ⵉⵃⴻⴹⴻⵔ ⵜⵎⴻⴷⴷⵉⵜ ⵏ ⵡⴰⵙⵙ ⵏ ⵙⵙⴻⴱⵜ ⵡⴰⵏⴻⵖⵍⴰⴼ ⵏ ⵢⵉⵍⵎⴻⵥⵢⴻⵏ ⵉ ⵢⴻⵜⴽⴻⵍⵍⴼⴻⵏ ⵙ ⵓⵙⵇⴰⵎⵓ ⵓⵏⵏⵉⴳ ⵏ ⵢⵉⵍⵎⴻⵥⵢⴻⵏ, ⵎⵓⵚⵟⴰⴼⴰ ⵃⵉⴷⴰⵡⵉ, ⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⵜ-ⵢⴻⵙⴷⵓⴽⴽⵍⴻⵏ ⴰⴽⴽⴻⴷ ⵢⵉⵍⵎⴻⵥⵢⴻⵏ ⴷ ⵢⵉⵎⵙⵓⴼⴼⴰⵖ ⴷⴻⴳ ⵓⵏⵏⴰⵔ ⵏ ⵜⴷⵓⴽⴽⵍⵉⵡⵉⵏ ⵏ ⵍⵡⵉⵍⴰⵢⴰ ⵏ ⵙⵓⵇ ⴰⵀⵔⴰⵙ.
ⴷⴻⴳ ⵡⴰⵡⴰⵍ-ⵉⵙ ⵖⴻⴼ ⵜⴻⴳⵏⵉⵜ ⵏ ⵓⵏⵟⴰⵍⴰⵇ ⵏ ⵍⴻⵇⴷⵉⵛⴰⵜ ⵏ ⵜⴻⵎⵍⵉⵍⵉⵜ-ⴰ ⵉⵡⵓⵎⵉ ⴼⴽⴰⵏ ⵉⵙⴻⵎ "ⵜⴰⵎⵓⵖⵍⵉ ⵉⵛⴻⵔⴽⴻⵏ ⵉ ⵢⵉⵎⴰⵍ ⵢⴻⵍⵀⴰⵏ" ⵉ ⴷ-ⵢⴻⵜⵜⵡⴰⵀⴻⴳⴳⴰⵏ ⴷⴻⴳ ⵓⵅⵅⴰⵎ ⵏ ⵢⵉⵍⵎⴻⵥⵢⴻⵏ ⵎⵔⴰⴽⴻⴱ ⵇⴻⴷⴷⵓⵔ ⴷⴻⴳ ⵜⴻⵎⴷⵉⵏⵜ ⵏ ⵍⵡⵉⵍⴰⵢⴰ, ⵢⴻⵙⵙⴻⴱⴳⴻⵏ-ⴷ ⵃⵉⴷⴰⵡⵉ ⴷ ⴰⴽⴽⴻⵏ ⵉⵍⴰⵇ ⴰⴷ ⵏⴻⵙⵙⴻⴷⴷⵓ ⵢⵉⴷⵍⴻⵙ ⵏ ⵜⵎⴰⵙⵉⵜ ⴷ ⵜⵉⵖⵔⴻⵎⵜ ⵖⴻⵔ ⵢⵉⵍⵎⴻⵥⵢⴻⵏ, ⴰⴽⴽⴻⴷ ⵓⵙⵙⴻⵃⴱⵉⴱⴻⵔ-ⵏⵙⴻⵏ ⵖⴻⴼ ⵓⵙⵏⵓⵍⴼⵓ ⴷ ⵜⵜⴻⴽⴽⵉ ⵢⴻⵍⵀⴰⵏ ⴰⴽⴽⴻⴷ ⵡⵓⵜⵜⴻⴽⴽⵉ ⴷⴻⴳ ⵓⵀⴻⴳⴳⵉ ⵏ ⵜⴻⵏⵎⵉⵡⵜ ⵜⴰⵎⴰⵜⵓⵜ ⴷ ⵜⵓⵎⵎⵉⴷⴻⵜ.
ⴷⴰⵖⴻⵏ ⵢⴻⵙⵙⴰⵡⴻⵍ-ⴷ ⵖⴻⴼ ⵜⴻⴳⵏⵉⵜ-ⴰ ⵉⵡⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵢⵉⵍⵎⴻⵥⵢⴻⵏ ⴷⴻⴳ ⵓⵀⴻⴳⴳⵉ ⵏ ⵜⵙⴻⵔⵜⵉⵢⵉⵏ ⵜⵉⴷⵉⴳⴰⵏⵉⵏ ⴷ ⵓⵙⴻⵇⴷⴻⵛ ⵏ ⵜⴻⵣⵎⴻⵔⵜ-ⵏⵙⴻⵏ ⵙ ⵓⵙⵏⴻⵔⵏⵉ ⵏ ⵡⴰⵀⵉⵍⴻⵏ ⵏ ⵓⵙⵉⵍⴻⵖ ⴷ ⵓⵙⴻⴳⴳⴻⵎ ⴰⵔⴰ ⵢⴻⴼⴽⴻⵏ ⴰⴼⵓⵙ ⵉⵡⴰⴽⴽⴻⵏ ⴰⴷ ⵓⵖⴰⵍⴻⵏ ⵢⵉⵙⵡⵉⵏⴳⵉⵎⴻⵏ-ⵏⵙⴻⵏ ⴷ ⵉⵙⴻⵏⴼⴰⵔⴻⵏ ⵢⴻⵙⵄⴰⵏ ⵉⵙⵡⵉ ⴰⴷⴰⵎⵙⴰⵏ ⴷ ⵡⴰⵎⵓⵏ ⴰⵔⴰ ⵉⵙⴵⴻⵀⴷⴻⵏ ⴰⵎⴽⴰⵏ-ⵏⵙⴻⵏ ⴰⵎ ⵓⵎⵛⵉⵡⴻⴽ ⴰⴳⴻⵊⴷⴰⵏ ⴷⴻⴳ ⵓⴱⵔⵉⴷ ⵏ ⵜⴻⵏⵎⵉⵡⵜ ⵜⴰⵖⴻⵍⵏⴰⵡⵜ.
