⵃⴰⵟⵟⴰⵜⵉⵏ ⵏ ⵓⴱⵔⵉⴷ "ⵙⵓⴳⵔⴰⵍ".
ⵜⴻⵔⵏⴰⵜ-ⴰⴳⵉ ⵜⵓⵙⴰ-ⴷ ⵉⵎⵉ ⵓⵙⵉⵔⵉⴷ-ⴰ ⵢⴻⵍⵀⴰ ⵢⴻⵔⵏⴰ ⴼⴻⵙⵙⵓⵙ ⵉ ⵓⵙⴻⵅⴷⴻⵎ, ⵢⴻⵔⵏⴰ ⴷⴻⴳ 2025 ⵙⵙⴻⵍⵃⴰⵏ-ⵜ ⴷⴻⴳ 60 ⵏ ⵜⵎⴰⵃⴰⵟⵟⴰⵜⵉⵏ ⵏ ⵓⴱⵔⵉⴷ ⴷⴻⴳ ⵜⵎⵓⵔⵜ. ⴰⵢⴰ ⵢⴻⵙⵙⵉⴼⵙⵓⵙ ⵍⵅⴻⴷⵎⴰ ⵉ ⵢⵉⵎⵉⵏⵉⴳⴻⵏ ⴷⴻⴳ ⵢⴰⵍ ⵜⴰⵡⵉⵍⴰⵢⵜ, ⵓⵔ ⵜⵜⵏⴰⴷⵉⵏ ⴰⵔⴰ ⴰⴷ ⵔⵣⵓⵏ ⵖⴻⵔ ⵜⴻⵡⵡⵓⵔⴰ ⵏ ⵓⵙⴻⵏⵣⵓ ⴷⴻⴳ ⵜⵎⴰⵃⴰⵟⵟⴰⵜⵉⵏ.
ⵓⵙⵉⵔⵉⴷ "ⵎⴰⵃⴰⵟⵟⴰⵜⵉ" ⵢⴻⵜⵜⴰⴽ ⵜⴰⴳⵏⵉⵜ ⵉ ⵢⵉⵙⴻⵅⴷⴰⵎⴻⵏ ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵎⵓⵖ ⵏ ⵢⵉⵏⵉⴳⴻⵏ, ⴰⴷ ⵅⵜⵉⵔⴻⵏ ⴰⴽⵓⴷ ⴷ ⵡⴰⵎⴽⴰⵏ ⵉ ⴷ-ⵢⵓⵙⴰⵏ, ⵢⴻⵔⵏⴰ ⴰⴷ ⵅⴻⵍⵍⵚⴻⵏ ⵙ ⵜⴽⴰⵔⵟⴰ ⵏ ⵍⴱⴰⵏⴽⴰ ⵙ ⵍⴰⵎⴰⵏ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵜⵉⵎⴰⵃⴰⵟⵟⴰⵜⵉⵏ ⵉ ⵢⴻⵙⵄⴰⵏ ⴰⴽⴽ ⵉⵚⴻⵔⴼⵉⵢⴻⵏ, ⵜⴰⵎⴰⵏⴻⵖⵜ (ⵍⴻⵣⵣⴰⵢⴻⵔ) ⵜⴻⵣⵡⴰⵔ, ⴷⴻⴼⴼⵉⵔ-ⵉⵙ ⴶⵉⴶⴻⵍ, ⵜⵍⴻⵎⵙⴻⵏ, ⵄⴻⵏⵏⴰⴱⴰ, ⵎⵓⵙⵜⴰⵖⴰⵏⴻⵎ, ⴱⴻⵛⵛⴰⵔ, ⴱⵉⵙⴽⵔⴰ, ⵜⴱⴻⵙⵙⴰ, ⵡⴰⵔⴳⵍⴰ ⴷ ⴱⴰⵜⵏⴰ. ⴰⵢⴰ ⵢⴻⵙⴽⴰⵏ-ⵢⵉⴷ ⴱⴻⵍⵍⵉ ⴰⵙⴻⵅⴷⴻⵎ ⵏ ⵓⵎⵓⵟⵟⴰⵏ (numérique) ⴰⵜⴰⵏ ⵢⴻⵜⵜⵏⴻⵔⵏⵉ ⴷⴻⴳ ⵜⵎⵓⵔⵜ.
ⴰⵍⴷⴰⵢ ⵏ ⵓⵙⵉⵔⵉⴷ-ⴰ ⴷ ⵢⵉⵡⴻⵏ ⵏ ⵓⴱⵔⵉⴷ ⵉ ⵓⵙⵎⴰⵢⵏⵓ ⵏ ⵓⵃⵛ ⵏ ⵓⵏⵉⴳⵉ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⵍⵅⴻⴷⵎⴰ ⵏ ⴱⴰⵢⵍⴻⴽ ⵢⴻⵔⵏⴰ ⴰⴷ ⵙⵏⴻⵇⵙⴻⵏ ⴰⵃⴻⵔⵔⴻⵇ ⴷⴻⴳ ⵜⴻⵡⵡⵓⵔⴰ ⵏ ⵓⵙⴻⵏⵣⵓ, ⵍⴰⴷⵖⴰ ⴷⴻⴳ ⵜⴼⴰⵙⴽⵉⵡⵉⵏ ⴷ ⵍ-ⵓⵟⴻⵍ.
ⵙⵓⴳⵔⴰⵍ ⵜⴻⵙⵙⴻⵔⵙⴻⵅ ⵢⴰⴽⴰⵏ ⵓⵙⵉⵔⵉⴷ "ⵎⴰⵃⴰⵟⵟⴰⵜⵉ" ⴷⴻⴳ ⵜⴰⵣⵡⴰⵔⴰ ⵏ 2023, ⵎⴰ ⴷⴻⴳ ⵢⵓⵍⵢⵓ ⵉⵄⴻⴷⴷⴰⵏ ⵜⴻⵙⵙⴻⵔⵙⴻⵅ ⵡⵉⵙ ⵙⵉⵏ ⵉ ⵡⵓⵎⵉ ⵙⴻⵎⵎⴰⵏ "ⵜⴰⵅⵉ ⵙⴰⴼⴻ" ⵉⵡⴰⴽⴽⴻⵏ ⴰⴷ ⴷ-ⵙⵙⵉⵡⵍⴻⵏ ⵉ ⵜⴰⵅⵉ ⵏ ⵚⵚⴻⵃ. ⵓⵙⵉⵔⵉⴷ-ⴰ ⵢⴻⵄⵏⴰ ⴽⴰⵏ ⵡⵉⴷ ⵉⵅⴻⴷⴷⵎⴻⵏ ⵙ ⵍⵇⴰⵏⵓⵏ ⵢⴻⵔⵏⴰ ⵜⵜⴽⴻⵍⵍⵉⵙⴻⵏ ⵜⴽⴻⵔⵔⵓⵙⵜ-ⵏⵙⴻⵏ ⵢⴰⵍ ⵙⴷⵉⵙ (6) ⵏ ⵢⵉⴳⴳⵓⵔⴻⵏ.
ⴰⵔⵏⵓ ⵖⴻⵔ
