ⵜⴻⵙⵙⴻⴱⴳⴻⵏ-ⴷ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉ, ⵎⴰⵙⵙⴰ ⵎⴰⵍⵉⴽⴰ ⴱⴻⵏⴷⵓⵓⴷⴰ, ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵄⴻⵏⵏⴰⴱⴰ, ⴰⵣⴰⵍ ⵏ ⵍⵯⴻⵀⴷ ⵉ ⴷ-ⵢⴻⵍⵍⴰⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵍⵎⴻⴷ (ⵛⵍⴰⵙⵙⵉⴼⵉⵛⴰⵜⵉⵓⵏ) ⵏ ⵢⵉⴱⴻⵔⴷⴰⵏ ⵏ ⴰⴳⵓⵙⵜⵉⵏ ⴷⴰⵅⴻⵍ ⵏ ⵓⴳⴻⵔⵔⵓⵞ ⴰⴳⵔⴰⵖⵍⴰⵏ ⵏ ⴷⴷⵓⵏⵉⵜ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⴻⵍⵎⴻⴷ, ⵜⵓⵙⵙⵏⴰ ⴷ ⵢⵉⴷⵍⴻⵙ "ⵢⵓⵏⴻⵙⴽⵓ".
ⴷⴻⴳ ⵡⴰⵡⴰⵍ-ⵉⵙ ⵉ ⵜⴻⵖⴻⵎⵙⴰ ⵜⴰⵎⴰ ⵏ ⵔⵔⴻⵣⵣⴰ ⵏ ⴻⵍⴱⴰⴱⴰ ⵍⵢⵓⵏ ⵡⵉⵙ 14 ⵖⴻⵔ ⵡⴰⵎⴽⴰⵏ ⴰⵣⴰⵢⵣⵉ "ⵀⵉⴱⵓⵏ" (ⵄⴻⵏⵏⴰⴱⴰ), ⵜⵓⵔⴰ ⵜⵏⴻⵖⵍⴰⴼⵜ ⴱⴻⵍⵍⵉ ⵉⴱⵔⵉⴷ-ⴰⴳⵉ ⴷ "ⴰⵙⴻⵏⴼⴰⵔ ⵜⴰⵔⵔⴰⵢⴰⵏⵜ ⵏ ⴷⴷⵓⵍⴰ ⵉ ⵢⵉⵙⵉⴳ-ⵉⵙ ⴷ ⴰⵙⴻⴼⵔⴰⵣ ⵏ ⵓⴳⴻⵔⵔⵓⵞ ⴰⵖⴻⵍⵏⴰⵡ ⴷ ⵓⵙⵏⴻⵔⵏⵉ ⵏ ⵢⵉⴷⵍⴻⵙ ⵏ ⵍⴻⵣⵣⴰⵢⴻⵔ ⴷ ⵜⵎⴻⵔⵔⴻⵢⵜ ⵏ ⵢⵉⴷⵍⴻⵙ, ⵉⵡⴰⴽⴽⴻⵏ ⴰⵎⴽⴰⵏ-ⴰⴳⵉ ⴰⵣⴰⵢⵣⵉ ⴰⴷ ⴷ-ⵢⴻⵇⵇⵉⵎ ⴷ ⵜⴰⵏⵉⵍⴰ ⵉ ⵢⵉⵎⵏⴰⴷⵉⵢⴻⵏ ⴷ ⵡⵉⴷ ⵢⴻⵟⵟⴰⴼⴰⵔⴻⵏ ⵜⴰⵎⵓⵙⵏⵉ ⵏ ⴰⴳⵓⵙⵜⵉⵏ ⴷⴻⴳ ⴷⴷⵓⵏⵉⵜ ⴽⴰⵎⴻⵍ".
ⵎⴰⵙⵙⴰ ⴱⴻⵏⴷⵓⵓⴷⴰ ⵜⴻⵙⵙⴻⴱⴳⴻⵏ-ⴷ ⴰⵣⴰⵍ ⵏ "ⵓⵙⵏⴻⵔⵏⵉ ⵏ ⵓⵎⵢⴻⵣⵣⵡⴻⵔ ⴷⴻⴳ ⵓⵙⴻⵍⵎⴻⴷ ⴰⴳⵔⴰⵖⵍⴰⵏ ⴷ ⵓⴱⴻⵃⴱⴻⵀ ⵏ ⵓⵏⴰⴷⵉ ⴷ ⵓⵙⴰⵔⵓ ⵏ ⵜⵓⵙⵙⵏⴰ ⵖⴻⴼ ⵓⴳⴻⵔⵔⵓⵞ-ⴰⴳⵉ ⵉⵡⴰⴽⴽⴻⵏ ⴰⴷ ⵜⴻⵇⵇⵉⵎ ⵉ ⵜⵙⵓⵜⵡⵉⵏ ⵉ ⴷ-ⵉⵜⴻⴷⴷⵓⵏ".
ⵜⴻⵙⴼⵓⴽⴽⴻⵍ ⵜⵏⴻⵖⵍⴰⴼⵜ ⵏ ⵢⵉⴷⵍⴻⵙ ⴷ ⵜⵥⵓⵔⵉ ⵍⴻⴱⵖⵉ ⵏ ⵓⵃⵔⵉⵛ-ⵉⵙ ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴷⴻⴳ ⵓⴹⴼⴻⵔ ⵏ ⵢⵉⵙⴻⵏⴼⴰⵔⴻⵏ ⵉ ⵓⵃⵔⴰⵣ ⵏ ⵓⴳⴻⵔⵔⵓⵞ ⴰⵖⴻⵍⵏⴰⵡ ⴷ ⵓⵙⵓⴼⴼⴻⵖ-ⵉⵙ ⴷ ⵍⵍⵙⴰⵙ ⵏ ⵓⵏⴻⴳⵎⵓ ⵏ ⵢⵉⴷⵍⴻⵙ ⴷ ⵜⵎⴻⵔⵔⴻⵢⵜ, ⵢⴻⵔⵏⴰ ⴷ ⴰⵣⵓ ⵏ ⵓⴷⵉⵡⴻⵏ ⴳⴰⵔ ⵜⵖⴻⵔⵎⵉⵡⵉⵏ ⴷ ⵓⵙⴻⵔⵙ ⵏ ⵡⴰⵟⴰⵍⴻⵏ ⵏ ⵍⴻⵀⵏⴰ.
ⵉⴱⴻⵔⴷⴰⵏ-ⴰⴳⵉ ⵍⵎⴻⵏⵜ ⴰⵎⴽⴰⵏ ⴰⵣⴰⵢⵣⵉ ⵏ ⵀⵉⴱⵓⵏ ⴷⴻⴳ ⵜⵡⵉⵍⴰⵢⵜ ⵏ ⵄⴻⵏⵏⴰⴱⴰ, ⵜⴰⵖⴰⵙⵜ ⴷ ⵎⴰⴷⵓⵔ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵔⴰⵙ, ⵉ ⵢⴻⵇⵇⵏⴻⵏ ⵖⴻⵔ ⵓⵎⴻⵣⵔⵓⵢ ⵏ ⴰⴳⵓⵙⵜⵉⵏ ⵉⵎⵇⴻⴷⴷⴻⵙ.
ⴰⵔⵏⵓ ⵖⴻⵔ