ⵉⵡⴻⵀⵀⴰ-ⴷ ⵖⴻⵔ ⵓⴱⴻⴷⴷⴻⵍ ⴰⵎⴻⵇⵇⵔⴰⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⵏⴰⴳⵔⴰⵡ ⵏ ⵓⵙⵏⵓⵍⴼⵓ ⵏ ⵜⴽⴻⴱⴱⴰⵏⵉⵢⵉⵏ ⵉ ⴷ-ⵢⴻⵎⵍⴰⵏ ⴰⵎⵏⴻⴽⵏⵉ ⴷⴻⴳ ⵓⵎⴹⴰⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵙⴻⴳ 250 ⴰⵔⵎⵉ ⴷ ⵓⴳⴰⵔ ⵏ 13,000 ⵏ ⵜⴽⴻⴱⴱⴰⵏⵉⵢⵉⵏ ⵜⵓⵔⴰ, ⴷ ⴰⵢⴻⵏ ⵉ ⴷ-ⵢⴻⵙⵙⴻⴱⴳⴰⵏⴻⵏ ⵙ ⵍⵄⴰⵍⵉ ⵜⵉⵎⴰⵡⵉⵜ ⵉ ⵢⴻⵜⵜⵉⴷⵉⵔ ⵓⵃⵔⵉⵛ-ⴰ.
ⴷⴰⵖⴻⵏ ⵉⵡⴻⴽⴽⴻⴷ-ⴷ ⵎⵉ ⵢⴻⵍⵍⴰ ⵉⵃⴻⴹⴻⵔ ⵏⴻⵜⵜⴰ ⴷ ⵍⵡⴰⵍⵉ ⵏ ⵍⵡⵉⵍⴰⵢⴰ ⵄⴻⴱⴷⴻⵍⴽⵔⵉⵎ ⵣⵉⵏⴰⵢ ⵖⴻⴼ ⵜⴻⵏⵣⵉⵡⵉⵏ ⵏ ⵍⴻⵇⴷⵉⵛ ⵜⵉⵎⴰⵣⵣⴰⴳⵉⵏ ⵖⴻⵔ ⵜⴻⵍⴷⵉⵏ ⵏ ⵢⵉⴽⵍⵓⴱⴻⵏ ⵏ ⵓⵙⵏⵓⵍⴼⵓ ⵏ ⵓⴳⴱⵓⵔ ⵢⴻⵍⵀⴰⵏ ⵉ ⵢⴻⵜⵜⴰⵡⵉⵏ ⵉⵙⵡⵉⵢⴻⵏ ⵏ ⵓⵙⴻⴽⴽⵉ, ⵢⴻⵙⴱⴻⴳⴻⵏ-ⴷ ⴷ ⴰⴽⴽⴻⵏ ⵉⵍⴰⵇ ⴰⴷ ⵜⵜⴻⴽⴽⵉⵏ ⴷⴻⴳ ⵓⵏⵏⴰⵔ ⴰⵎⴻⵙⵖⵉⵏ ⴷ ⵓⵙⴻⵇⴷⴻⵛ ⵏ ⵜⴻⵡⵙⴰⵜⵉⵏ ⵏ ⵜⵉⵃⴻⵔⵛⵉ ⵜⴰⵎⴻⵙⵏⵓⵍⴼⵓⵜ.
ⵜⴻⵎⵍⵉⵍⵉⵜ-ⴰ ⵜⴻⴽⵛⴻⵎ ⴷⴻⴳ ⵍⴻⵇⴷⵉⵛⴰⵜ ⵏ ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴻⴳⵔⴰⵡⵉⵏ ⵏ ⵢⵉⵍⵎⴻⵥⵢⴻⵏ ⵉ ⴷ-ⵢⴻⵙⵙⵓⴷⴷⴻⵙ ⵓⵙⵇⴰⵎⵓ ⵓⵏⵏⵉⴳ ⵏ ⵢⵉⵍⵎⴻⵥⵢⴻⵏ ⵖⴻⴼ ⵓⵙⴻⵏⵜⴻⵍ ⵏ ⵜⵜⴻⴽⴽⵉ ⴰⵙⴻⵔⵜⴰⵏ ⴷ ⵜⴻⵏⵎⵉⵡⵜ ⵜⴰⴷⵉⴳⴰⵏⵜ.
ⴰⵔⵏⵓ ⵖⴻⵔ
